Daniɛl 8:4 - BII BILA

⁴ Mí ca saa kóndóó, o va kundɔɔ a ba paalen le del-lo, a ba too a á ba luaŋ-ndo a leela ndɔlan. Visi oo visi óò nɔla ndu simullo le. Vana-vana óò nɔla ɲɛ-ɲɛ hiɔlɔɔ ndu o ba le, ɲɛ hɛnan ndu-o o va tosaa ni. Mó sɔla kpaayaa taw.

Daniɛl 8:4 Iomraidhean Croise

1Masaa 22:11

Sedekia po Kenaana-o ndóò toosiaa leela n'cilinndan, mó dimi aa: «Mɛlɛka dimi maa a leelan ndan n kuindikuindinin vanaa cɔvaa Aramiia ni háá ma cii nda diw.»

SƐBƐ YƆB-O 10:7

Nɔm yɛ a sinà maa i tɛɛmbuu isɔɔ oo isɔɔ le, ya yɛ vana-vana nɔla vɛlɛ mò soli ya nɔm o ba le!

Condii lisai 44:5

Òó Hala! Nɔm co Masa nuu ni. Cɛl mì pulun Yakɔb-on nɔla yaamɔɔa o cɔwlan.

Condii lisai 50:22

Lelan, niaa vanaa co ya Hala pɔɛɛnɔnndo-a, la bii sɔɛi he bila, yɔŋii ya tɛɛmbuu niaa, vana-vana baŋanin niaa le.

Condii lisai 7:2

Mɛlɛka Hala nuu, nɔm o ibuŋ nɛɛ nia viannannda co ni. Baŋa ya vanaa co ya yɛlen tollo-a o ba, ma ciindiaa ya,

Esekiɛl 34:21

Kani la ɲindu saa mɛsɛlɛiya kpow a lungbun niaan a congúla niaalan, mí la kundu nda a leela niaalan háá mì la sɛŋi nda o bɛ́ɛ̀.

Daniɛl 11:16

O tosanin ɲɛ hɛnannin kɔl ndɔɔ-o, vana-vana nɔlanin ndu simullo le. O calnin o lɛŋnde hiow naŋɔɔ len nin, o nɔnin kpaayaa le ɲɔɔn tɛɛmbuuo.

Daniɛl 11:36

Masaa tosanin ɲɛ hɛnannin kɔl ndɔɔ-o, o kuundiannin háá mo cennun maa ndu hiow halaa kpow ni. O diminin sɔɔn yongan a Hala-Hiow-Ɲɔɔn-Kpow-vo. O nɔlanin ɲɛ hɛnannin kɔl ndɔɔ-o tosaa háá telen kɔltuw Hala-o fulanin ceen-ndo. O kon, Hala peelunin sɔɛi o kelu-e.

Daniɛl 5:19

Le bɔɔbɔɔyɛi Hala ndóò yɔngu ndu ken-nde, vannda súúlan kpow, vanaa-mangalaa-isɔɔa a vanaa soaa sɔɔn mangalan yɛ́-yɛ́ɔn-nda kpow ndáà nɔ siòònde a ndu ni. Vana ndóò yeema pɛ le diyɔɔ, ndóò dii ndu, vana ndóò yeema pɛ le mɛiyo yoomu, ndóò mɛi kon yoomu. Vana ndóò yeema pɛ le heeloo, ndóò heelu ndu. Vana ndóò yeema pɛ le tuisio, ndóò tuisi ndu.

Daniɛl 5:30

Icɔl kon, má dii Baltasar masaa Babilɔn.

Daniɛl 7:5

Visi diinndɔ ya ce-o, ndóò velan a kɔ́lɔ́vúloo. O va maa ɲɛ kandu le cɔnɔn isisi. Kpɛndɔn va ndu o sondo mún yáá, n va o ciŋun ndɔn tɛɛn. Má dimul ndu aa: ‹Cɔn ma de vision taw!›

Daniɛl 8:7

Mí ca ndu saa kóndóó hinullo a kɔltuwvo. Mó kundu ndu kpoku! Mó yimi ndu leela tiɔnndan. Hali ɲɛ-pɔmbɔ saa kóndóó nɔla ndu simullo le. Mó yɔl ndu lɛŋ, mó nɛw ndu a labɛngu. Vana-vana nɔla ndu saa kóndóó puu o ba le.

Misee 5:8

Màá ba nɔmndo hel léngbén le yaamɔaa nɔmnda fukpaa! Màá cii nda mɛɛ nda co kpede!»

Tɔŋ miingua 33:17

Ndu yɔŋnun naw tova ndɔ tasoo ni. Màá o sɔla bɛɛlen! Leela ndɔlan maa leela cìí la co ni. A lan o kundunin vanaa-mangalaa-isɔɔa háá nɛɛ lɛŋnden le mɛɛlu-a ni. Lende sɛ́lɛ́ bɛndu-bɛndu fula Efraim o ipulu-o co ni, lende fàngà-kunda fula o Manase nin-ndo co ni.»