Kalatea 2:4 - BII BILA

⁴ Kɛ a kon kpede, vanaa pum a va naa tɛɛn o kunda vanaa laalannda nin, ndáà yeema le ndu toomaa diyɔɔ. Nduyɛ, fɛɛlɔɔ kínɛí vanáà luɛi naa kan tɛɛn-nda a va toofia kon ni, le sinaa mɛɛ naa n co hɔ́ɔ́yɛi naa n sɔla o Yeesu Krista nin-nde vilio yɛ, o kon mì ndáà mingi naa o cɛle tɔŋndo bɛngu.

Kalatea 2:4 Iomraidhean Croise

Condii lisai 119:45

I vanin kelaa o kɔlɲuloo nin, kani i co tɔŋnda nɔmndan biyɔɔ.

Condii lisai 51:12

Òó Hala! Cɔw kɔllo ya nin o diandaa, mingi yiyan nuu o sɛnɛi, ma simi ndu yili.

Esai 51:23

I sɔanin vanaa va nɔm saangiaa-a taala kólaa kon o ba, a va nɔm kan dimullo aa: «Tundun mì n hiow»-va. Mí nɔm óò siinguu kɔɔ nɔmndo maa lelɛŋ, maa nɛi keiyaa coo le vanaa hiavaa.

Luke 5:38

Kɛ o bɔlɔla yáwla sɛnɛilan nin vana vow man ni.

Dɛnnda kiilaa 15:1

Mí vanaa pum fula Yuda a Antiɔs, má va puapilɛa pɛɛkoo aa: «Te la dii toomaa mɛɛ tɔŋ Moise-o dimi yɛ le, la tiwba mi la sɔla cindaa le.»

Dɛnnda kiilaa 15:24

N tuei maa vanaa pum cɛn naa tɛɛn nanu, má kɔ luei niaa kɔndɔfillo a buulanndo o lakɔl a sɔɔn ndan. Nduyɛ, n vim vana-vana le.

Dɛnnda kiilaa 20:30

Niaa tɛɛn bɛɛ, vannda vanin còòlan dimio haliko mi vanaa laalannda del nda kɔɔli.

Rɔmnda 8:15

O co kɔl siinguu niaa n'cɛ mì la cal vɛlɛ a isiòòn te niaa sɔla le, kɛ Kɔl siinguu niaa cuavaa Hala-a-o. Ndu koni tosa ni mì n veelu Hala aa: «Pua, Fuɲa naa».

2Korɛntea 11:13

Vanaa vaa lende-a a co kiilaa lacòòvaa ni, vanaa baalaa fondoa co vannda huiyo-a, a co handɔnndo o hɔl maa kiilaa Krista-a nda co ni.

2Korɛntea 11:17

Ɲɛ ya co hoo dimio-o, o co Mɛlɛka le vem ya ndu dimi le, kɛ o diɔmii nii nin ya co kuundianndo nuaa ni.

2Korɛntea 11:20

Vannda co niaa cɔu maa n'cɛ, a co tɔnɔ niaa dioo, a co niaa ɲɔɔn poondia o laba, a co niaa kuundianndo coo, mà va niaa hɔlla lɔɔ, mì co kon cɛlɔɔ.

2Korɛntea 11:26

I kela taw, i kei o kpundɛla bɔɔ-bɔɔ nin: i va le lo o peelo, vanaa del vannda coo-a del-la coo, vanaa nia naa n co súú pilɔɔ-a a va le ya diyɔɔ, vanaa súúla celennda tol-la coo, vannda ndáà yeema le ya diyɔɔ o kobilan nin, i va le piɔ́mndo sɔlaa o lɛŋnde veselɛilen nin, i va le lou o mɛmma ihɛllan nin, puapilɛa lacòòvaa va ya yaŋɔɔlan hɛnduuo laci.

2Korɛntea 3:17

Nduyɛ, Kɔl-Diandaa co Mɛlɛka ni. Nɛɛ Kɔl Mɛlɛka-o co pɛ, lon hɔ́ɔ́yɛi co ni.

Kalatea 1:7

O co dɔ́ɔ́ mì Yoongu kɛndɛ celen va le, kɛ vanaa pum a co niaa hɔlla hiŋndo nuaa ni, a yeema le Yoongu Kɛndɛ Krista-o mingio o hɔlaa vɔɔnda-aa.

Kalatea 4:25

Akar, ndu co pembei Sinai co Arabii-e ni, pembii pilɛi ken koni co vɛlɛ Yerusalɛm vaalio ho ni, kani o cɛlen nin o co a cuavaa ndɔa ni.

Kalatea 4:3

Lende koni, telen naa bɛɛ n va cuaambɔa-o, n va a biyaa o cɛle dɛnnda ceendo bɛngu.

Kalatea 5:1

Le hɔ́ɔ́yɛi Krista mingi naa hɔ́ɔ́a ni. Lelan la sim yili, la luei lɛ bollen o cɛlen nin te.

Kalatea 5:10

Le ya, i laalan niaa o diola Maalii lan, yiyan celen delnin niaa le. Kɛ vanaa co niaa haa hɔlla hiŋndo-a sɔlanin yaalaa, mɛ̀ɛ́-mɛ̀ɛ́ nda va.

2Timote 3:6

Vanaa pum nda tɛɛn luɛinin o yungula pilalan nin, mà bii vanlaandua laasian a hakilan-nda, a yeemɛi vɔɔŋii súú-súù ka i pɛ o lakɔl-la pɛɛn.

Nsaki 1:25

Kɛ vana-vana yɔngun pɛ, mò pɛɛku tɔŋ peelanndo, tɔŋ ihɔɔyaa, mò kela lecoo a biuvɔnndo, o co ka le ndu tueyɔɔ mò pɔɛɛnun te, kɛ mò kela lecoo ɲɛkɛndɛi, vana kon sɔlanin dɛnɛ kɛndɔɔ o dɛnnda ndɔlan nin.

1Piɛr 2:16

La kela maa vanaa co o ba nda coo-a, kɛ nduyɛ, la siinguu hɔ́ɔ́yɛi niɛi kunga viannanndo le dɛnɛ vɔɔndo vionɔɔ le, kɛ la tosa dɛnndan maa vanaa baalaa Hala.

2Piɛr 2:19

A co nda dimullo maa a kenin nda hɔ́ɔ́yɛi, nduyɛ nda pila co o cɛlen nin dɛnnda tɛɛmbuu vana lan o ba, kani vana-vana co o biyaa o cɛlen nin ɲɛ o nɔla hiɔlɔnndo loo o ba.

1Nsaŋ 4:1

Caaŋaa nia hɛnan ya-a, la laalan kɔltan kpow le, kɛ la soli lan kɔlɔ mì la sina te Hala o ba la fula ni, kani vanaa-tɛɛngaa-diom Hala-a bɔɔ-bɔɔ a hin o ceendo coo.

Yude 1:4

Kani vanaa vɔɔnda pum a sɔɔŋa niaa tɛɛn, a co dɛnɛ kɛndɛi Hala-e yɛlɛmaa le kela nda laasi-laasio cɛwcɛwvo, nduyɛ Maalii Yeesu Krista, Vana Bɛndu co Maalii-yo nda co kɛɔ lende nuaa ni. Kɛ nduyɛ, kabi sindɛ, Sɛbɛ Hala-o cii nin vanaa vaa lende yaala.