Vana Kɔlkaloo 1:2 - BII BILA

² Vana kɔlkaloo dimi aa: «Sanga fondoo fúú! Sanga fondo láà sanga fondo! Dɛnndan kpow, sanga fondoo fúú la co ni.

Vana Kɔlkaloo 1:2 Iomraidhean Croise

SƐBƐ YƆB-O 11:12

Kɛ diɔm sondo vesɛiyo ndu kindu kɔl te tuŋ. Te o kiandunin pɛ kɔl, mɛɛ sofɛlɛ yondoo siŋnunnin cɔlu cieeninndo.

Condii lisai 144:4

Vanacieo co macoaa maa ihoei, yoomu ndɔɔ co macoaa maa vundule hiavan.

Condii lisai 89:47

Háá telen kuɛɛ n lo yɛnin vionnɔnndo ho nuaa? Háá lɔ́ɔ́ kuɛɛ n lo yɛnin kɔllo fulaa maa leyin?

Vana Kɔlkaloo 11:10

Lelan, faŋan dɛnɛ palaa o kɔl, má faŋan dɛnnda vɔɔnndan o n'dial. Kani sanga fondoo fúú felengiyɛi a dialun fulan ifelengiyan co ni.»

Vana Kɔlkaloo 11:8

Te vanndo tosa pɛ yoomu vɔsilan taw, o bɛnda mò dɔwnun ɲaale o vɔsila lan kpow bɛngu. Kɛ o loonun maa palɛi dɛnɛ palɛi vanin sɛ́lɛ́. Dɛnnda toal vana coo lan kpow, sanga fondoo fúú.

Vana Kɔlkaloo 12:8

Vana kɔlkaloo diminin aa: ‹Sanga fondoo fúú! Mbɔ̀ dɛnndan kpow sanga fondoo fúú la co ni.›

Vana Kɔlkaloo 2:11

O kon, mí mɛɛndian baalala ya tosa lan kpow, a mɛɛ ya sanga o lan tosaa yɛ. Kon kpow, sanga fondoo fúú. Ɲɛ fondoo kiltan kɔɔli co kon ni. Tɔnɔ oo tɔnɔ co o paalen bɛngu le.

Vana Kɔlkaloo 2:15

O kon mí yiyan aa te ɲɛ pilɔɔ co naa cum naa diɔm sondo vesɛiyo ni, le yɛɛ ya sɔla yɛ niko kɔlkaloo hiovɔɔ ndu coo? Kon vɛlɛ bɛɛ, sanga fondoo fúú.

Vana Kɔlkaloo 2:17

O kon mí ceendo kusulan ya, kani baala co tosanndo o ceendo coo nanu-o niŋ te. Kon kpow sanga fondoo fúú, ɲɛ fondoo kiltan kɔɔli o co ni.

Vana Kɔlkaloo 2:19

I sina vana súú ndu vanin te, ko vana kɔlkalu ni, ko diɔm sondo vesɛi ni, i sina le. Nduyɛ, ndu koma nɔnin hɔlten o baala nuu coo ni, o ya tosa a kpaaya nuu, mí tosa ndu a kɔlkalu nuu kpow o paalen bɛngu-o pɛɛn. Kon vɛlɛ bɛɛ, sanga fondoo fúú.

Vana Kɔlkaloo 2:21

Kani mì vanndo cii baalaa tosa a kɔlkaloo, mò tosa ndu a dɛnɛ sinaa a á yiyan ndɔɔ kpow, kɛ mò mel vana celen ɲɛm ndɔn kpow, vana sanga bɛɛ le mun too. Sanga fondoo fúú co vɛlɛ kon ni. Co dɛnɛ sandaa le co kon te few.

Vana Kɔlkaloo 2:23

Buulanndan a yiyannda vɔɔnndan la co ndu palaa lɔ́ɔ́-lɔ́ɔ̀, o co pɛngi sɔla o kɔl ndɔɔ nin te. Hali icɔl, o pɛngi le. Kon vɛlɛ bɛɛ, sanga fondo fúú.

Vana Kɔlkaloo 2:26

Vana hɛnan Hala-o, ndu Hala ke kɔlkaloo, dɛnɛ sinaa a kɔlkɛndɔɔ ni. Kɛ vana lahakio ndu, Hala pei ndu pɛ yiyanndo nin, o nuwviaa, o cuungiaa le vana hɛnan Hala-o yɔngoo. Kon vɛlɛ bɛɛ sanga fondoo fúú, ɲɛ fondoo kiltan kɔɔli pɛɛn.»

Vana Kɔlkaloo 2:8

I cuungiaa volion a sianion, n fula masaa o ba-on a n fula o kobila va ya o ba bɛngu lan nin-ndon. Mí sɔla vanaa solia n'condua piaandua a à laandua. Mí yil laandua taw mɛɛ vanpiaandua yeema ken tosaa yɛ.

Vana Kɔlkaloo 3:19

Kani ɲɛ pilɔɔ koni co vanndacieea a cɔlua cumndo ni. Mɛɛ o pilɔɔ vu yɛ, lende koni o pilɔɔ bɛɛ vu ni. Yoomu pilɔɔ nda kpow nɔ ni. Hiovɔɔ vanacieo hiow cɔloo-o co ɲɛ-ɲɛ le. Kon kpow, ɲɛ fondoo o co ni.

Vana Kɔlkaloo 4:16

Vannda va ndu kɔɔli sɛ́lɔ́ɔ́ taw, ndáà cuu cɔm te. Kɛ lambi koma hunnin ndu kɔɔli-o yeemanin ndu le. Kon vɛlɛ bɛɛ, sanga fondoo fúú, ɲɛ fondoo kiltan kɔɔli co kon ni.»

Vana Kɔlkaloo 4:4

Mí dɔaw vɛlɛ taasi maa o co fondo le vannda co sangaa le, a yeema ma hiow caanda. Sanga fondoo fúú co vɛlɛ kon ni, ɲɛ fondoo kiltan kɔɔli pɛɛn.

Vana Kɔlkaloo 4:8

ndu co a vana co ndu pilɛ kpé-o o kɔɔ ni. O nɔ po le, o nɔ bɛndu le, o nɔ pɔmbɔ le. Kɛ o pɛngi a baalaa le, o co yeemaa le bolofaa sɔlaa tuŋ. Nduyɛ, o co ɲunanndo aa: Le nɛ̀ɛ̀ ya co yɛ sanganndo ho mì va kɛɛ yeemɛi nii tosa? Sanga fondoo co vɛlɛ kon ni, ceendo vili vɔɔndo pɛɛn.

Vana Kɔlkaloo 5:10

Bolofaa kui pɛ, vanaa diaa ndu-a bɛɛ kui. Tɔnɔ yɛɛ vana ɲɔɔ nɔ yɛ niko o kon, te o co le ndu tofaa a lahɔl daama le?

Vana Kɔlkaloo 6:11

Vana hiw pɛ sɔɔn dimio, a dimi sɔɔn fondon taw. Yɛɛ vana sɔla yɛ o ken nin?

Rɔmnda 8:20

Kani ɲɛm Hala cɔw-von luɛi ɲɛ fondoo o ba bɛngu. O co hɛnan ɲɛm mun pila le luei mun te, kɛ Hala cɛl le ken tosanndo ni. Kɛ a kon kpow, tiindanndo co le ɲɛm mun.