Daniɛl 8:3 - BII BILA

³ Mí heelu hɔlla le cɔu lapi. Mí ca saa kóndóó o peo ikɛi. Ndóò nɔ leelan tan tiɔn, leela tiɔnnda lan láà bandu taw-taw, kɛ lee diinndɔ mɛɛlu vulɔɔ-o ndóò hiow o pilɔɔ bandei ni.

Daniɛl 8:3 Iomraidhean Croise

1Dɛnnda lemasalan 21:16

Mí David heelu hɔlla, mó ca mɛlɛkanɔ Hala-o, o va halataalaa a lɛŋnden tɛɛn, mɔɛi cɔwve va ndu o ba, i ve o boo nin te. Mó muli ndi hɔlla a kpengii kobio Yerusalɛm. O kon, mí David a kaasoŋaa kɔlkalua va a yalala yuululan lekɔɔ-a deli, má kuumbu hɔlla lɛŋ.

Ɛsdras 1:2

«Nuaa Siris, masaa Pɛrse dimi ni aa: ‹Mɛlɛka, Hala co o halataala-o yɔngu ya masɛi co o lɛŋnden kpow coo-e. O vem ya le ndu Cɛiyo tengullo Yerusalɛm, o tàndá Yuda-o nin.

Ɛsdras 4:5

Mí yaamɔaa kan luɛi vanaa silaa nin a volion, haliko mi ndáà simul nda, mì ndáà tɛɛmbuu nda vallo o ba. Má lo dɛnɛ kon tosaa kandɔɔ o paale Siris masaa Pɛrse len háá o paale Darius masaa Pɛrse len.

Ɛstɛr 1:3

o vɔsi yàándɔɔ nin o masale ndɔlen nin, mó tuisi kafoo, mó toosiaa ɲɛdiaa sɔvɛɔ, mó veelu vanaa ndɔa baalaa, langbaa ndɔa kɛsun kálàá, simlacia vanaa cɔvaa Pɛrsea a Mɛdea, handɔɔ o vanaa bɛndua a masaa n'bungaa coo.

Esai 13:17

Tofa vɔ, i cuanin Mɛdea mà simul nda! Kani nda, a nɔ kpeku hɔlte n'voli le, a nɔ hɔlte n'siani le.

Esai 21:2

Dɛnɛ kpúlúnkùma bɛndoo cɔmnun ya, vanaa yiyaa dúmbú-a co dúmbóó yiiyo, vana tɛɛmbua co ɲɔɔn tɛɛmbuuo. «La hel mi la del nda coo, niaa Elam-nda! La kɔ tiila nda, niaa Mɛdea!» I tosanin mi vanaa co ŋɔɔcianndo-a mei.

Esai 44:28

Mí dimi a Siris o kɔɔ aa: ‹Vana mandaa n'cɔlu nuu o co ni, nduyɛ o peelunin hɛnan nuu kpow›. Ndu Siris diminin aa: ‹A muungu mà tangul Yerusalɛm›. O diminin aa: ‹Cɛi-Hala-o baŋnun vɛlɛ›.

Yeremi 51:11

Mɛlɛka tuu le Babilɔn tɛɛmbuuo. O co masaa Medii yoomuan lueiyo le tuu ndɔ kon peeloo. Maa ndɔɔ o co mingi ni, maa Cɛi-Hala co le ndu-o o co mingi kon lende ni. La cɛɛŋa bálta niaalan, mì la pei lan bɔlɔlan cá-cá.

Daniɛl 10:5

mí heelu hɔlla le tofaa, mí ca langbanɔɔ pum a kola keesoo lekɔɔ. Yaule va ndu o caŋ-nden le va le toosialen a sianin diandan.

Daniɛl 2:39

O nɔm kɔɔli, masale celen le cannin vɛlɛ, len le hiawnin dɔɔnanndo a masale nɔmnden ni. O len kɔɔli, masale yàándɔlen le cannin. Masale len le vanin maa idaɲa, le pɛngɛlannin o lɛŋnden kpow coo.

Daniɛl 6:28

Hala ciindiaa vana ni, ndu baŋa vana ni. Ndu tosa dɛnnda bɛndulan a sɔɔn kɔndɔfillon o halataala a o lɛŋnden coo ni. Ndu ciindiaa Daniɛl o kpaaya yàlàá bɛngu ni.»

Daniɛl 7:5

Visi diinndɔ ya ce-o, ndóò velan a kɔ́lɔ́vúloo. O va maa ɲɛ kandu le cɔnɔn isisi. Kpɛndɔn va ndu o sondo mún yáá, n va o ciŋun ndɔn tɛɛn. Má dimul ndu aa: ‹Cɔn ma de vision taw!›

Daniɛl 8:2

Vanáà ca kaa aa Suse ya va ni, kobi nda kunga a kpakio-o pɛɛn, kobi lebollo o tàndá Elam-ndo nin. Mí cannun isisi o kɔngɔ pee bɛndoo Ulai.

Daniɛl 8:20

Saa kóndó n ce-o, leela ndɔla tiɔnndan, tɔɔmasele masaa o lɛŋnde Medii len nin a masaa o lɛŋnde Pɛrse len nin co kon ni.

Sakari 2:1

«Mí heelu hɔlla, mí tofa, mí ca leelan tan hiɔɔlu.

Sakari 5:1

«Mí heelu vɛlɛ hɔlla, mí tofa, mí ca sɛbɛ simbulaa pum hiŋnɔnndo coocoo.

Sakari 5:5

«Mí mɛlɛkanɔ va suukanndo a ya-o sɔɔnguu, mó dimul-la aa: ‹Heelu vɔ hɔlla mà tofa ɲɛ co hunɔɔ o nda-o.›

Sakari 5:9

Mɛɛ ya heelu hɔlla le tofaa, mí ca vanlaandua hunɔɔ o hoeiye nin nda ŋiɔn. Hoeiye va hɔŋndo o kumbannda ndalan bɛngu, kumbannda ndala lan, velanndo lan pila a kumbannda yovaa yɔɔyaa. Má heelu kambɛi kon coocoo, halataala a lɛŋnden tɛɛn.

Sakari 6:1

«Mí heelu vɛlɛ hɔlla, mí tofa, mí ca ɲɛla ɲaanannda soa nan-ndan tan hiɔɔlu fulaa o pembon mún miun tɛɛn. Pembun mun daɲan kposon n va ni.

Kundalan 24:2

Mɛɛ o tofa, mó ca Israɛlla icali a kundalan o dɔ́ɔ́ngɔ́ɔ̀ nin. O kon, mí Kɔl Hala-o toal ndu coo.

Yosue 5:13

Lɔ́ɔ́ Yosue sɔɔnguu Yeriko ciee-lekɔɔ-o, mó heelu hɔlla, mó ca vanndo pum isisi ndu laci, mɔɛi cɔwve va vana kon o ba, i ve o boo nin te. Mí Yosue sɔɔnguu ndu ikɛi, mó ɲuna ndu aa: «O kunda naa coo n co ni baa o kunda yaamɔaa naa coo?»

Dɛnnda cɔɔmuanndan 13:11

O kon mí ca visi tɔɔma celen fulaa lɛŋ. Ndóò nɔ leelan tan tiɔn maa leela saa téndé, o va sɔɛi maa tambálaká.

Dɛnnda cɔɔmuanndan 5:6

O kon mí ca saa téndóó isisi o ɲɛ-calaa lemasaa, ɲaa yoomaa hiɔɔlua a bɛndua yuuvɛiya tɛɛn, vanáà ce ndu pɛ aa bololan ndáà kelu ndu ni. Ndóò nɔ leelan tan ŋɔmmɛw a hɔltan tan ŋɔmmɛw, lan la va kɔlta ŋɔmmɛwla Hala lan ni, la o vem o lɛŋnden kpow coo lan.