Daniɛl 5:3 - BII BILA

³ Má hun a taalala n'sianila nda cua o Cɛi-Hala-o nin Yerusalɛm-ndan. O kon, mí masaa Baltasar, vanaa bɛndua, laandaa ndɔa a sámáá ndɔa a kol mɔiyan o taalala lan nin.

Daniɛl 5:3 Iomraidhean Croise

2Dɛnnda lemasalan 36:18

Mí Nebukanɛsar cua ɲɛm baalan va o Cɛi-Hala-o nin-ndon kpow: n'bɛndon, n'pɔmbɔn, mó cua bolofaa va o Cɛi-Mɛlɛka-o nin-ndo, ó va masaa a vanaa ndɔa kúndàá o ba-o, mó kɔannun a ndu kpow Babilɔn.

Esai 5:14

Le hee, ciee-piɔ́m cɔɔlunin bololan pɛngɛla, o kumbinin sondoo mò kɔɛnnun a pɛngɛlanndo tɛngɛ̀-tɛngɛ̀. O kon, vanaa bɛndua o kobio Siɔn nin, a sɛ́lɛ́ bɛndu vɔkɔ-vɔkɔ co lenin-ndo toalnin latulu ciee-piɔ́m telen nda vanin vɔngaa a kɔlkɛndɔɔ-o.

Yeremi 50:28

La yaŋ nilan, niaa vanaa co ɲaanɔnndo le fulaa o lɛŋnde Babilɔn-nden nin-nda, a co vɔ yoomu-a, a co hunɔɔ dimio Siɔn aa: ‹Mɛlɛka Hala naa mingi màá nɔmndo, o mingi màá Cɛi-Hala diandaa ndɔɔ.›

Daniɛl 5:2

Ndóò ciiyo mɔima man kolɔɔ, mó dimi le ndu ɲɛm diandan n'sianion a ɲɛm diandan volin humbun Nebukanɛsar fuɲa ndɔ cua Yerusalɛm o Cɛi-Hala-o nin-ndon cuuo, haliko mi ndóò kol mɔiyan lenin nda vanaa bɛndua, laandaa ndɔa a sámáá ndɔa.

Daniɛl 5:23

Má simul Maalii co o halataala-o, má cua ɲɛm diandan va o cɛi ndɔɔ nin-ndon, má kol mɔiyan lenin niaa vanaa bɛndua nɔmnda, laandaa nɔmnda a sámáá nɔmnda. Mí la lisa piɔmaa cɔwnun a sianion, a volin humbon, a daɲan, a cilinndon, a yɔmnde a á powtan-nda. Piɔmaa niaa kan yɛ, a ci le, a tui le, a bii ɲɛ-ɲɛ bila le. Kɛ, má sooluu nda, má kɛɛ Hala nɔ yoomu nɔmndo a siɔdii nɔmndo o ba-o biiloo.

Daniɛl 5:4

Mɛɛ nda kol mɔiyan, má kandu piɔmaa nda cɔw a sianion, a volin humbon, a daɲan, a cilinndon, a yɔmnde a á powtan-nda lisaa.

Osee 2:8

Lelan, ya Mɛlɛka, i co ndu nɛiyo kinda laci a yɔɔn, i co ndu kpakio cɔvɔɔ laci. O ci lɛnin nɛi o vanin kɔlan coo-o le.

Habakuk 1:11

A cii lon pɛ, a hiow vɛlɛ laci maa hoeyii fùkù-fùkù, le kɔlan nɛɛ celen. Nda nda, kpaaya ndaa co hala ndaa ni, ndu nda tiindan ni.»

Malasi 1:12

Kɛ niaa co diola nilan solio o báà nin ni, mì la va dimio aa tabali Maalii-o co o nɔɔlɛiyo, o co naa kpeku solul te.

1Tesalonikea 5:3

Telen vannda vanin dimio aa: «Kɔlɲuloo tiw, n co nila ɲulo-o», o telen kon kpeekpei dɛnɛ palaa voolunin nda maa mɛɛ telen vialaa voolu vanalanɔɔ nuaa yɛ ni, a helunnin te.

Masaa kialaa n'yamaa 19:1

Tuma kon, masa ve o lɛŋnde Israɛl-ten nin te. Leviinɔɔ pum va icali o tàndá n'pembu Efraim-ndo mɛɛlulan, mó bii balufaa fulaa Bɛtlɛhɛm, o tàndá Yuda-o nin.