Daniɛl 7:1 - BII BILA

¹ O vɔsi tase Baltasar va o masalen coo Babilɔn-ndo. Daniɛl va o kpele ndɔɔ coo, mó sɔl lɔan, mó ca vunduan o yiyan ndɔɔ nin. Mó sɛva lɔma ndɔma man,

Daniɛl 7:1 Iomraidhean Croise

O Kandɔɔ 15:1

Mí Mɛlɛka cɔmnun Abram o vundulen nin, mó dimul ndu aa: «Yɔŋ isiòòn te Abram. Ya co vana kanda nɔm-ndo ni, vɔ̀ngɔ̀ nɔmndo vanin o bɔɔ.»

O Kandɔɔ 46:2

Mí Hala soaa o ndu lo icɔllo, mó veelu ndu aa: «Yakɔb! Yakɔb!» Mí Yakɔb cɛl aa: «Yoo. I co nɔm lani.»

SƐBƐ YƆB-O 4:13

telen lɔma sɔlaan ma kela icɔl-lo, tuma diallon vu vanndacieea lɔ́ngùlɔn-ndo,

Esai 30:8

Lelan Esai, kɔ sɛva sɔɔn o pɛngɛi coo nda Israɛlla o hɔl, sɛva mun o sɛbɔɔ nin haliko mi n va seilen le siɔdii lacio háá le fɛɛn a fɛɛn.

Esai 8:1

Mí Mɛlɛka dimul-la aa: «Cua pɛngɛi bɛnduei ma sɛva lecoo a ɲɛ sɛvaa aa: ‹N keleŋan ɲɔɔn hiɔlɔɔ, n kɔ cuannun ɲɛm naa n puu o cɔwvo-on cɔ́-cɔ́!›

Yeremi 23:28

Vana-tɛɛngaa-diom Hala sɔl pɛ lɔma ndɔ, ndu cɔm vannda lɔma o sɔl-lan! Kɛ te i yɔngu ndu pɛ yoongoo pum, o bɛnda mò tɛɛnguu ndu lende kpafii!» Vana tuu billo a kullon te. Mɛlɛka dimi lende ni.

Yeremi 27:7

Vanaa-mangalaa-isɔɔa kpow a tosalnin ndu baalaa. O ndu kɔɔli, mà tosal po ndɔɔ a po ndɔ imamaa baalaa, háá mì telen vanaa-mangalaa-isɔɔa mayoomua a masaa bɛndua cannin, mà lueinun lɛŋnde ndɔlen o ba bɛngu-o tiiya.

Yeremi 36:32

Mí Yeremi cua sɛbɛ celen, mó yɔngu Baruk vana sɛvaa, po Neriya-o pɛɛn. Yeremi va sɔɛi, mí Baruk sɛva sɔɔn mun kpow, n va o sɛbɛ Yohoyakim masaa Yuda ndóò lom-ndo nin-ndon, a sɔɔn celen taw n velan a mun-ndon lecoo.»

Yeremi 36:4

Mí Yeremi veelu Baruk po Neriya-o, mí ndu Yeremi va sɔɔn Mɛlɛka ndóò dimul ndu-on kpow dimio, mí Baruk ndu va mun kpow sɛvaa o sɛbɛ simbulaa coo.

Esekiɛl 1:1

O vɔsi beleyàándɔɔ nin, paangii hiɔɔlundɔɛi va malɔ leŋuɛɛnu, i va vanaa ndáà kɔɛ o biyɔɔ nin-nda tɛɛn o peo Kebar kɔngɔ, mí halataalaa kumbin, mí Hala cɔm ya dɛnɔɔ pum o vundulen nin.

Esekiɛl 40:2

O vunduma ya va cɔu-van nin, mí cannun mí Mɛlɛka kɔa a ya o lɛŋnde Israɛl-ten nin, mó kɔ kɛsi ya o pembii vilɛi-vilɛiye coo, mí ca tangultan lapum a ba too lon maa cɛila vaa o kobi nin.

Daniɛl 1:17

Mí Hala ke felengia hiɔɔlua kan sinapɛngoo a dɛnɛ sinaa pɛɛkaa o sɔɛi mangalɛi a o kɔlkaloo nin. Daniɛl ndóò nɔla vɛlɛ vunduan a lɔma sɔlaan kɔlɔɔ sinaa.

Daniɛl 2:1

O vɔsi diinndɔɔ nin, o masale Nebukanɛsar len bɛngu, mí ndu Nebukanɛsar pila sɔl lɔan. Mí yiyan ndɔɔ laasian háá mó kpennda lahɔl.

Daniɛl 2:26

Mí Masaa ɲuna Daniɛl, o ndáà ke diolan aa Bɛlsasar-o aa: «A tiwba ma cɔm ya lɔma ya sɔl-lan a kɔlɔ ndɔɔ?»

Daniɛl 4:13

Kɔl ivanacieeyaa faŋannin ndu nin, mì kɔl ivisiyaa luɛi ndu nin, mò lo lende háá vɔsilan laŋɔmmɛw!

Daniɛl 4:5

O mɛɛlulan, mí Daniɛl nda ke diolan aa Bɛlsasar mɛɛ diola hala nuu pilɔɔ la co yɛ-o bɛɛ tiiya o ya lo. Daniɛl kon pɛɛn, o nɔ kɔlkalu halaa diandaa nin-ndo. Mí cɔm ndu lɔma ya sɔl-lan.

Daniɛl 5:1

Paale pilɛ, mí masaa Baltasar tuisi kafo bɛndoo le vanaa bɛndua. À va vannda vàá pilɛ. Mó kol mɔiyan vanaa kan o hɔl.

Daniɛl 5:22

Nɔm Baltasar, po ndɔ, a sina sɔɛi ken válán, kɛ a tuisin tootoo le.

Daniɛl 5:30

Icɔl kon, má dii Baltasar masaa Babilɔn.

Daniɛl 7:13

I va vundule len cɔu tuŋ icɔl kon, mí ca vɛlɛ ɲɔɔ pum hunɔɔ o yumbuyumboo nin, velanndo a Po vanacieo. Mó sɔɔnguu háá nɛɛ Bɛndu Yuu Masindɛ-Sindɔɔ va icali-a. Má kɔa a ndu Bɛndu Yuu kon o hɔl.

Daniɛl 7:15

«Ya Daniɛl, mí yiyan nuu laasian ya nin, mí hilul.

Daniɛl 7:7

O kon kɔɔli, mí va hiovɔɔ laci a vundule len cɔu, mí ca vɛlɛ visi celen, o hiɔɔlundɔɔ. Visi vueinanndo a visi nɔ kpaaya kɔndɔfillo-o pɛɛn. Ciŋun iciliŋun bɛndon va ndu o sondo. O va dioo a cuiyo, mó va ɲɛ tɔ̀ va lou-vo nɛwvo a labɛngu. O va teengen a visia tasea fula ndu laci-a, ndóò nɔ leelan tɔ́.

Daniɛl 8:1

«O vɔsi yàándɔɔ nin o masale Baltasar len bɛngu, ya Daniɛl, mí ca vundulen lepum o letasele ya ce len kɔɔli.

Amɔs 3:7

Lende koni i co ni, Maalii Hala tosa ɲɛ-ɲɛ mò kɛɛ vanaa ndɔa baalaa, vanaa-tɛɛngaa-diom Hala-a bulun dɛnɛ kon cɔm te.

Habakuk 2:2

Mì Mɛlɛka mulul-la aa: «Sɛva o ya co nɔm cɔmndo-o, sɛva ndu o pɛngɔn coo le mɛɛ vana tiwba ndu dimio vakpa yɛ.

Kundalan 12:6

Mó dimul nda aa: «La yaŋ-ndɔ nilan o sɔɛi ya co niaa dimul-le. Te vana-tɛɛngaa-diom Hala-o va pɛ niaa tɛɛn, o vundulen nin ya cɔmnun ndu ni, o lɔma sɔlaan nin ya soaa o ndu lo ni.

Rɔmnda 15:4

Nduyɛ, sɔɔn kɛ́-kɛ̀ n sɛvan lɔ́ɔ́ kon, le naa pɛɛkoo n sɛvan ni, haliko mi biuvɔnndo a yoomuma Sɔɛi Hala-e ke vana-an ma mala naa le kɔllo kɛsio.

2Korɛntea 12:1

Mɛɛ mì ya pila i kuundian, hali mì sɔla tɔnɔ o kuundian kon nin te. Sunsun, i co hunɔɔ isɔɔ a vunduma ya ce-an a á cɔmnɔn Mɛlɛka cɔmnun ya-o o kɔɔ.

Dɛnnda cɔɔmuanndan 1:19

Lelan sɛva ɲɛ n ce-o, o n co cɔu-vo a ɲɛ hun yɔŋnunnin o kon kɔɔli-o.

Dɛnnda cɔɔmuanndan 10:4

Mɛɛ taŋma ŋɔmmɛwma man ma deŋi, i va le ɲɛ ma dimi-o sɛvaa, kɛ mí tuɛi diomndo pum dimio o halataala aa: «Mandan sɔɔn taŋndan man ma dimi-on o kɔl, sɛva mun te.»