Ɛstɛr 3:1 - BII BILA

¹ Dɛnnda lan hiovɔɔ, mí masaa Sɛrsɛs ca Haman po Hammedata fula o polale Akak len nin-ndo ɲia. Mó siinguu ndu bolle simlacia va ndu o ba bɛngu-a kpow.

Ɛstɛr 3:1 Iomraidhean Croise

O Kandɔɔ 41:40

Lelan, nɔm co va bollen o masale nilen coo ni, mì vanaa co o ba nuu bɛngu-a kpede a va nɔm o labɛngunin. Ya pila Faraɔnnɔɔ bɛɛ, ɲɛ ya hiawnin nɔm-ndo koni co le co ya co icali o kpɛŋɛ lemasaa nin-ndo ni.

O Kandɔɔ 41:55

Mɛɛ ɲɛdiaa cuu Esiptea o ba, má kuel Faraɔnnɔɔ a cɛɛŋɔnndo. Mí Faraɔnnɔɔ dimul nda kpede aa: «La kɔ cɔm Yosɛf bahavɛi niaa mì la tosa ɲɛ o dimulnin niaa-o.»

Ɛsdras 7:14

Ya masaa a vanaa nia silaa ŋɔmmɛwva, naa n vem nɔm le kɔlan tàndá Yuda-o a kobio Yerusalɛm taasio dɔvɔɔ ni, mɛɛ tɔŋ Hala nɔmndo co yɛ, tɔŋ co nɔm o ba-o pɛɛn.

Ɛstɛr 1:14

Vanaa ndɔa silaa va ndu ikɛi kpɛɛlun-nda va haa ni: Karsena, Setar, Admata, Tarsis, Merɛs, Marsena a Memukan. Nda vanaa ŋɔmmɛvaa kan va vanaa bɛndua lebolla le Pɛrsea a Mɛdea n. Nda va o fondala bɛndulan o masale ndɔlen nin ni, kani masaa ndóò laalan nda.

Ɛstɛr 3:10

O kon mí masaa solin kelɛi o isu, mó yɔngu Haman po Hammedata fula o polale Akak len nin-ndo, ó va kon yaamɔɔ Yuifia-o.

Ɛstɛr 5:11

Mó cɔm nda mɛɛ bolofaa ndɔɔ va o bɔɔ yɛ, mɛɛ ndóò nɔ cuawva sɛ́lɛ́ bɛndoo yɛ a mɛɛ masaa ndóò heelu ndu o fonda bɛndoo, mó va vanaa bɛndua kpow a simlacia masaa kpow bollen yɛ.

Ɛstɛr 7:6

Mí Ɛstɛr muli aa: «Yaamɔɔ kon, vana vɔɔn kon, ndu co Haman ni!» Fɔ́ɔ́fɔ̀, mì siòòŋii bɛndu-bɛnduei bii Haman nɛɛ o va icali masaa nda laa ndɔ o hɔl-la.

Ɛstɛr 8:3

Mí Ɛstɛr del vɛlɛ masaa o labɛngunin a caŋndo le ndu tɛɛlɔnndo, haliko mi ndóò tɛɛmbuu tuulan a yiyannda Haman fula kon o polale Akak len nin-ndo ndóò nɔ le Yuifia kpede diwvo lan.

Condii lisai 12:8

Nɔm Mɛlɛka, a mandanin vanaa nda co palaa-a, ma kanda naa le fɛɛn a fɛɛn a vanaa kan.

Talelan 29:2

Vanaa sandaa kui pɛ, lɛŋnden le dɔwnun ɲaale. Vana kɔlvesɛiyo sul pɛ masaa, lɛŋnden le cɛɛŋun.

Vana Kɔlkaloo 10:6

mò ke diɔmaa sondo vesɛiya simlacilen o fondala bɛndulan, mì vanaa sɔvɛa lo o fondala pɔmbɔlan.

Daniɛl 6:2

Mí Darius kialu le masaa n'bungaa kɛmɛ a bidiin kɛsio o masale ndɔlen kpow coo.

Kundalan 24:7

Ì mɛnndan ma co piɔu o fɛngɛla ndɔlan nin mì ma coŋ-nde, i kulun ndɔn tɔlnun o ciɛi co pɔɔlianndo-e nin-nde. Masa ndaa hiow masaa Akak yoomuan, masale ndalen le sɔlanin kpaayaa taw.

1Samiɛl 15:33

Kɛ mí Samiɛl dimul ndu aa: «Mɛɛ mɔɛi nɔmii cɔwve mɛi vanlaandua bɔɔ-bɔɔ kɔɔla fondo yɛ, lende koni kala nɔm co hau lo kɔɔ fondo vanlaandua tɛɛn ni.» Mí Samiɛl dii ndu Mɛlɛka o hɔl Kilkal lon.

1Samiɛl 15:8

Mó bii Akak, masa Amalɛkea o kiyɛiyo, mó dɔaw vanaa tɔ̀a kpow yɛɛvɛ, mó diw nda a mɔɔn cɔwvon.