Tɔŋ lasálàá 1:4 - BII BILA

⁴ O handu baa cɔlu kon o lebol haliko mo cɛlnun, mì Mɛlɛka vɔɔsu yɔŋnda vɔɔnnda vana kon.

Tɔŋ lasálàá 1:4 Iomraidhean Croise

Fulaa 28:38

haliko mi pɛngɛi ken va Aarɔn o itendu. Kon cɔm ni maa te Israɛlla tosa pɛ hakio, mà pilan ya tana o ya sálàla ndalan súúlan kpow cuuo nin, mɛɛ Aarɔn siilun hakila ndala lan. Pɛngɛi ken vanin ndu o itendu lɔ́ɔ́-lɔ́ɔ̀ ni haliko mi cɛl sálàla lan a kɔl nuu kpow.

Fulaa 29:10

Ma cua vɛlɛ naw tovaa, ma hin a ndu o cɛi-kola-toandaa-labɔɔŋianndo sondoo, mì Aarɔn nda poaa ndɔa handu cɔlu kon balan o lebol,

Fulaa 29:15

Ma cua vɛlɛ saa kóndó tasoo, mì Aarɔn nda poaa ndɔa handu ndu balan o lebol,

Fulaa 29:19

O kon kɔɔli, a cua vɛlɛ saa kóndó diinndɔɔ, Aarɔn nda poaa ndɔa handu ndu balan o lebol.

Fulaa 29:33

Nda kínɛí bɛnda ni mà de ɲɛm sálàn mun. Kani a mun hakila ndalan la ɲuminnin telen nda vanin nda faleŋun kandaa baalan tosaa coo-o ni, faleŋun mun tosanin ni mà siŋnun vanaa diandaa ya Mɛlɛka o hɔl. Vana celen bɛnda mò de ɲɛm mun te, kani ɲɛm diandan n co ya Mɛlɛka o hɔl ni.

Esai 56:7

I kɔanin a nda o pembii nii diandɛi coo, I nɛŋinin nda kɔltan o cɛi ni lepiɛiyo nin, mì cɛl sálàla loamaala ndala nda solinin o fonda ni solia lasálàá coo lan. Kani Cɛi nuu veelunnin aa Cɛi lepiɛiyo le vannda súúlan kpow.

Esekiɛl 45:15

Le cɔlua nda, o bɛnda mì la cua saa o pilɛ o kunda saa kɛmɛ lediin coo o hòóla puiyaala cuavaa Israɛlla nin. Ɲɛm niaa cuanin mun yɛ́-yɛ́-on vanin le sálà ɲɛm vaa, le sálà loamaa a le sálàla kɔlɲululan solio ni, haliko mi kon va faleŋii baŋannde le hakila niaa tosa lan. Ya Maalii, ya co Mɛlɛka-o soo nuaa ni.

Daniɛl 9:24

Lɔ́ɔ́lan la kelun belaŋɔmmɛw le yungu nɔmndo a kobi nɔm diandaa, le diondɔɔ a hakilan, le yɔŋ vɔɔndo ciiyo, le hunɔɔ a dɛnɛ sandaa fɛɛn-fɛɛndo, le vunduan a sɔɔn vanaa-tɛɛngaa-diom Hala-a dimi-on peelɔnndo, le Fonda-Dianda-Diandaa mingio sɔɔ Mɛlɛka o ba.

Tɔŋ lasálàá 16:21

O kon, o handu bala ndɔlan cuin toovi kon o lebol, o sɔlɔlan hakila Israɛlla, nila kalula ndalan a tɛɛmbuula ndalan kpow, o vow lan cuin kon coo. O kon kɔɔli, vana hɛlin lelan-ndo kɔɛ a cuin kon, o tow ndu o lɛŋnde veselɛilen nin polon.

Tɔŋ lasálàá 16:24

O kon kɔɔli, o kɔ pulun cɛ́kɛ́lɛ́ o nɛɛ diandaa pum, o mingin volɔɔla ndɔlan lekɔɔ. O kon, o kɔ soli sálàla loamaala tiɔnndan le ndu pila a le Israɛlla kpow. O cii pɛ, o tosa faleŋii baŋannde le hakio sɔlaa malɔɔ le ndu pila a le Israɛlla kpow.

Tɔŋ lasálàá 22:21

Te vanndo baa pɛ yoolen o ya Mɛlɛka lo, te kon te mo kelu o kɔl ndɔɔ nin le ya sálà kɔlɲuloo solullo, o va a cɔlu bɛndoo, o va a o pɔmbɔɔ o yeema le sálà kon solio ni, o bɛnda mò soli cɔlu nɔ lenamta loo sálàá.

Tɔŋ lasálàá 22:27

«Te nawvo, saa, te kon te cuinndo kom pɛ, cualen le bɛnda mì le lo kala ndɔ ikɛi háá palɛi ndii ŋɔmmɛw. Kɛ kandɔɔ o paale ŋɔmaandɔlen, la tiwba mì la soli cuale len sálà ŋɔa o yin le ya Mɛlɛka-o.

Tɔŋ lasálàá 3:13

o handu ndu baa o lebol, o kelu ndu bololan o cɛi-kola-toandaa-labɔɔŋianndo sondoo. O kon, vanaa-solia-lasálàá, poaa Aarɔn-nda balu kooma ndɔan fasaŋiaa o kpengun fonda-loamaa-lasálàá coo pindo.

Tɔŋ lasálàá 3:2

Mò handu baa cɔlu kon o lebol, mo kelu ndu bololan o cɛi-kola-toandaa-labɔɔŋianndo sondoo. O kon, mì vanaa-solia-lasálàá, poaa Aarɔn-nda balu kooma cɔlu kon fasaŋiaa o kpengun fonda-loamaa-lasálàá coo pindo.

Tɔŋ lasálàá 3:8

O handu ndu baa o lebol, o kelu ndu bololan o cɛi-kola-toandaa-labɔɔŋianndo sondoo. O kon kɔɔli, poaa Aarɔn-nda balu kooma ndɔan fasaŋiaa o kpengun fonda-loamaa-lasálàá coo pindo.

Tɔŋ lasálàá 4:15

Mì kaasoŋaa kɔlkalua nda tɛɛn a handu balan naw tova kon o lebol Mɛlɛka o hɔl, mà kelu ndu bololan ndon.

Tɔŋ lasálàá 4:20

O bɛnda mò tosa a naw tova kon mɛɛ o tosa a naw tova yɔngun le sálàá le hakio sɔlaa malɔɔ-o yɛ, tova yɔngun le haki bolle vanaa-solia-lasálàá-o pɛɛn. Lende vana-solia-lasálàá bɛnda ni mo tosa faleŋii baŋannde nda coo le haki nda tosa-o, o kon Mɛlɛka mal nda haki.

Tɔŋ lasálàá 4:24

mò handu baa cuin kon o lebol, mò kelu ndu bololan Mɛlɛka o hɔl, o fonda nda kialu cɔlua co le sálà loamaa-a bololan-ndo. Sálà co le hakio sɔlaa malɔɔ-o co kon ni.

Tɔŋ lasálàá 4:26

O cii pɛ, o lom cuɛima cuin toovi kon kpow o fonda-loamaa-lasálàá coo, mɛɛ o lom cuɛima cɔlu sálà kɔlɲuloo yɛ. Mɛɛ lende vana-solia-lasálàá bɛnda ni mo tosa faleŋii baŋannde ndu coo le haki o tosa-o. O kon, Mɛlɛka mal ndu haki.›

Tɔŋ lasálàá 4:29

Mò handu baa cuin laandu kon o lebol, mò kelu ndu bololan o fonda nda kialu cɔlua co le sálà loamaa-a bololan-ndo.

Tɔŋ lasálàá 4:31

O faaŋiaa cuɛima cuin laandu kon kpow mɛɛ nda faaŋiaa cuɛima cɔlua sálà kɔlɲulua yɛ, mì vana-solia-lasálàá lom man o fonda-loamaa-lasálàá coo, haliko mi cun ndɔɔ hɛnan ya Mɛlɛka. Mɛɛ lende vana-solia-lasálàá bɛnda ni mo tosa faleŋii baŋannde ndu coo le haki o tosa-o. O kon Mɛlɛka mal ndu haki.

Tɔŋ lasálàá 4:33

mò handu ndu baa o lebol, mò kelu ndu bololan le sálàá solio le hakio sɔlaa malɔɔ. O fonda nda kialu cɔlua yɔngun le sálà loamaa solio-a bololan-ndo o bɛnda ni mo kelu cɔlu kon bololan.

Tɔŋ lasálàá 4:35

O kon, o faaŋiaa cuɛima ndɔan mɛɛ nda faaŋiaa cuɛima saa téndé yɔngun le sálà kɔlɲuloo-o-an yɛ, mì vana-solia-lasálàá lom man o fonda-loamaa-lasálàá coo, o sálàla nda loam o yinnden nin le ya Mɛlɛka lan coo. Lende vana-solia-lasálàá bɛnda ni mo tosa ndu faleŋii baŋannde coo le haki o tosa-o. O kon Mɛlɛka mal ndu haki.›»

Tɔŋ lasálàá 4:4

O bɛnda mò hin a naw tova kon o cɛi-kola-toandaa-labɔɔŋianndo sondoo, mò handu ndu baa o lebol, mò kelu ndu bololan ya Mɛlɛka o hɔl.

Tɔŋ lasálàá 5:6

o kon, o hin a cɔlu laandoo le sálà bɛɛndiaa isɔɔ o ya Mɛlɛka lo le haki o tosa-o: saa laandoo, te kon te cuin laandoo. Mì vana-solia-lasálàá tosa ndu faleŋii baŋannde coo le haki ndɔɔ vɔɔsuuo mò malnun haki.»

Tɔŋ lasálàá 6:7

«Nuaa nda bɛnda le sálàla ɲɛm-vaalan solio ni: poaa Aarɔn-nda bɛnda ni mà cɔm Mɛlɛka sálà ɲɛm vaa kon o fonda-loamaa-lasálàá hɔl-ndɔ.

Tɔŋ lasálàá 8:14

O kon kɔɔli, mí Moise sɔɔnguu naw tova va le sálà co le hakio sɔlaa malɔɔ-o, mí Aarɔn nda poaa ndɔa handu balan naw tova kon o lebol.

Tɔŋ lasálàá 8:18

O kon kɔɔli, mó hun a saa kóndó va le sálà loamaa solio-o, mí Aarɔn nda poaa ndɔa handu balan saa kóndó kon o lebol,

Tɔŋ lasálàá 8:22

O kon kɔɔli, mó hun a saa kóndó diinndɔɔ, saa kóndó va le sálà kandaa baala Mɛlɛka-o solio-o pɛɛn. Mí Aarɔn nda poaa ndɔa handu balan saa kóndó kon o lebol.

Tɔŋ lasálàá 9:7

O kon mí Moise dimul Aarɔn aa: «Sɔɔnguu o fonda-loamaa-lasálàá ikɛi, ma soli sálà co le hakio sɔlaa malɔɔ-o a sálà loamaa le nɔm pila, ma tosa falennde le hakila nɔmndan vɔɔsuuo, le nɔm pila a le Israɛlla kpow. Soli sálàá le nda kpow, ma tosa faleŋii baŋannde le nda mɛɛ Mɛlɛka dimi yɛ kpafii.»

Kundalan 15:25

O kon, vana-solia-lasálàá tosa faleŋii baŋannde le hakio sɔlaa malɔɔ le Israɛlla kpow. O kon, a sɔla hakio malɔɔ le biondɔn kon, kani o sina lepɛŋndo nin nda bendun biondɔn kon ni. Lelan nda hin a sálà ŋɔa o yin-ndo, o ya tuɛi cun mì ɲɔɔ hɛnan ya-o a á cɔlu sálà co le hakio sɔlaa malɔɔ-o ya o hɔl le biondɔn nda bendun kon o sina lepɛŋndo nin-ndo ni.

Kundalan 15:28

O yɔngu pɛ, vana-solia-lasálàá tosa faleŋii baŋannde Mɛlɛka o hɔl le vana bendun kon o sina lepɛŋndo nin-ndo. Te faleŋii baŋaŋii ken tosan pɛ, o sɔla hakio malɔɔ.

Kundalan 25:13

Kpema kon yɔngu ndu dío le lou o vali solia lasálàá coo le fɛɛn a fɛɛn, kandɔɔ a ndu pila, kɔ bii a polale ndɔlen fɛɛn-fɛɛn. Kani o tosa paŋalaa le Hala ndɔɔ, mó tosa vɛlɛ faleŋii baŋannde Israɛlla coo.»

Kundalan 8:10

Ma sɔɔnguu leviia Mɛlɛka o hɔl, mì Israɛlla handu balan nda coo.

Kundalan 8:12

Mì leviaa kan handu bala ndalan navaa tovaa ŋiɔŋaa kan o lebol, mì nɔm pila solul-la o pilɛ sálà co le hakio sɔlaa malɔɔ-o, ma soli o pilɔɔ sálà loamaa, haliko mi faleŋii baŋannde tosan le leviaa kan.

Rɔmnda 12:1

Puapilɛa nia, le mɛɛ Hala co naa ɲííye tuinɔnndo yɛ, i co niaa yoomuan luei mì niaa pila solin sálà kiyɛiyo, o dendu mo hɛnan Hala-o, kaannde kpeekpeile niaa bɛnda mì la tosa len le co len ni.

Rɔmnda 3:25

Ndu Hala hɛli le siŋnɔnndo sálà-baŋaa a kooma ndɔan ni. O kon, mí piɔ́m ndɔɔ tosa mí vanaa laalan ndu-a kpow a sɔla malɔɔ lahakio

Rɔmnda 5:11

Hiovɔɔ o kon coo, n nɔla mì n kuundian o Hala nin Maalii naa Yeesu Krista o ba bɛngu. Ndu tosá ni mì bɛndaa muungu naa tɛɛn naa Hala-aa.

Filipea 4:18

I sɔla ɲɛm niaa yɔŋ ya-on kpow, mí n hiw kuiyo ya o ba. I pɛ, Epafrodite langa yɔngu ya ɲɛm niaa yɔŋ ya-on, n co macoaa maa lasikɔlɔ cun kɛndɛ, sálà hɛnan Hala-o.

Hebreea 10:4

Kani kooma navaa tovaa a ma cuinaa toovia ma nɔla hakilan faŋaa le.

1Nsaŋ 2:2

Kani ndu pila solin sálà le hakila naalan faŋaa ni. O co ka le la naalan te, kɛ le la ceendo kpede.