Vana Kɔlkaloo 2:3 - BII BILA

³ Mí kialun o kɔl le sondoo lueiyo o mɔiyan nin, haliko mi yáà vel vanaa laasiannda, kɛ mì yáà va kelaa a kɔlkaloo. Yáà yeema mì yáà sina ɲɛ vanndacieea ndáà bɛnda le tosaa o ceendo coo, o palɛi nda co yoomu-e kpow nin-ndo.

Vana Kɔlkaloo 2:3 Iomraidhean Croise

O Kandɔɔ 47:9

Mí Yakɔb muli aa: «Vɔsila ya tosa o kelaa nin-ndan la co kɛmɛ a beleyaa. Palɛi ya tosa o ceendo coo-e co ibɔɔ le, palɛi dɛnɛ palɛi i yɔŋnun ni. I suilinin vɔsilan mɛɛ fuɲa nuu a fuɲa ni mamaa a cii lan o kelaa nin yɛ le.»

SƐBƐ YƆB-O 14:14

Vɛ̀ɛ̀ vanaciee vi nin-ndo nɔla pá mó muungu vɛlɛ yoomu? Te lende ni, yáà nɔlanin biuvɔnndo o palɛi baalɛi nii nin kpow, háá tuma ndáà hun tindinin ya-o.

Condii lisai 104:15

mɔiyan ma co nda ɲaaloo yɔngoo, cuɛiyan ma co nda hɔlla mingio ŋɛlɛngi-ŋɛlɛngi, baloo co nda kɛndia yɔngoo o n'dial.

Talelan 20:1

Hɔlla mɔiyan ma heelu vanacieo ni, mì mɔima nɛyan ma luei vana o poopoo. Vana yɔngun man pɛ o siŋnun vana kɔlkalu le.

Vana Kɔlkaloo 1:17

Mí kindin a kɔl nuu kpow le kɔlkaloo, diɔmnde a seemaa sinaa. Kɛ mí bii bila ma kon vɛlɛ bɛɛ, ɲɛ fondoo kiltan kɔɔli o co ni.

Vana Kɔlkaloo 10:19

Le ɲaaloo dɔwnɔnndo vana tuisi kafo ɲɛdiaa ni, mɔiyan ma nɛŋi vana kɔllo ni, volion tosa ni mì vana sɔla ɲɔɔn kpow.

Vana Kɔlkaloo 12:13

Sɔɔn dimin mun-ndon kpow, liima ndɔɔ co hoo ni: nɔ́ siòòŋii Hala-e, mà kela o tɔŋnda ndɔlan coo. O vanndacieea kpow bɛnda mà tosa-o co kon ni.

Vana Kɔlkaloo 2:24

Ɲɛ co dɛnɛ kɛndɔɔ o ceen vanacieo nin daama-o co dioo, kolɔɔ a ɲaaloo dɔwnɔnndo o baala ndɔɔ nin ni. Kɛ kon vɛlɛ bɛɛ, mí ca maa Mɛlɛka o ba o fula ni.

Vana Kɔlkaloo 5:18

Handɔɔ o kon coo, vana-vana Hala ke pɛ bolofaa a ɲɛ-sɔlaa taw, ndu dɔwnun ɲaale o baala ndɔɔ nin. Ó ndɔɔ co kon ni.

Vana Kɔlkaloo 6:12

Ceen vanndacieea co maa levundu. Ɔ́ɔ̀ vana sina ɲɛ kelun le ndu o palɛi bingi o co yoomu-e bɛngu-o? Vana dimulnin ndu ɲɛ koma yɔŋnunnin ndu kɔɔli o paalen bɛngu-o le.»

Vana Kɔlkaloo 7:18

O bɛnda ma bii silala tiɔnndan ndan. Kani vana nɔ pɛ siòòŋii Hala-e, o hiw ɲɛ-ɲɛ ba le.

Vana Kɔlkaloo 7:25

O kon, mí kindin le sinaa, mí yaasiaa, mí nuwviaa kɔlkaloo. Yáà yeema mì yáà sina le kɔlɔ dɛnndan la komal vana-o. Mí yáà sina vɛlɛ kɔlɔ vannda tosa kɔlvesɛiyo te kon te diɔmii sondo vesɛiye-o.

Vana Kɔlkaloo 8:15

Ya ya, i co icondu le ɲaale co ya o kɔl-lo. Kani dɛnɛ kɛndɛ co le vannda o paalen bɛngu-o co hoo ni: dioo, kolɔɔ a ɲaaloo dɔwnɔnndo. O kon à de ceendo tɔnɔ. Hoo nda bɛnda le tosaa ni, telen nda co vallo o palɛi Hala ke nda le yoomoo o ceendo coo-e bɛngu-o pɛɛn.

Matie 6:24

«Vana-vana tiwba mò tosal vanaa bɛndua nda ŋiɔn baalaa o lepilɔɔ le. Kani o pilɛ nɛinunnin ndu, mò kaola o pilɔɔ, te kon te o yiinunnin a ò pilɛ, mò mulul o pilɔɔ kɔɔ. Lá tiwba mì la tosal Hala a volion baalaa o lepilɔɔ le.»

Efɛsea 5:18

La hiaw ba a mɔiyan kolɔɔ le, kani o laasianndo nin kon luei vana ni, kɛ la va a piaa a Hala Kɔl-Diandaa.

Masaa kialaa n'yamaa 9:13

Kɛ mí rɛsɛnndo muli aa: ‹Niaa ca ko aa i mɛinin mɔima nima peì halaa a vanndacieea a ɲaaloo-an solio mì kɔ cal saangianndo masalen tosaa yɔmii celen coo baa?›

1Samiɛl 25:36

Abikail muungoo o ndu lo, o komal Nabal bɛɛndiaa ɲɛdiaa sɔvɛɔ, mó tuisi kafoo, kafo lemasaa lekɛ́ndɛi kafo kon va ni. Laa ndɔ komal o pim mɔiyan pumndo pila, mó va a kɔlkɛndɛ bɛndoo. Háá mí paalen le sia Abikail nɔla ndu kona kɛ́-kɛ̀ downɔn te.