Ɛstɛr 7:4 - BII BILA

⁴ Kani vanaa nia a ya pila kpow, a cii naa pisi le naa diyɔɔ, le naa tɛɛmbuuo a le naa ciiyo selemenden. Te ndóò va pɛ maa le siŋnɔnndo cɛa piaandua a cɛa laandua ndáà pisi naa ni, i ve ɲɛ-ɲɛ dimi le, kani dɛnɛ palaa kon ndu ndóò tosanin mì vana óò kpeeŋiaa nɔm masaa le.»

Ɛstɛr 7:4 Iomraidhean Croise

Nehemi 5:5

Nduyɛ, falun pilɔn naa n nɔ naa puapilɛa naa ni. Ɲɛ pilɔɔ cuavaa naa a cuavaa ndaa co ni. Kɛ nduyɛ n co poaa naa a cuavaa naa laandua malɔɔ o cɛlen nin, cuavaa naa laandua pum co nin lenin, n nɔ lɛ mɛ̀ɛ́-mɛ̀ɛ́ tosaa le. Le caanda ciɛɔn nan a nakɔla naala n'rɛsɛnndan la co nin ni.›

Ɛstɛr 3:13

Má viam kiilaa a sɛbɛla lan le lan yɔɔ o kobila lebolta lemasalan nin, le vannda dimullo maa a tɛɛmbuu Yuifia, mà diw nda, mà cii nda selemenden: felengia, vanaa yuuvɛiya, cuaambɔa a vanlaandua, mà cɔwviaa ɲɛm ndan kpow o paale ten pilɛ bɛngu. Paale ndáà tuu le dɛnɛ kon tosaa len le va paale tɔ́ a leyàándɔlen o paangii tɔ́ a idiinndɔɛi nin ni, paangii Adar pɛɛn.

Ɛstɛr 3:9

Lelan taa cɛl pɛ, tɔŋndo handun le nda diwvo. Ya Haman, i tuunin volin latámán kilolan vaalan kɛmɛ leyáá (300 000), mì yɔngu vanaa co baalaa o masale nɔmnden nin-nda mun le vowvo o kesu lemasaa nin.»

Ɛstɛr 7:5

Mí masaa Sɛrsɛs ɲuna Ɛstɛr laa ndɔ aa: «Nɛ̀ɛ́-nɛ̀ kon? Kuɛɛ nɛ vana tuu tuu kon-ndo co yɛ?»

Ɛstɛr 7:6

Mí Ɛstɛr muli aa: «Yaamɔɔ kon, vana vɔɔn kon, ndu co Haman ni!» Fɔ́ɔ́fɔ̀, mì siòòŋii bɛndu-bɛnduei bii Haman nɛɛ o va icali masaa nda laa ndɔ o hɔl-la.

Ɛstɛr 8:11

Mí masaa sɛva o sɛbɛla lan nin maa Yuifia va o kobila yɛ́-yɛ́la va o tàndà kon nin-ndan-nda cuungian nɛɛ pilɛ mà baŋa yoomu ndaa. Te vana-vana ndóò tiŋ nda pɛ a sɔngɔɔ, o va vanaa cɔvaa va le lɛŋnden kpow-va, o va vanaa cɔvaa va o tàndàla lan nin-nda, a del vanaa kan coo, mà diw cuavaa ndaa a laandaa ndaa, mà poondiaa ɲɛm ndan kpow.

Ɛstɛr 8:6

Kani vɛ̀ɛ̀ ya lo yɛnin tofaa mì dɛnɛ palaa tol vanaa nia coo? Bàà mì lo tofaa mì polale vanaa nia le cuu?»

Ɛstɛr 9:25

Kɛ mɛɛ Ɛstɛr fula masaa o hɔl, mí masaa sɛva le dɛnɛ vɔɔn Haman ndóò tuu kon le Yuifia tuisio coo-o mingio ndu pila o lebol, má landu ndu o yɔmndo nda poaa ndɔa.

Daniɛl 6:2

Mí Darius kialu le masaa n'bungaa kɛmɛ a bidiin kɛsio o masale ndɔlen kpow coo.

Amɔs 2:6

Nuaa Mɛlɛka soo ni aa: «Le yɔŋnda vɔɔnnda yàála Israɛlla tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a co vanaa sandaa pisio le volion, ma va vanaa bala fondoa pisio o samtalan bɛngu.

Luke 12:45

Kɛ te vana baala kon dimi pɛ aa: ‹Vana ni bɛndoo co yala hunɔɔ le›, o kon mò saan vanaa baalaa tɔ̀a lɔɔ, a piaandua a à laandua, mò luɛi dioo a kolɔɔ,

Tɔŋ miingua 28:68

Mɛlɛka minginin niaa Esipte o dɛ̀ndɛ̀lan nin. La muungunin o nɛi yáà dimul niaa aa la muungu lɛ o nɛi kon too coo. Lon niaa pila yeemanin le pisinndo yaamɔaa niaa o ba le siŋnɔnndo cɛa ndaa a buɛyaa ndaa ni. Kɛ vana-vana venin le niaa piondɔɔ le.»

Yosue 9:23

Le fɛɛn a fɛɛn nin, vanaa dangaa niaa co ni. Cɛlen le cuu lɛnin niaa kuee lɔ́ɔ́-lɔ́ɔ̀ le, la vanin vanaa kialaa iyɔmnda a vanaa vilia mamɛnnda le Cɛi-Hala nuu.»

1Samiɛl 22:23

Lelan kɔa lɛhau nɛɛ-nɛɛ le, lo nanu. Siòòŋii bii vɛlɛ nɔm le ɲɛ-ɲɛ le. Yaamɔɔ pilɔɔ kpé co naa tovɔɔ ni, cal-la ikɛi, ɲɛ-ɲɛ co nɔm yɔŋnɔn te.»