Cɛɛŋɔnnda Yeremi lan 1:3 - BII BILA

³ À kɔɛ a polale Yuda len o cɛlen nin, má luei nda mɔnɛi. À co o baala kálà-kálà lecɛo nin. À co icali vanaa-mangalaa-isɔɔa tɛɛn, pɛngi bɛɛ co le nda le, yaamɔaa ndaa kpow a bii nda. À cal o mɔnɛi nin.

Cɛɛŋɔnnda Yeremi lan 1:3 Iomraidhean Croise

2Masaa 25:11

Mí Nebusaradan, bolle vanaa kándà masaa-a ndu kɔa a vanaa tɔ̀a ndáà lo o kobio nin-nda, vanaa ndáà kɔɛ a ba nda má kɔ yɔngun masaa Babilɔn-nda pɛɛn, handɔɔ niko vanaa tɔ̀a coo.

2Masaa 25:21

Mí ndu kɔ diw nda o lɛŋnde len nin Ribla lon. Nuaa nda kɔɛ a vannda Yuda o biyɔɔ nin ni, má kɔa lɛŋnde ndalen levil polon.

2Masaa 25:4

mí Babilɔnnda buli soondo o kpaki kobio. A balɔɔ Babilɔnnda ndáà balu kon kobio sɔ́-o kpow, ɲumndan tolɔɔ, mí vanaa cɔwva Yuda kpow a ɲaanun. Má kei o nɛi va o dio va o kpakila tiɔnndan tɛɛn-ndo-o, o nakɔ masaa ikɛi. Mí masaa Sedekia ndu kei a nɛi óò kɔɛ a ba bóllo Yurdɛn-ndo, mí ndu bɛɛ ɲaanun.

2Masaa 25:5

Kɛ mí vanaa cɔvaa Babilɔnnda ɲaanun ndu kɔɔli, má kɔ bendal ndu o dɛɛlaa Yeriko nin. O kon, mí vanaa ndɔa cɔwva kpow a mɛi ndu, má sɔɔndian.

Yeremi 13:19

Kobilan a ba too la cuu kindan, vana-vana co lɛ le lan kumbi le, kani a kɔɛ a vannda Yuda kpow o biyɔɔ nin, a kɔɛ a nda kpow.

Yeremi 16:16

Sɔɛi fula Mɛlɛka o sondo-e co hee ni aa: «I co vanaa yɔɔyaa sɛ́lɛ́ bɛndoo yɔɔ, mà kɔ yɔɔya nda, o kon kɔɔli mì vem doosua sɛ́lɛ́ bɛndoo, mà kɔ vɔm nda o pembon coo, o buubuuon coo a o tɛɛndiaala powta kpovalan tɛɛn dí.

Yeremi 24:9

O kon siòònde biinin masɛi co o ceendo coo-e kpow a dɛnɛ palaa ya tuisinin nda coo-o. O lɛŋii ya sɛŋinin nda nin-nde kpede, vannda vanin tɔɔmaseloo cuaa a nda, le vanndo siɛmbulan tuisio, le ndu mamɔɔ, le ndu yeowlan a le ndu dangaa dɔvɔɔ.

Yeremi 39:9

Mí Nebusaradan simlacinɔ kpalilaa cumulaa bii vanaa ndáà lo icali o kobio nin-nda, vanaa ndáà yɔngun masaa Babilɔn-nda a vanaa-vanaa ndáà caa baalala labalan. Mó kɔa a nda o biyɔɔ nin Babilɔn.

Yeremi 52:15

O kon mí Nebusaradan kɔa a vanaa ndáà lo o kobio nin-nda: yungula vanaa bala fondoa, vanaa ndáà kɔ yɔngun nda pila o masaa Babilɔn ndo-a a vanaa tɔ̀a, aa caa baalala labalan-nda pɛɛn.

Yeremi 52:8

Kɛ mí vanaa cɔvaa Babilɔnnda yim masaa Sedekia kiltan kɔɔli, má kɔ bendal ndu o dɛngbɔɔ Yeriko nin, mí vanaa ndɔa cɔwva kpow ɲaanun, má mɛi ndu.

Cɛɛŋɔnnda Yeremi lan 2:9

Mí koŋnda kobi kalaa la deli, mí la luɛi lɛŋ. Mí Mɛlɛka tɛɛmbuu sɔkɔma ndan. Masa ndɔɔ a simlacia ndɔa kpow a co a biyaa vanaa-mangalaa-isɔɔa o ba. Vana-vana co lɛ le vannda tɔŋndo pɛɛkoo le. Hali vanaa-tɛɛngaa-diom Hala-a, a co lɛ levundu cɔ fulaa Mɛlɛka o ba le.

Cɛɛŋɔnnda Yeremi lan 4:15

Mí vannda deŋul nda aa: ‹La faŋan naa ikɛi! La nɔɔla bɔɔ. La faŋan naa ikɛi! La pilan naa le dɛ!› Telen nda co kon ɲaanɔn, mà va kɔlan ba-ba fee-o, vanaa-mangalaa-isɔɔa diminin aa: ‹Haa cel-lɛnin o naa lo le lɔ́ɔ́ levil te.›

Cɛɛŋɔnnda Yeremi lan 5:5

Vanaa tol naa yɛlen-nda co naa tovɔɔ. N yɔkpa nin, kɛ pɛngi co le naa le.

Esekiɛl 5:12

O niaa tɛɛn, vanndacieea kundaa o pilɛ o kundalan tan yáá coo a vunin a nàà n'kɔnyaa. A ɲawnin mà vesa kokolo a yima fofolan. O niaa tɛɛn, kunda diinndɔɔ o layàálan coo vunin o mɔɛi cɔwve bɛngu o kobio balɔɔ pindo. I saŋnin kunda yàándɔɔ o hoeyun vanin hɔŋndo nɛɛ-nɛɛ ka-on nin, o kon mì tisa nda kɔɔli a mɔɛi cɔwve.

Tɔŋ miingua 28:48

la tosalnin yaamɔaa Mɛlɛka viamnin mà bii niaa-a vallo a yiaan, a bolole vesɛilen, a fɛ́lio, a pɛŋnden. La nɔnin ɲɛ-ɲɛ o ba le. Yaamɔaa kan lonin niaa yɔlɔn n'cilinndon baa o labolo háá ma cii niaa diw kpede.