Vana Kɔlkaloo 8:1 - BII BILA

¹ «A toɲa, vana-vana nɔ kɔlkalu kon te, kɔlkalu o tiwba mò cɔm ɲɛ co hunɔɔ yɔŋnɔn-ndo-o. Nduyɛ, hɔlla kɔlkaloo teengiaa vana ni, mò faŋa vana suumaa o hɔl.

Vana Kɔlkaloo 8:1 Iomraidhean Croise

O Kandɔɔ 40:8

Má mulul ndu aa: «Lɔan naa n sɔl ni, kɛ vana co nanu le naa kɔlɔ ndɔɔ cɔmndo le.» Mí Yosɛf dimi aa: «O co macoaa Hala le tɛɛsiaa kɔlɔ lɔma sɔlaan te? La cɔm-ndɔ ya lɔma niaa sɔl-lan.»

SƐBƐ YƆB-O 33:23

Kɛ te vana kon nɔ pɛ mɛlɛkanɔ soaa le ndu-o, o va bɛɛ o pilɛ kpé sɔlan o mɛlɛkaa vàá pilɛ tɛɛn ni, mò cɔm ndu ɲɛ o bɛnda le tosaa-o,

Fulaa 34:35

Israɛlla ndáà tofa pɛ Moise hɔlla, ndáà ce maa hɔlaa ndɔa co tengaa ŋɛlɛngi-ŋɛlɛngi. O kon, ndóò mingi kolaa kuumbɔn o hɔl, háá mɛɛ mì ndóò muungu le suukanndo a Mɛlɛka malan ndóò faŋa.

Talelan 1:6

Talelan ndan la mala le kɔlɔ talelan a sɔɔn viannanndon sinaa, le sɔɔn vanaa kɔlkalua a sɔɔn kendu bila biyɔɔ-on sinaa.

Talelan 12:8

Vana kɔlkaloo vannda candu ni, kɛ diɔm sondo vesɛiyo ndu, kuisinndo o kuisin vannda ni.

Talelan 17:24

Kɔlkaloo co vana taasio ikɛi kpɛɛlun, kɛ diɔm sondo vesɛiyo ndu, lɛŋnde-mɛɛlu pɔ́ o yaa hɔlten ni.

Talelan 21:29

Yiiyo vana kɔlvesɛiyo yii hɔlla ni. Kɛ vana sandaa ndu laalan kela ndɔɔ.

Talelan 24:5

Vana kendu pɛ kɔl ndu nɔ kpaayaa, vana taasio vángalà yoomuma ndɔan ni.

Daniɛl 2:22

Ndu soli sɔɔn yingilɛiyon a sɔɔn viannanndon ceen ni, ndu sina ɲɛ co o ɲumndan nin-ndo ni, kani ɲɛ-ɲɛ co o viannan ndu o hɔl te.

Daniɛl 2:47

Mó dimul Daniɛl aa: «A toɲa, Hala niaa co Hala hiow halaa kpow-vo ni. Ndu co masa hiow masaa kpow-vo ni. Ndu co vana cɔɔmuu sɔɔn kɔndɔfillon-ndo ni, kani a cɔm ya dɛnɛ kɔndɔfillo ho.»

Matie 17:2

Mó mangalan nda o hɔl, mí hɔlla muungu ndu volio maa lepala, mí volɔɔla va ndu lekɔɔ lan la muungu lahumbu maa ɲɛ-tengaa.

Dɛnnda kiilaa 4:13

Mɛɛ vanaa kialaa n'yamaa lelɛŋnda ce Piɛr nda Nsaŋ sɔɛi válán a kɔlkɛsiaa, má sina vɛlɛ maa vanndacieea daama, aa sɔla lapɛɛku le-a nda va ni, mí kɔndɔfillo bii nda taw. O kon má bii bila maa vanaa va nda Yeesu-a latulu-a nda va ni.

Dɛnnda kiilaa 4:29

Tofa vɔ niko mɛɛ nda co naa kɔngɔlanndo sunsun yɛ. Cɛl mì buɛyaa nɔmnda dimi sɔɛi nɔmnde a kɔlkɛsiaa.

Dɛnnda kiilaa 6:15

Vanaa kialaa n'yamaa lelɛŋaa kɛ́-kɛ̀ a va lon a va Etiɛn tofaa, má ca hɔlaa ndɔa maa hɔlaa mɛlɛkanɔ.

Rɔmnda 13:5

Lelan, o bɛnda mì vana tuisin simlacia o labɛngunin, o tasoo, le kɔltuw Hala-o kpakpalaa, kɛ handɔɔ o kon coo vɛlɛ, yɔŋii kɔlta naalan la yaala naa.

Efɛsea 6:19

La piɛi vɛlɛ Hala le ya, haliko te i va pɛ sɔɛi, mò ke ya diomnda bɛnda lan, mì soo a kɔlkɛsiaa, mì cɔm vannda sɔɛi vianaŋii co o Yoongu kɛndɔɔ nin-nde.

Tɔŋ miingua 28:50

Vanaa hɔlta vesɛiya vanaa-mangalaa-isɔaa kan vanin ni. A nɔnin lebɛɛ a kaasonɔ yuuvɛi le, a nɔnin iɲíí a cuaambɔ le.

2Timote 4:17

Mɛlɛka mala ya ni, mó luei ya yoomuan, o kon mó tosa mí tiiyal vannda Yoongu Kɛndɔɔ mɛɛ o co faw yɛ, mí vanaa sina Hala le-a kpow a tuɛi. O kon mí Mɛlɛka baŋa ya, a dii ya le.

2Piɛr 1:20

O tase ya co niaa dimul-lo co hoo ni, la sínà maa vana-vana bɛnda mò tɛɛsiaa diom kɛ́-kɛ̀ o sɔɔn vanaa-tɛɛngaa-diom Hala-a dimi mì n va n sɛvaa o Sɛbɛ Hala-o nin-ndon a yiyan ndɔ ndu pila le,