Daniɛl 6:3 - BII BILA

³ Mó kɛsi vanaa lebolla nda yáá, a masaa n'bungaa kan ndáà bɛnda le konaa downɔnndo-a, yɔŋii ndáà yii masa bɛndoo dúmbú. Daniɛl va vana pilɛ o vanaa lebolaa yáá-aa kan tɛɛn.

Daniɛl 6:3 Iomraidhean Croise

Ɛsdras 4:22

La cua sɔɛi ken balan tan tiɔn, la tosa lamamɔɔ a ndi le, yɔŋii dɛnɔɔ hiow laci a tambei mì tɔnɔ kon hɛlun vanaa bɛndua lelɛŋnda.»

Nehemi 7:2

Mí suili Hanani puapilɛ ni nda Hanania le hɔlten nɔu Yerusalɛm coo. Hanania kon va simlacinɔ cɛi vanaa cɔwva ni, Vana lo o lediom coo-o o va ni, ndóò nɔ siòòŋii Hala-e hiovɔɔ vanaa bɔɔ-bɔɔ coo.

Ɛstɛr 10:3

Mardosee Yuifinɔ va vana diinndɔɔ o masale Sɛrsɛs len nin ni. Yuifia ndáà nɔ bɛɛle Mardosee len taw-taw, ndóò hɛnan vɛlɛ vannda kpow. Kani o va baalaa le dɛnɛ kɛndɛ yungu ndɔɔ, mó va vɛlɛ sɔɛi le kɔlɲulu ndaa.

Talelan 17:27

Vana taasio tombola taw le, vana lew o isɔɔ loo co vana kɔlkaloo ni.

Talelan 22:29

A ce nin vana caa vali ndɔɔ taw-vo? Le masaa o tosanin vali ndɔɔ ni, o lonin ndu tosaa maa vanaa baalaa vannda sina le-a le.

Vana Kɔlkaloo 2:13

Mí ca maa kɔlkaloo co fisa a diɔmnde, mɛɛ ɲɛ-tengaa co fisa a ɲumndan yɛ.

Daniɛl 5:12

Mɛɛ kɔl kaamaa kon, dɛnɛ sinaa pɛɛkaa a sinapɛngoo le lɔma sɔlaan a vunduan tɛɛsiaa co Daniɛl kon nin yɛ, o nda ke diolan aa Bɛlsasar-o pɛɛn, veelu ndu mò cɔm nɔm sɛvaa ho a kɔlɔ ndɔɔ.»

Daniɛl 5:14

I tuei maa a nɔ kɔlkalu halaa, ɲɛ-tengaa a dɛnɛ sinaa, a nɔ kɔlkaloo hiovɔɔ ba.

Daniɛl 5:7

Mó yonda coocoo kpélén aa: «La veelul-la vanaa viamaa yavaa, vanaa mangalaa a vanaa soaa a loeon o kɔɔ-a!» Mí masaa dimul vanaa kɔlkalua kan Babilɔn aa: «Vana sina pɛ sɛvaa ho, mò cɔm ya kɔlɔ ndɔɔ, a vownin ndu volɔɔla báà kalala lemasalan, mà vow vɛlɛ yɔlɔn n'sianion ndu o labolo. I yɔngunin ndu fonda yàándɔɔ o masale nilen nin.»

Daniɛl 9:23

Tuma n va Hala tɛɛlɔnndo-o, mó dimul-la yoongoo pum le nɔm. Yoongu kon ya hin nɔm tɛɛngul ni. Hala kaola nɔm, a hɛnan ndu taw-taw. Lelan, bii yoongoo ho bila. Sina vundulen-nden pɛɛngu.