Cɛɛŋɔnnda Yeremi lan 2:2 - BII BILA

² Mí Mɛlɛka tɛɛmbuu calta Yakɔb lan kpow a kɔltuwvo, o tosa iɲíí le. Mó puusiaa kobila Yudala va o kpakilan nin-ndan. Mó viaw nda lɛŋ, mó soli masalen a simlacia o báà nin.

Cɛɛŋɔnnda Yeremi lan 2:2 Iomraidhean Croise

SƐBƐ YƆB-O 2:3

Mí Mɛlɛka dimul ndu aa: «Vɛ̀ɛ̀ a dɔw pá Yɔb, vana ni baalaa, taasi? Vana-vana co maa ndu o lɛŋnden coo le, vana sakpoo a vana sandaa o co ni. O nɔ siòòŋii Hala-e o kpakpalà dɛnɛ vɔɔndo. Vana sim yili o dɛnɛ sandaa coo-o o co ni. Fondo fúú koni n ɲindu ya le ndu saangiaa ni.»

Condii lisai 21:9

Ba nɔmndo toalnin yaamɔaa nɔmnda kpow coo, ba kɛndɛ nɔmndo tisanin vanaa nɔmndo-a coo.

Condii lisai 74:7

A mal Cɛi nɔm diandaa yin, à komba calta nɔmndan lɛŋ, má nɔɔliaa nɛɛ diola nɔmndan la co kan piɔlnɔnndo-a.

Esai 22:5

Kani paale dɛnɛ tambɛilen, paale bɛpɛlaalen a paale lasiɛmbu len le co hau ni. Maalii, Mɛlɛka-Nɔ-Kpaayaa-Kpow-vo tuisi paalen-nden o ból vana ca siɔdii lacio nin-ndo coo ni. Vannda co kpakilan koombiaa, yoondiaalan la co sɔɛi a kpengii n'pembue.

Esai 23:9

… Se Mɛlɛka-Nɔ-Kpaayaa-Kpow-vo tuu sanga bɛndoo ho ni. O tuisi ndu nda coo le yonga vanaa nda co bɛɛlen yɔngoo-a tɛɛmbuuo a le vanaa bɛndua co o lɛŋnden coo-a siɛmbulan tuisio.

Esai 25:12

Niaa Moabua, Mɛlɛka koombiaanin kpakila niaalan a fondala mayoomula niaala vana tiwba luɛyɔɔ nin te lan, o koombiaanin ndan mì la deli o cundoo nin lɛŋ.

Esai 26:5

O cɛɛluu vanaa co icali o fondala yesalan coo-a, o pesipesi kobi latɔ́ɔ́-tɔ́ɔ́, mó yuuliaa ndu lɛŋ dí, o lɔngɔliaa ndu o loolio nin.

Esai 27:11

Lɛɛndun mun vesa pɛ, vannda yimi ɲaandan mun, vanlaandua hin le mun lomɔɔ. Kani vanaa nɔ kɔlkalu le-a nda co ni, lelan, vana toosiaa nda-o nɔnin iɲíí a nda le, vana cɔw nda-o tosal-lɛnin nda ikɛndɛ le.

Esai 43:28

Lelan ya cii simlacia co o Cɛi-Diandaa nin-nda labɛɛ ni, mí tɛɛmbuu polale Yakɔb len, mí tosa mí vannda yeow Israɛlla yeowlan pila.

Esai 47:6

Yáà tuulu kɔl a yungu nuu, mí yáà laasiaa kɛ́ nuu, mí yáà mal yungu ni kalaa niaa o ba. La tosa iɲíí a nda le, mí la saangiaa vanaa yuuvɛiya taw a kpaayaa niaa.

Yeremi 13:14

Mì tosa mì nda pila kuindian, kala-ncuawva nda cuavaa ndaa. Sɔɛi fula ya Mɛlɛka o sondo-e co ken ni. I hɛlinin vana-vana le. Ɲíí kɛ́-kɛ̀ biinin ya, mì i kuuna ya nda cii tɛɛmbuu le.›»

Yeremi 19:15

«Diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: ‹I co dɛnɛ palaa yáà dimi le tuisio kobio ho coo-o tuisi, mò tol ndu a o ceen balu ndu-on coo, kani vanaa co lenin-nda kendu bɔɔ bollen, a kɛɛ le sɔɔn ya co nda dimullo-on biyɔɔ.›»

Yeremi 21:7

Mɛlɛka dimi maa o kon kɔɔli, o malnin Sedekia masaa Yuda, a simlacia ndɔa masaa Babilɔn o ba. Mò mal ndu vanaa nàà n'kɔnyaa mɛinin-nda o ba, a vanaa cɔwvo a yima fofolan ma mɛinin yoomu o kobio nin-nda o ba. I malnin nda yaamɔaa ndaa o ba, a yeema le nda diwvo-a pɛɛn. Nebukanɛsar diwnin nda. O tosalnin nda ikɛndɛ le, o mɛinin vɛlɛ vana-vana yoomu le, iɲíí bɛɛ biinin ndu le.›»

Yeremi 5:10

La hel o kungala ndɔlan mì la tɛɛmbuu, kɛ la tɛɛmbuu ndu kpow le. La bɛɛsiaa lɛvun ndɔn, kani o co Mɛlɛka le nɔ mun te.

Cɛɛŋɔnnda Yeremi lan 2:17

Mɛlɛka cii ɲɛ ndóò dimi le tosaa-o tosa, o cii sɔɛi ndóò kelu paandu pa-e peelu, o cii nɔm tɛɛmbuu, o tosa iɲíí le. Mó nɛŋi yaamɔaa nɔmnda kɔltan a sɔɛi nɔmnde, mó luei vanaa nɔ nɛyɔn nɔmndo-a yoomuan.

Cɛɛŋɔnnda Yeremi lan 2:21

Cuaambɔa a kaasoŋaa yuuvɛiya co ihini lɛŋ lɛtɛu o nɛilan lekɔɔ. Cuaambɔa lemboa a felengia piaandua nia cuu o mɔɛi cɔwve bɛngu. Paale n fula kɔllo len n diw nda ni, a yɔŋ iɲíí le, má kili nda bololan.

Cɛɛŋɔnnda Yeremi lan 2:5

Mí Maalii siŋnun maa yaamɔɔ naa. Mó tɛɛmbuu Israɛlla a cɛila lemasala ndalan kpow, mó tɛɛmbuu kpakila ndalan. Mó kui ŋɔɔcanndan a cɛɛŋɔnndan o Yuda lo cɛinin.

Cɛɛŋɔnnda Yeremi lan 3:43

Má simbulun o kɔl nɔm tuwvo nin, má tisa naa kɔɔli cili. A tosa iɲíí a naa le, má diw naa.

Esekiɛl 5:11

Lelan, ya Maalii, ya co Mɛlɛka-o co dimi nuaa ni: i co yoomu, le tùú niaa nɔɔliaa cɛi-kola-toandaa diandaa nuu a dɛnnda niaala nɔɔlɛilan a piɔmaa niaa nɔɔlɛiya-o, ya bɛɛ i keinin kùisiei nia tɛɛn. I tofanin niaa a iɲíí le, i tosalnin niaa dɛnndan a iɲíí le few.

Esekiɛl 7:4

I tofanin niaa mì ɲíí bii ya le, i keinin niaa baa coo le few! Kani i siilunin niaa dɛnnda niaa co kelaa coo lan. Nduyɛ, dɛnnda niaala nɔɔlɛilan la fulanin ceen niaa pila o hɔl kpendekele. O kon niaa sinanin ni maa ya co Mɛlɛka ni.»

Esekiɛl 7:9

I tofanin niaa mì ɲíí bii ya le. I keinin niaa baa coo le few! I siiluunin niaa volɔɔlan mɛɛ dɛnnda niaalan la co yɛ, dɛnnda niaala nɔɔlɛilan kpede la fulanin ceen niaa o hɔl kpendekele. O kon niaa sinanin ni maa ya co Mɛlɛka soaŋ vana-o ni.

Esekiɛl 8:18

Lelan ya bɛɛ, i co nda dɛnndan tosal a kɔltuwvo. I tofanin nda mì ɲíí bii ya le, i keinin nda baa coo le. Hali a yondanin bɛɛ coocoo ya o lani, i yeŋnin nda lani le few.

Esekiɛl 9:10

Lelan ya bɛɛ, i tosanin iɲíí a nda le. I mɛinin vana-vana le, i tuisinin sangala dɛnnda nda tosa lan nda pila coo.»

Misee 5:14

Kɔl ni fulaa timbinnin kpenyen, mì mingul vanaa-mangalaa-isɔaa bii diom nuu le-a màá a kɔltuwvo.›»

Malasi 1:4

Te Edɔmnda dimi pɛ aa: ‹A tɛɛmbuu naa, kɛ n co muungu mì n tangul vɛlɛ o bémbéla naalan coo›, Mɛlɛka-Nɔ-Kpaayaa-Kpow-vo dimi aa: ‹A mingi tangul tuŋ, o co vɛlɛ puusiaa.› Má ke lɛŋnde ndalen diolan aa lɛŋnde kɔlvesɛilen, lɛŋnde vanaa kɔltuw Mɛlɛka-o cuu kuee le-a pɛɛn.

Matie 18:33

Nɔm bɛɛ, nɔm óò bɛnda mì nɔm óò tuinun caan nɔm iɲíí mɛɛ ya tuinun nɔm iɲíí yɛ.»

2Korɛntea 10:4

Kani ɲɛm cɔvun naa n co cɔlɔbaa-on n co ɲɛm cɔvun n'vanndaciee le. Kɛ ɲɛm cɔvun kpaayan Hala yɔngu-on n co ni, n vana tɛɛmbuu fondala mayoomulan-ndon. Naa n co vanaa co tùúla fondolan tɛɛmbuuo-a ni.

Tɔŋ miingua 28:52

A tiilanin kobila niaalan, mà lo lon háá ma koombiaa kpakila bɛndula niaa va tiindanndo lan o lɛŋnde niaalen kpow nin. Lende nda tiilanin kobilan kpow o lɛŋnde Mɛlɛka Hala niaa yɔngu niaa len nin ni.

Tɔŋ miingua 32:22

Kani yinnde kɔl ni tuwvo le mɛndulun, le kɔɛ a lomɔɔ háá ciee-piɔ́m di. Le lom lɛŋnden a tɔlɔɔla co lecoo lan, le lom pembon tumndan lɛŋ di-di.