Daniɛl 3:4 - BII BILA

⁴ Mí vana yondaa heelu diomndo kpélén aa: «Niaa vanaa-mangalaa-isɔɔa a yungulan kpow, a niaa vanaa dimi sɔɔn mangalan yɛ́-yɛ́ɔn o lɛŋnden coo-a, la yaŋ nilan o sɔɛi masaa dimi-e.

Daniɛl 3:4 Iomraidhean Croise

Ɛstɛr 8:9

Paale len, paangii yàándɔɛi va malɔ bidiin a leyàá, má veelu vanaa sɛvaa masaa, má sɛval Yuifia, vanaa lebolla, masaa n'bungaa a simlacia va o tàndàla bidiinnda lan nin-nda, kandɔɔ Ɛnde, kɔlan tiiya háá Etiopii, tàndàla lan la va kɛmɛ bidiin a laŋɔmmɛw. Lende Mardosee ndóò dimi le tosaa ni. Má sɛwviaa sɛbɛlan, kobi oo kobi a sɛva ndɔ a o sɔɛi mangalɛi vannda ndáà dimi lon-nde nin, má sɛval vɛlɛ Yuifia o sɛva ndaa a o sɔɛi ndɛi mangalɛi nin.

Esai 40:9

Niaa vannda Siɔn, la hel o pembii vilɛi-vilɛiye coo le yoongu kɛndɔɔ yondaa. Niaa co Yerusalɛm-nda, la deŋi a yoomuma niaan kpow le yoongu kɛndɔɔ yondaa. La heelu diomndan, la yɔŋ isiòòn te. La dimul kobilan o tàndá Yuda-o nin aa: «La tofa vɔ Hala niaa!»

Esai 58:1

Deŋi coocoo kpélén a yoomuan, mei le dɛ! Kungula diomndo maa diom bulu, mà yondal vanaa niaa le yɔŋ vɔɔn ndaa, mà cɔɔmul cuavaa Yakɔb-a hakila ndalan!

Daniɛl 3:10

Nɔm masaa pila dimi ni maa vana-vana tuei pɛ buloo, sɛ̀ŋnden, bangaa, koelelen, bondomaa, boosei a ɲɛm-caan súú-súù ka diom, o bɛnda mò tundun mo sooluu piɔm n'sianio.

Daniɛl 3:3

Mí masaa latàndàá, vanaa va masa bɛndoo ikɛi-ya, vanaa kialaa n'yamaa, masaa n'bungaa, vanaa mandaa bolofaa a vanaa bɛndua kpow cuungian, má kɔ sim piɔm kon o hɔl le ndu kandɔɔ sooloo.

Daniɛl 3:7

Le hee, mɛɛ vannda tuei buloo, sɛ̀ŋnden, bangaa, bondomaa, boosei a ɲɛm-caan súú-súù ka diom, má tundun, má sooluu piɔm n'siani masaa cɔw kon-ndo.

Daniɛl 4:1

«Ya Nebukanɛsar, i vannun icali yili o ya lo cɛinin, i va a kɔlkɛndɔɔ o cɛi ni lemasaa nin.

Daniɛl 4:14

Sɔɛi fula mɛlɛkaa Hala-a o sondo-e i co hee ni, ɲaa yoomaa diandaa pɛɛn, haliko mi vanndacieea kpow a sina maa Ó-Hiow-Ɲɔɔn-Kpow-vo masalen o ceendo coo le co o labɛngunin ni. Vana o yeema pɛ le masalen yɔngoo, o yɔngu ndu. O tiwba mò heelu vana hiow dɔɔnanndo vannda o hɔl-lo.»

Daniɛl 6:25

Mí masaa yɔngu diomndo le vanaa lɔlu Daniɛl-la biyɔɔ a le nda viovɔɔ o soon yàlàá nin, nda pila, laandaa ndaa a cuavaa ndaa. Mɛɛ nda viow nda, a tiiya bɛɛ o soondo tumndo le, mí yàlàà kan kpuwviaa nda, má sɛɛsiaa nda.

Osee 5:11

Cuavaa-imamaa Efraim-nda co kpukpaa sɔlaa. Ɲɛm va le nda-on hɛlun nda, kani a co kiltan ɲɛm fondon kɔɔli.

Misee 6:16

La delnin tɔɔmaselela vɔɔnnda Ɔmri lan kɔɔli, la delnin kelala yungu Akab po ndɔ lan kɔɔli. O silala ndalan coo niaa co kelaa ni. Lelan ya bɛɛ, i co hunɔɔ kobi niaa piɔlɔɔ vɔ́-vɔ́! I tosanin mì vannda mam niaa vanaa co icali lenin-nda, mì siɛmbula bii vanaa nia lan la bii niaa mɔ́ɔ̀yɔ̀ɔ̀.»

Dɛnnda cɔɔmuanndan 5:9

Ma va condii sɛnɛiye solio aa: Nɔm bɛnda ni mà bii sɛbɔɔ ho, mà tɛɛmbuu tɔɔmaselela co lecoo lan, mà kumbi ndu. Kani a sɔla piɔ́mndo, má baŋa vanaa fula o polama yɛ́-yɛ́an nin-nda, vanaa-mangalaa-isɔɔa súúlan kpow, a vanaa fula o lɛŋii yɛ́-yɛ́i nin-nda a kooma nɔmndan le Hala,