Vana Kɔlkaloo 2:1 - BII BILA

¹ «Mí dimul kɔl nuu aa: ‹N tofa vɔ ɲɛ kɔlkɛndɛla ceendo ho la ke vana lan, mí mɛɛndan-ndɔ ɲɛ co dɛnɛ kɛndɔɔ nɔu-vo.› Kon vɛlɛ bɛɛ, sanga fondoo fúú!

Vana Kɔlkaloo 2:1 Iomraidhean Croise

O Kandɔɔ 11:7

Lelan, n tolnun mì n kɔ laasian sɔɛi ndɛi mangalɛi, yɔŋii nda tuɛyan ladiom vellaa-velle.»

2Masaa 5:5

O kon, mí masaa Aram dimi aa: «I co sɛbɔɔ sɛva, mì yɔngu nɔm, ma yoo masaa Israɛl.» Naaman vaa kɔlan Samari, mó cua volin latámán le kilolan kɛmɛ leyáá, sianion kilolan belaŋɔmpum a volɔɔla cuɛinannda kafolan tɔ́.

Condii lisai 10:6

O co dimio aa: «Dɛnɛ palaa kɛ́-kɛ̀ co ya cum te. Le fɛɛn a fɛɛn, i co vannɔn o kandaa nin le dɛnɛ palaa.»

Condii lisai 14:1

Condii David-e, í fula o condun simlacinɔ vanaa n'condua nin-nde. Diɔmnda co dimio o kɔlta ndalan nin aa: «Hala co le!» A laasian kpede, à luei balan o dɛnnda nɔɔlɛilan nin. Vana pilɛ bɛɛ co dɛnɛ kɛndɛ tosa o nda tɛɛn te.

Condii lisai 27:8

I nɔ kɔllo o sɔɔn n dimi-on coo aa: «La nuwviaa hɔlaa nia.» Hɔlaa nɔmda ya co nuwviaa ho nuaa ni, Mɛlɛka!

Talelan 14:13

Mamɔɔ n'ciŋndo nɔla mò kumbu dɛnɛ palaa co o kɔllo nin-ndo. O mɛɛlulan, ɲaale kon siŋnun mɔnɛi.

Vana Kɔlkaloo 11:9

Nɔm langbanɔ felengoo, dɔwnun ɲaale telen n co vɔ felengi-o. Naŋ kɔl o felengiyɛi nɔmnde nin. Kela o nɛila kɔl nɔmndo yeema lan coo, tosa dɛnnda n co cɔw lan kpow. Kɛ sinà pɛɛngu maa Hala kialunin dɛnnda nɔmndan kpow iyama.

Vana Kɔlkaloo 2:10

Ɲɛ-ɲɛ hɔlta nilan láà yeema, i tuŋ ndan ɲɛm mun te. Dɛnɛ ɲaale co le, o ya kɛɛ tosa-o. Mí dɔawnun ɲaale o baalala nilan nin kpow. Tɔnɔ ya sɔla o baala kon nin-ndo yɔŋnun kon ni.

Vana Kɔlkaloo 2:15

O kon mí yiyan aa te ɲɛ pilɔɔ co naa cum naa diɔm sondo vesɛiyo ni, le yɛɛ ya sɔla yɛ niko kɔlkaloo hiovɔɔ ndu coo? Kon vɛlɛ bɛɛ, sanga fondoo fúú.

Vana Kɔlkaloo 2:25

Kani te o co mì Mɛlɛka cɛl te, ɔ́ɔ̀ vana tiwba mo de, mo dɔwnun ɲaale-o?

Vana Kɔlkaloo 7:4

Nɛɛ vannda co o sangaa nin-nda, lon vanaa kɔlkalua cal ni. Kɛ nɛɛ kɔlkɛndɔɔ co-a, lon vana komal diɔmaa sondo vesɛiya ni.

Vana Kɔlkaloo 8:15

Ya ya, i co icondu le ɲaale co ya o kɔl-lo. Kani dɛnɛ kɛndɛ co le vannda o paalen bɛngu-o co hoo ni: dioo, kolɔɔ a ɲaaloo dɔwnɔnndo. O kon à de ceendo tɔnɔ. Hoo nda bɛnda le tosaa ni, telen nda co vallo o palɛi Hala ke nda le yoomoo o ceendo coo-e bɛngu-o pɛɛn.

Esai 5:5

I co niaa niko dimul mɛɛ ya co hunɔɔ tosa a nakɔ ni n'rɛsɛn kalaa yɛ. I co kpalion suingi mì visia luɛi, mà de ndu. I co kunga ndɔɔ puusiaa, mò nɛwnun a labɛngu!

Esai 50:11

La tuei-yɔ! Niaa co yinnden mɛndullo-a kpow, niaa kɔɔn tuw-tuwvon co o laba-a kpow, la kɔ o yinnde niaalen a o kɔɔn niaa pila divi-on tɛɛn! Ba nuu tuisinin sangala lan niaa coo ni, la hininin o sanga niaa bɛndu-bɛndoo nin.

Esai 50:5

Mí Maalii Hala kumbi ya nilan, i simul ndu le, i poondan mì miinun a makɔɔ le.

Luke 12:19

O kon i dimul kɔl nuu aa: A nɔ ɲɔɔn taw n kɛsiaa le vɔsila bɔɔ-bɔɔ. Buulan te, dio mà kol, mà dɔwnun ɲaale.›

Luke 16:19

O kon kɔɔli, mí Yeesu dimi vɛlɛ taloo ho aa: «Vana bolofaa pum va ni, volɔɔla kɛndɛ-kɛndɛlaa nɔ báà kala kalaa lan ndóò cuɛinun ni. Lepalaa-lepala, o va ɲaaloo dɔwnɔnndo o ceen ndɔɔ nin, mo va ɲɛm dian kɛndɛ-kɛndɔn dioo.

Luke 16:23

Mó sɔla sangaa taw ciee-piɔ́m. Mɛɛ o heelu hɔlla pɔɔli, mó ca Lasar icali Abraham ikɛi.

Tite 3:3

Kani naa bɛɛ diɔmnda naa n va paandu ni, vanaa bii isɔɔ le-a, n va o pɔwlan nin. N va cɛa le yeemɛi vɔɔŋun súú-súù ka a le yeemɛi ɲɛm kɛndɔn. N va kɔlvesɛiyo tosaa mí n va yeemɛi vɔɔnde. Náà n nɛinun vannda, mí nda bɛɛ va nɛyɔnndo a naa.

Nsaki 4:13

Niaa co sisa dimio-a aa: «Hau, te kon te siɔdii, n kɔanin o kobi vaa nuaa nin. N ciinin vɔsio pilɛ lon, n tosanin yulalen ndon mì n sɔla tɔnɔɔ»,

Nsaki 5:1

Niaa vanaa bolofaa, la caŋ, la koŋul kpélén le dɛnnda palaala toalnin niaa coo lan.

Nsaki 5:5

La vìlí ceen niaa o kɔlkɛndɔɔ a o ɲɛm kɛndɔn nin, la pímí kɔlta niaalan le paale diyaalen.