Cɛɛŋɔnnda Yeremi lan 1:1 - BII BILA

¹ «Éé vannda! Kobi vannda va hoo icali nin sɛ́lɛ́ bɛndoo-o lo hau ndu pilɛ kpé. O muungu maa vanalanɔ pɔnɔ ndɔ vi-o. Ndu óò hiow tɔ́ɔ́ a kobila tɔ̀lan o lɛŋii vanaa mangaa isɔɔa tɛɛn ni. Ndu nda tundu hau baala lecɛo tosaa nuaa ni.

Cɛɛŋɔnnda Yeremi lan 1:1 Iomraidhean Croise

2Masaa 23:33

Mí Neko Faraɔnnɔ baa ndu yɔlɔn Ribla o lɛŋnde Hamat len nin, haliko ndóò tosa lɛ masalen Yerusalɛm te. Mí Neko kon kilul vannda Yuda muloo: volin latámán kilolan vàálan tan yáá a sianion kilolan beleyaa.

2Masaa 23:35

Mí Yehoyakim yɔngu Neko Faraɔnnɔ volion a sianion. Kɛ muloo o bii vannda o ba ni le Faraɔnnɔɔ volin mun a sanin mun yɔngoo mɛɛ ndóò dimul ndu yɛ. Má baŋ vannda ɲɛm mun salaa kangalan, mí vana-vana sala mɛɛ sɔla ndɔɔ va yɛ. Mó bii volin mun a sianin mun le Neko Faraɔnnɔ yɔngoo.

2Dɛnnda lemasalan 9:26

Mó tosa masalen masaa ha coo, a lɛŋii ndɛi va cɔnɔnndo o pee bɛndoo Efrate, keiyo a lɛŋnde Filistia, kɔlan tiiyaa dí o pɛɛngulan a lɛŋnde Esipte len-nda.

Ɛsdras 4:20

Masaa nɔ kpaayaa taw-va kei Yerusalɛm, mí masale ndalen le pɛngɛlan o lɛŋii va Efrate leeloo a ba paalen le del-lo-e kpow coo, vannda va nda muloo malɔɔ o ba, a va ɲɛ kelun-ndo yɔngoo, a va sala hiavaa yɔngoo.

Nehemi 5:4

A pum nda va vɛlɛ dimio aa: ‹Le mulu masaa malɔɔ, n cua volion mí n lendul ciɛɔn naan a nakɔla naala n'rɛsɛnndan.

Nehemi 9:37

Lɛŋnde len le co hau masaa n kɛsi naa coo-a bolofaa lueiloo nuaa ni, masaa naa n co a vɔngulaa o ba o cɛlen nin le hakila naalan-nda pɛɛn. Masaa kan co hɛnan ndaa tosaa a naa a á cɔlua naa. N co bɔɔ sangaa mbɔ̀!»

Condii lisai 122:4

O nɔmndo polama Israɛlaa fula o Mɛlɛka nin-nda a co kɔlan nuaa ni, le diola nɔmndan sangalaa mɛɛ tɔŋndo co yɛ.

Esai 14:12

Nɔm ɲɛ diandaa bɛndoo, nɔm ɲɛ-tengaa idiiyo, vɛɛ nɛ n looku yɛ fula o halataala ma del? Nɔm va vanaa-mangalaa-isɔɔa nɔlaa-o, a del má toal lɛŋ dí!

Esai 22:2

Nɔm kobi vɔkɔ-vɔkɔ bɛndoo co hoo nin-ndo, nɔm kobi bɔɔluu kɔlkɛndɛ bɛndoo co hoo nin-ndo, vanaa vunin o vanaa nɔmnda tɛɛn-nda, a vinin o mɔɛi cɔw bɛngu le, a vinin vɛlɛ o cɔw nin te.

Esai 3:26

Diola luɛyaala kpakio Siɔn la dɔawnunnin ɲinkon yɛɛvɛ, mì dɛnɛ palaa tol tan coo. Kobi kon tambunin mì vanaa co lenin-nda cal lɛŋ vɔyɔn!»

Esai 49:21

O kon, nɔm pila ɲunannin o kɔl nin aa: «Nɛ̀ɛ́ vilul lɛ ya cuawva ha nɛ? Kani i vannun ya pilɛ kpé, yáà nɔ n'cuaw le, bɔlɔkɛɔ daama ya vannun ni. O lekáá ya vannun ni, i va o kɛyaa few-few, mì nɛ̀ɛ́ manda yɛ niko cuawva ha? Yaa lonnun ya pilɛ doolɛ, kuɛɛ nɛ haa va yɛ?»

Esai 50:5

Mí Maalii Hala kumbi ya nilan, i simul ndu le, i poondan mì miinun a makɔɔ le.

Esai 52:2

Òó Yerusalɛm! Koŋ cundu nɔmndo, mà cɛn, mà cal. Òó niaa vanaa co o biyɔɔ nin-nda, vannda Siɔn la timbi yoei niaa o labolo!

Esai 52:7

Mbɔ̀ pelun kiilanɔ kon naŋ bɔɔ o pembon coo, kiilanɔ co yoongu kɔlɲuloo yondaa-o, kiilanɔ co yoongula kɛndɛlan dimio-o, kiilanɔ co yondaa a cindaa o kɔɔ-o, o co Siɔn dimullo aa: «Hala nɔmndo co masalen tosaa-o»

Esai 54:4

Lelan siòòŋii bii nɔm te, kani siɛmbula biinin nɔm te, yɔŋnun yoloma-yoloma le, kani a tembunin labɛɛ le. Kɛ a pɔɛɛnunnin siɛmbula bii nɔm o felengiyɛi nin-ndan, a yiyan ndɛnin a bɛ̀ɛ̀la n tambu lɔ́ɔ́ n va o vii pɔnɔɔ nin-nde lan te.

Yeremi 31:7

Kani Mɛlɛka dimi aa: ‹La yonda a kɔlkɛndɔɔ le Israɛl, la viow kponyoo a kɔlta niaalan kpow, le lɛŋnde hiow lɛŋii vanaa-mangalaa-isɔɔa len.› La yonda mì la dimi aa: ‹Mɛlɛka, cííndiaa vanaa nɔmnda, Israɛlla lo yoomu-a pɛɛn.›

Yeremi 40:9

Mí Kedalia po Ahikam-ndo, po imama Safan-ndo mɛnalan nda a poaa va nda kɔɔli-a kpow, mó dimul nda aa: «Siòòŋii bii niaa le Babilɔn-nda baalaa tosallo le. La cal o lɛŋnden nin mì la va masaa Babilɔn o ba bɛngu, o kon mì la vannun a kɔlɲulu.

Yeremi 42:2

má dimul Yeremi aa: «Yaŋnun tɛɛlɔnnda naa n co nɔm-ndan, piɛi Mɛlɛka, Hala nɔmndo, le naa a le vanaa tɔ̀a lo-a kpow, kani n va sɛ́lɛ́ taw, kɛ n co lɛ hau a bɔɔ le, maa mɛɛ nɔm pila co cɔu nuaa yɛ koni.

Yeremi 44:2

«Diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: ‹Kámáá la ce dɛnnda palaala yáà tuisi Yerusalɛm a kobilan Yuda kpow coo lan te! Kobila lan kpow la tambu hau, vannda piow lan.

Yeremi 44:6

O kon mí kɔl ni tuwvo saŋnun o kobilan Yuda a o nɛila bɛndulan Yerusalɛm coo maa leyin, hau kobila lan la siŋnun pɔmndan, vannda piow lan mɛɛ niaa sina yɛ.

Yeremi 50:23

Babilɔn va kunduva va ceendo kpede pesio-o ni. O piɔl mó kui tɛndulan vàá pilɛ. La ce dɛnɛ nɛ? Babilɔn siŋnun fonda calii hɛnan vana loo vanaa-mangalaa-isɔɔa tɛɛn. Kámáá la ce dɛnɛ!

Yeremi 9:11

Ɔ́ɔ̀ vana nɔ kɔlkaloo le dɛnndan ndan bilaa biyɔɔ-o? Vana sondo Mɛlɛka-o dimul sɔɔn mun-ndo, o yonda mun! Le yɛɛ lɛŋnden le tambu yɛ, mí le ŋɔa maa lɛŋnde veselɛile vana-vana kei nin te len?

Cɛɛŋɔnnda Yeremi lan 1:19

I veelu vanáà yeema ya paandu-a, kɛ má hui ya. Mí vanaa-solia-lasálàà nia a vanaa nia silaa cuu vu o kobio nin, le ɲɛdiaa nuwviaa haliko mi ndáà lo yoomu.

Cɛɛŋɔnnda Yeremi lan 2:1

«Éé vannda! La ce dɛnɛ nɛ? Maalii cii kobio Yerusalɛm kumbɔɔ a yumbuyumbu kɔl ndɔ tuwvo. O lo o halataala, mó viaw biilu Israɛlla o lɛŋnden coo. Tuma o tambu kɔllo a Israɛlla-o, mó pɔɛɛn maa ɲɛ ndɔ kɛsiaa n'peloo nda co ni.

Cɛɛŋɔnnda Yeremi lan 2:10

Kaasoŋaa kɔlkalua co Siɔn-nda co icali lɛŋ, a mei kpili. A cii loolio vownɔn o lebol, má vownun volɔɔla biisilan. Cuaa laandua Yerusalɛm a tundu bolle lɛŋ.

Cɛɛŋɔnnda Yeremi lan 4:1

«Kpòkóó! Vɛ̀ɛ̀ sianin sɔvɛɔn mun n looku yɛ sɔvaa, sianin diandan mun pɛɛn? Powta diandaalan la cuu saŋnɔn o sɔngila nɛila pɔmbɔlan kpow.

Cɛɛŋɔnnda Yeremi lan 5:16

Mɔsil lemasa va naa o lebol-lo del lɛŋ, le haki naa n cua a Mɛlɛka-o. Mbɔ̀ sanga naa co o bɔɔ!

Esekiɛl 26:16

Simlacia co o mɛmma ihɛllan tɛɛn-nda toalnin o kpɛŋɛla ndala lemasalan coo, a solinin domala ndala lecoolan, mà yungan mà hulu volɔɔla ndala sɔɔlaalan. A yɔŋnunnin yulan-yulan a siòònde, mà cal lɛŋ vɔyɔn. A vanin vooloo a siòònde telen oo telen mì mɔnɛi va nda biyɔɔ le nɔm.

Esekiɛl 26:2

«Po vanacieo sei, kobio Tir mam kobio Yerusalɛm, mó dimi aa: ‹O piɔsipiɔsi fɔ́! Dio luɛyaa vanaa-mangalaa-isɔɔa piɔsi vɔ́-vɔ́! O ya lo vannda co nin mulin hunɔɔ ni, ya i pianin cá, kɛ ndu ndu siŋnun ciee pɔmndo.›

Esekiɛl 5:5

Nuaa Maalii, o co Mɛlɛka-o dimi ni aa: «Kpalo Yerusalɛmnda co kon ni! Yáà kɛsi Yerusalɛmnda vanaa-mangalaa-isɔɔa tɛɛn déŋ, o lɛŋii va ndu ibalaa pindo-e coo.

Tɔŋ lasálàá 26:31

I siinguunin kobila niaalan bémbélan, mì siinguu sooluula niaalan pɔmndan. Sálàla niaala cun kɛndɛlan la hɛnan ndɛnin ya cun te.

Tɔŋ lasálàá 26:33

I saŋnin niaa vanaa-mangalaa-isɔɔa tɛɛn, lɛŋnde niaalen le lonin fondo, mì kobila niaalan la siŋnun pɔmndan.

Sofoni 2:15

Àá! Ninive vannun a kɔlkɛndɔɔ, o vannun nila ɲulu o kɔlkɛsiaa nin. Vanaa va lenin-nda va dimio aa: ‹Naa n co naa ni! Vana-vana co maa naa le!› La tofa vɔ mɛɛ kobi kon siŋnun ciee-piɔ́mndo yɛ. La tofa vɔ mɛɛ o siŋnun bɛ̀mɛ́lta visia yɛ. Vana-vana kei pɛ ndu ikɛi, o kpinga a hùíyé hɔŋndo a á baa hiiloo.»

Dɛnnda cɔɔmuanndan 18:7

Mɛɛ o kelun yongaa o kɔl, le tùú o va o ɲɛ kɛndɛ ndóò handu kɔllo coo-o nin-ndo yɛ, lende koni niaa tuisi ndu dɛnɛ palaa coo, mì la luei ndu mɔnɛi. Kani o co diminndo o kɔl nin aa: ‹Sɔngɔ masa koni ya cal nanu ni, i co vanalanɔ pɔnɔ vi le, lelan dɛnɛ palaa kɛ́-kɛ̀ komalnin ya le.›