Tɔŋ lasálàá 1:1 - BII BILA

¹ Paale pilɛ, mí Mɛlɛka veelu Moise o cɛi-kola-toandaa-labɔɔŋianndo nin, mó dimul ndu aa:

Tɔŋ lasálàá 1:1 Iomraidhean Croise

2Masaa 16:13

mí ndu pila soli sálà loamaa, sálàla kpeyanndan, a sálà mamɔiyo, mó mulin mó taaliaa kooma cɔlua sálàla kɔlɲulua lecoo.

2Dɛnnda lemasalan 29:32

Mí cɔlua vannda solul Mɛlɛka sálà loamaa-a bɛnda faw-faw: navaa tovaa belaŋɔmmɛw, saa kóndóa kɛmɛ a saa téndéa kɛmɛ lediin.

Fulaa 19:3

Mí Moise hel o pembii ken coo le bɔŋanndo nda Hala. Mí Mɛlɛka veelu ndu lon o pembei coo, mó dimul ndu aa: «Sɔɛi n bɛnda ma tɛɛngul pulun Yakɔb-on-nde co hee ni, Israɛlla pɛɛn:

Fulaa 24:12

Mí Mɛlɛka dimul Moise aa: «Hel nɛɛ ya co o pembei coo nanu-a ma sim nanu. I co nɔm powta yɛ́ndɛ́la ya sɛva tɔŋndan a silalan coo lan yɔngu, haliko ma kɔ pɛɛku vannda lan.»

Fulaa 25:22

O kumbu kesu kon coo, o mɛlɛkaa ŋiɔŋaa vanin kan o kumbu kesoo coo-a tɛɛn ya vanin nɔm cɔmnɔnndo ni. Lon ya vanin nɔm sɔɔn kpow dimullo le Israɛlla ni.»

Fulaa 29:42

Sálà loamaa niaa bɛnda mì la va solio le fɛɛn a fɛɛn-ndo co kon ni, la bɛnda mì la va ndu solio ya Mɛlɛka o hɔl o cɛi-kola-toandaa-labɔɔŋianndo sondoo. Lon ya vanin bɔŋanndo a niaa ni, lon koni ya vanin suukanndo a nɔm Moise ni.

Fulaa 3:4

Mɛɛ Mɛlɛka ce maa o co sɔɔnguuo le cɔu lapi, mó veelu ndu o bɔɔ nin aa: «Moise! Moise!» Mí Moise cɛl aa: «Yoo!»

Fulaa 33:7

Te ndáà kila pɛ dɔ́ɔ́ngɔ́ɔ̀, Moise ndóò tondu cɛi-kola-toandaa o dɔ́ɔ́ngɔ́ kon kɔɔli lándán. Mó ke cɛi-kola-toandaa kon diolan aa cɛi-kola-toandaa-labɔɔŋianndo. Vana-vana óò yeema pɛ le sɔɛi o Mɛlɛka lo, ndóò faŋan o dɔ́ɔ́ngɔ́ɔ̀ nin, ndóò kɔɛ nɛɛ cɛi-kola-toandaa-labɔɔŋianndo va-a.

Fulaa 39:32

Mɛɛ nuaa nda cii baalala Calta Mɛlɛka lan kpow tosa ni, cɛi-kola-toandaa-labɔɔŋianndo pɛɛn. Mɛɛ Mɛlɛka pila cɔm Moise le tosaa yɛ kpafii Israɛlla tosa baalaa ni.

Fulaa 40:29

Mó kɛsi fonda-loamaa-lasálàá o Calta Mɛlɛka lan sondoo, cɛi-kola-toandaa-labɔɔŋianndo pɛɛn. Mó solul Mɛlɛka sálà loamaa a sálà ɲɛm vaa mɛɛ ndu pila cɔm le tosaa yɛ.

Tɔŋ lasálàá 7:38

Baalaa ho Mɛlɛka ke Moise le tosaa o pembei Sinai coo ni, paale len o dimul Israɛlla le ndu Mɛlɛka sálàlan solullo o lɛŋnde veselɛilen Sinai nin ni.

Tɔŋ lasálàá 9:16

Mó solul Mɛlɛka sálà loamaa a cɔlua kan mɛɛ ɲɔɔ ndóò bɛnda le tosanndo yɛ.

Kundalan 1:1

O paale taselen o paangii diinndɔɛi nin, o vɔsi diinndɔɔ nin, o cɔnɔn Israɛlla cɛn Esipte-o kɔɔli, mí Mɛlɛka soaa o Moise lo o cɛi-kola-toandaa-labɔɔŋianndo nin, nɛɛ nda va o lɛŋnde veselɛilen Sinai nin-nda, mó dimul ndu aa:

Kundalan 7:89

Te Moise ndóò luɛi pɛ o cɛi-kola-toandaa-labɔɔŋianndo nin le suukanndo nda Mɛlɛka, kpendekele ndóò tuɛi diomndo sɔɛi o kumbu va o handaa o kesu kpemaa coo-o coo ni. Ó mɛlɛkaa ŋiɔŋaa kanda ɲɛm Hala-on-nda tɛɛn ndóò tuɛi diom kon sɔɛi ni. O kon, mì ndáà suukan nda ndu lende.

Nsaŋ 1:17

kani tɔŋndo yɔngun naa fulaa Moise o ba, mí kɛndɛi a toɲaa yɔngun naa fulaa Yeesu Krista o ba.

Tɔŋ miingua 27:6

A powta kpulukuulan, la nda sel te lan niaa bɛnda le Mɛlɛka Hala niaa fonda-loamaa-lasálà kon cowvo ni. O fonda-loamaa-lasálà kon coo niaa solulnin Mɛlɛka Hala niaa sálàla loamaalan ni,