Biblia Todo Logo
Bìoball air-loidhne

- Sanasan -




Cɛɛŋɔnnda Yeremi lan 2:1 - BII BILA

1 «Éé vannda! La ce dɛnɛ nɛ? Maalii cii kobio Yerusalɛm kumbɔɔ a yumbuyumbu kɔl ndɔ tuwvo. O lo o halataala, mó viaw biilu Israɛlla o lɛŋnden coo. Tuma o tambu kɔllo a Israɛlla-o, mó pɔɛɛn maa ɲɛ ndɔ kɛsiaa n'peloo nda co ni.

Faic an caibideil Dèan lethbhreac




Cɛɛŋɔnnda Yeremi lan 2:1
28 Iomraidhean Croise  

«Òó Israɛl! Yɛɛ yɔŋnun yɛ mí kuubaa cɔvaa nɔmnda sɔla piɔ́mndo? A co ihini o pembon coo lɛ́ɛ́siɛn.


Mí masaa David can, mó dimul nda aa: «Puapilɛa nia a vanaa nia, la yaŋ ya nilan! Yáà nɔ o kɔl le Cɛiyo tangullo le kesu kpema Mɛlɛka-o kɛsio lenin, mí ndóò va ɲɛ kɛsiaa n'pelu Hala naa. Yáà cii nin toosianndo kpow le ndu tangullo.


N luɛinun o Calta Mɛlɛka lan nin, mì n kɔ baŋnun vulan ndu o hɔl, nɛɛ o kɛsì pelon-nda.


A cii bɛɛle ndɔlen tɛɛmbuu, má mal masale ndɔlen lɛŋ.


La biilu Mɛlɛka Hala naa, la baŋ vulan ndu o labɛngunin nɛɛ o kɛsì pelon-nda. A toɲa, Mɛlɛka ndu pilɛ kpé co Hala kpeekpeiyo ni.


Éé Mɛlɛka! Vɛ̀ɛ̀ a dɛnnda palaalan ndan kpow a vowlulnin naa sondo le? Vɛ̀ɛ̀ a co naa saalan te? Bàà ma tuisi naa siɛmbulan háá mì n cuu labɛɛ?


Vanaa ndáà yeema nɔm-nda kpow a pɔɛɛn nɔm, a buulan ndɛ le nɔm te. Kani i lɔɔ nɔm maa yaamɔɔ. I tosa iɲíí a nɔm le nɔm mingio o nɛi le, kani tɛɛmbuula nɔmndan la va sɛ́lɛ́, tɛɛmbuula nɔmndan láà vɔw bɔɔ.


«Éé vannda! Kobi vannda va hoo icali nin sɛ́lɛ́ bɛndoo-o lo hau ndu pilɛ kpé. O muungu maa vanalanɔ pɔnɔ ndɔ vi-o. Ndu óò hiow tɔ́ɔ́ a kobila tɔ̀lan o lɛŋii vanaa mangaa isɔɔa tɛɛn ni. Ndu nda tundu hau baala lecɛo tosaa nuaa ni.


Niaa Sei! Niaa vanaa co haa hiovɔɔ-a, la tofa vɔ, mì la ce. Vɛ̀ɛ̀ dɛnɛ palaa súú vaa nuaa nɔ pá velanndo? Dɛnɛ palaa súú del-la hoo coo-o pɛɛn, ò Mɛlɛka tuisi hoo ya coo o paale ndɔle kɔl tambɛilen coo-o.


Mɛlɛka cii ɲɛ ndóò dimi le tosaa-o tosa, o cii sɔɛi ndóò kelu paandu pa-e peelu, o cii nɔm tɛɛmbuu, o tosa iɲíí le. Mó nɛŋi yaamɔaa nɔmnda kɔltan a sɔɛi nɔmnde, mó luei vanaa nɔ nɛyɔn nɔmndo-a yoomuan.


«Kpòkóó! Vɛ̀ɛ̀ sianin sɔvɛɔn mun n looku yɛ sɔvaa, sianin diandan mun pɛɛn? Powta diandaalan la cuu saŋnɔn o sɔngila nɛila pɔmbɔlan kpow.


Mɛlɛka cii kɔltuw ndɔɔ kpow soli, o cii kɔlfulaa ndɔ bɛndoo cuiŋi. O mɛndul yinnde kɔltuwle ndɔlen Siɔn, mì le va tumnda Siɔn kilan coo lan lomɔɔ.


Ɲɛ Maalii Hala dimi-o co hoo ni aa: «I tuisinin hoeyii fùkù-fùkùei o kɔl ni tuwvo nin. O kɔl ni fulaa nin, i tuisinin piɔɔ bɛndu-bɛndoo, mì loeon deli a kɔltuwvo le ɲɛ-ɲɛ yoomaa ciiyo diwvo kpede.


Kɛ mí vannda sungu ndu a kɔltuwvo, má ɲindu ndu lɛŋ vuluvulu. Mí hoeyii fula a ba paalen le can-ndo-e i veesiaa kɔmnde ndɔlen, mí lɛvun ndɔn kálà-kálàn bɛɛsiaa, mí n vesan kékélé, mí yinnden le loam mun kpúlúká.


Dimul cuavaa Israɛlla aa nuaa Maalii Hala dimi ni aa: ‹Tofa vɔ, i co fonda diandaa nɔɔliaa, o co kon tosaa, mì la va lisanndo a yoomuan-ndo, o hɔlta niaalan la co kon mɛɛndanndo a kɔlkɛndɔɔ-o, cɛi ni yoomula niaalan la tiindan kon-ndo pɛɛn. Poaa niaa a cuavaa niaa laandua niaa mɛinin-nda a sɔlanin piɔ́mndan o mɔɔn cɔwvon bɛngu.


Lɔ́ɔ́ ya vanin yoomuma Esipte-an tɛɛmbuuo mì kpaaya ndɔ o va kuundianndo-o cuu-o, paalen le ɲumnin mí ɲɔɔ yɔŋnun yifidii o kobio Tapanɛs nin. Yumbuyumboo kumbunin kobi kon mɔku-mɔku, mì vanlaandua co lon-nda kɔɛ o biyɔɔ nin.


Paale maɲumnden a paale ɲumma n'kpungbalen paale len le vanin ni. Paale yumbuyumbulen a paale mɔ́m bɛndulen le vanin ni. Le hunnin mɛ̀ɛ́-mɛ̀ɛ́ ɲɛ-tengaa paale siaa tiw o pembon coo nuaa yɛ. La tofa vɔ! Vanaa-mangalaa-isɔɔa ha, a co sɛ́lɛ́ taw, a nɔ kpaayaa. Kabi masindɛ, vanaa súú vaa lende fula vɔ le, hali o nda kɔɔli, vanaa súú vaa lende fula lɛnin le fɛɛn a fɛɛn te.


Nɔm Kapɛrnaum yɛ, a helnin pá háá o halataala? Kɛì-kɛì bɛɛ! A sɔlanin tuisio háá ciee-piɔ́m. Kani te dɛnnda kaamaala tosan o nɔm ndo lan láà tosan pɛ lɔ́ɔ́ kon Sodɔm, maa kobi kon ndóò va vɔ hau.


Nɔm Kapɛrnaum yɛ, a helnin pá háá o halataala? Kɛì-kɛì bɛɛ! A sɔlanin tuisio háá ciee-piɔ́m.


Mí Yeesu dimul nda aa: «I ce Setana delɔɔ fulaa o halataala maa piɔɔ-volia.


Viovɔɔ ka-ka, mó dimi aa: «Le tùú biilu Hala-o faŋan Israɛl-lo, i ke hɔ́ɔ́ ho diolan aa I-Kabɔd.» Kon co dimio ni aa «Biiloo cuu.» Le kɔnnda ndáà kɔɛnnun a kesu kpema Hala-o lan a le piɔ́m pɔnɔ ndɔ bɛndoo nda pɔnɔ ndɔ sɔla-o ndóò yɔngu diola lan lende ni.


Le kɔnnda yaamɔɔa kɔɛnnun a kesu kpema Hala-o lan o dimi ni maa biiloo faŋan Israɛl.


Lean sinn:

Sanasan


Sanasan