Daniɛl 7:9 - BII BILA

⁹ «I va tofaa tuŋ, mí ca kpɛŋɛla lemasalan lakɛsiaa, mí Bɛndu Yuu Masindɛ-Sindɔɔ hun cal. Volɔɔla va ndu lekɔɔ lan la va lahumbu maa kola fengbɔ. Yiiŋii va ndu o lebol-le va ihumbu maa yiiŋii saa humbu. Kpɛŋɛ lemasaa va o piaa a yelenyelen leyinndo. Bɛngula tiilannda kpɛŋɛ kon la va maa yinnde bɛndu.

Daniɛl 7:9 Iomraidhean Croise

1Masaa 22:19

Mí Misee dimi vɛlɛ aa: «Tuei-yɔ niko diom Mɛlɛka dimi-o. A toɲa, i ce Mɛlɛka icali o kpɛŋɛ ndɔ lemasaa nin o halataala, vanaa ndɔa baalaa va isisi ndu ikɛi, a va a balaa sɔ́ o ba kɛndɔɔ coo a o ba mɛllo coo.

2Dɛnnda lemasalan 18:18

Mí Misee cua vɛlɛ sɔɛi, mó dimi aa: «Tuei-yɔ niko diom Mɛlɛka dimi-o. A toɲa, i ce Mɛlɛka icali o kpɛŋɛ ndɔ lemasaa nin o halataala, vanaa ndɔa baalaa va isisi ndu ikɛi, má balu ndu o ba kɛndɔɔ coo a o ba mɛllo coo sɔ́.

Condii lisai 45:8

A kaola dɛnɛ sandaa mí kɔlvesɛiyo nɛinun nɔm. Le hee Hala nɔmndo pɔla nɔm ni, mó suu nɔm cuɛima kɔlkɛndɛan, ma hɛnan ndu hiovɔɔ caaŋaa nɔmnda coo.

Condii lisai 90:2

Lɔ́ɔ́ pá mí pembon fula, lɔ́ɔ́ pá mí lɛŋnden a ceendo kandun, nɔm co Hala fɛɛn-fɛɛndo ni.

Condii lisai 93:2

Sindɛ pá kpɛŋɛ lemasa nɔmndo kɛsin ni, a co le fɛɛn a fɛɛn.

Esai 6:1

Vɔsi masaa Osias vi-o, mí ca Maalii icali o kpɛŋɛ lemasa vilɛi-vilɛiyo coo. Mí bɔɔla doma ndɔ bɛndoo la pia o Cɛi-Hala-o nin ca.

Esai 9:6

Tofa vɔ ɲɛ o tosanin-ndo: masalen pɛngɛlaa mì le kui, vana co o kpɛŋɛ lemasa David-o coo-o a masale ndɔlen kɔlɲulu nɔ lamɛɛlu loo yɔngoo, yoomuan masale ndɔlen lueiyo a len simio yili, a dɛnɛ sandaa a sakpoyɛi, kandɔɔ sisa háá le fɛɛn a fɛɛn. Dɛnndan ndan Mɛlɛka-Nɔ-Kpaayaa-Kpow-vo tosanin a dialun fulaan ni.›»

Yeremi 49:38

«I ciinin Elam-nda, masa ndaa a simlacia ndaa, mì mingi kpɛŋɛ ni lemasaa lon.» Diom Mɛlɛka dimi-o co kon ni.

Esekiɛl 1:26

O ɲɛ tɛngɛ̀-tɛngɛ̀ va kon nda o bolle coo-o lekɔɔli, ɲɔɔ pum va lon velanndo a pow safir, vanáà ca ko ndu aa kpɛŋɛ lemasaa ni, ɲɔɔ pum va maa vanaciee o ɲɛ va kon maa kpɛŋɛ lemasaa-o coo.

Daniɛl 7:13

I va vundule len cɔu tuŋ icɔl kon, mí ca vɛlɛ ɲɔɔ pum hunɔɔ o yumbuyumboo nin, velanndo a Po vanacieo. Mó sɔɔnguu háá nɛɛ Bɛndu Yuu Masindɛ-Sindɔɔ va icali-a. Má kɔa a ndu Bɛndu Yuu kon o hɔl.

Daniɛl 7:22

háá telen Bɛndu Yuu Masindɛ-Sindɔɔ hin le yamɛi kiolɔɔ-o, mó ke vanaa diandaa Ó-Hiow-Ɲɔɔn-Kpow-vo-a di. Mɛɛ telenndo tiiya, mí vanaa diandaa sɔla masalen.

Misee 5:2

Lelan Mɛlɛka malnin vanaa ndɔa háá mì vanalanɔ bɛnda kon le violɔɔ-o velu. O kon mì puapilɛa ndɔa tɔ̀a vanin o biyɔɔ nin-nda muungu cuavaa Israɛlla tɔ̀a ikɛi.

Habakuk 1:12

Kɛ nɔm yɛ, vɛ̀ɛ̀ o co nɔm te co Mɛlɛka nuu le fɛɛn a fɛɛn te? Hala nuu, O-Diandaa nuu pɛɛn. N vinin o laan te few! Nɔm Mɛlɛka, nɔm hɛli Babilɔnnda ha le naa yamɛi kiolɔɔ ni. Nɔm Hala co tiindan nuu ni, nɔm vem nda le naa dɛnɛ palaa tuisio coo nuaa ni.

Matie 17:2

Mó mangalan nda o hɔl, mí hɔlla muungu ndu volio maa lepala, mí volɔɔla va ndu lekɔɔ lan la muungu lahumbu maa ɲɛ-tengaa.

Matie 28:3

Vanáà ce ndu pɛ aa piɔɔ-volia ni, volɔɔla va ndu lekɔɔ lan la va lahumbu few-few.

Marke 9:3

Mí volɔɔla va ndu lekɔɔ lan la muungu lahumbu few-few, vana tɔaa lavolɔɔ co o lɛŋnden coo mò dindi tɔɔ lende le.

Dɛnnda kiilaa 2:30

Kɛ vana-tɛɛngaa-diom Hala-o o yɔŋnun ni, ndóò sínà maa Hala óò cii nin ndu kpemaa yiilul maa vana pilɛ o polale ndɔlen nin va koma siŋnɔn masaa o fonda ndɔɔ.

Dɛnnda kiilaa 2:33

Mí Hala heelun ndu ikɛi, mó kɔ kɛsin ndu o ba kɛndɔɔ coo, mó sɔla Hala Kɔl-Diandaa, o Hala ndóò yii kpemaa-o pɛɛn. Mí ndu Yeesu sɛŋi naa ndu coo. Ndu niaa co cɔu mì la va tueyɔɔ sunsun nuaa ni.

Filipea 3:9

o kon mí siŋnun vana sandaa o ndu nin, kɛ o ve sandii fula ya pila nin le tɔŋnda ya bii lan te, kɛ sandii vana sɔla o Krista laalanndo-e. Sandii fula Hala o ba, mì i nɔ tumndo o laalanndo coo-e.

1Timote 6:16

Ndu pilɛ kpé co yoomu le fɛɛn a fɛɛn ni. Ɲɛ-tengaa o co nin-ndo, vana-vana nɔla mà sɔɔnguu ndu ikɛi le. Vana-vana ci vɔ Mɛlɛka le, nduyɛ vana nɔla mà ce ndu le. Màá o sɔla bɛɛlen a kpaaya fɛɛn-fɛɛndo! Amiina!

1Nsaŋ 1:5

Yoongu naa n tuei Yeesu Krista o sondo mí n va niaa ndu dimul-lo co hoo ni: Ɲɛ-tengaa Hala co ni, ɲumma co o ndu nin te.

Dɛnnda cɔɔmuanndan 1:14

Bollen a yiinde ndu o lebol i va ihumbu maa fengbɔ, vana ca kaa hala humboo ni. Hɔltan la va ndu maa yinnde biyaa,

Dɛnnda cɔɔmuanndan 19:18

haliko mi la de visin masaa, visin simlacia vanaa cɔwva, visin vanaa kpaayaa, visin soa a visin vanaa co o soa coo-a, visin vannda kpow, vanaa co o ba ndaa coo-a a cɛa, cuaambɔa a kaasonnda.»

Dɛnnda cɔɔmuanndan 20:4

Mí ca kpɛŋɛla lemasalan, mí vannda cal lecoo. Mí dio kennun nda le yamɛi kiolɔɔ. Mí ca kɔlta vanaa nda kili bolle le seile Yeesu len a le sɔɛi Hala-e-a, a vanaa ndáà beŋ vulan visio a tuula ndɔɔ o labɛngunin te-a, a ndáà sui pondalen o itendu a o baa le-a pɛɛn. Má muungu yoomu, má tosa masalen nda Krista-a latulu le vɔsilan vàá pilɛ.

Dɛnnda cɔɔmuanndan 4:2

Fɔ́ɔ́fɔ̀, mí Kɔl-Diandaa cua ya. Kpɛŋɛ lemasaa va o halataala, vanndo va icali o kpɛŋɛ kalaa nin.