Daniɛl 2:4 - BII BILA

⁴ Mí vanaa viamaa yavaa kan mulul masaa o aramei nin aa: «Masaa, màá viow yoomu fɔ́! Dimul buɛyaa nɔmnda lɔma n sɔl-lan. O kon, mì n cɔm nɔm kɔlɔ ndɔɔ.»

Daniɛl 2:4 Iomraidhean Croise

O Kandɔɔ 31:47

Mí Laban ke fonda kon diolan aa: Yekar-Sahaduta (kon co dimio o aramei nin ni aa «Kunda lapow leseiyo»). Mí Yakɔb ndu ke ndu diolan aa: Kalɛd (kon co dimio o hebrei nin ni aa kunda lapow leseiyo).

O Kandɔɔ 41:8

Idiiyo, mó va buulanndo taw, mó veelu vanaa viamaa yavaa a vanaa kɔlkalua Esipte kpow, mó tombolal nda lɔma sala tiɔmma o sɔl man-ndan. Kɛ vana pilɛ bɛɛ nɔ́lá ndu kɔlɔ lɔma sɔlaama man tɛɛsiallo le.

1Masaa 1:25

Kani o tol hau, mó diw cɔlua taw-taw: navaa tovaa, navaa téndéa celulaa a saa. Mó veelu cuavaa nɔmnda kpede a simlacia vanaa cɔwva, mó veelu vɛlɛ Abiatar vana-solia-lasálàá. A co dioo a kolɔɔ lon ndu o hɔl, a co yoondiaalan aa: ‹Màá masaa Adoniya viow yoomu!›

1Masaa 1:31

Mí Bat-Seba tundun, mó baŋ vulan masaa o labɛngunin, mó tundu hɔlla lɛŋ. Mó dimi aa: «Masaa, màá vá yoomu le fɛɛn a fɛɛn!»

2Masaa 18:26

O kon, mí Eliakim po Hilkiya-o, Sɛbna a Yoa a dimul bolle vanaa yɔngù masaa Asiri mɔiyan-nda aa: «Yandi, soo o naa buɛyaa nɔmnda lo o aramei nin, kani n tuɛi sɔɛi ken. Kɛ soaa o naa lo o sɔɛi mangalɛi Yuda nin te, yɔŋii vanaa co o kpakio coo-a sina sɔɛi naa n co-e.»

Ɛsdras 4:7

O masale Artasɛrsɛs len bɛngu bɛɛ, mí Bislam, Mitredat, Tabeɛl a caaŋaa ndaa tɔ̀a sɛval Sɛrsɛs masa Pɛrsea sɛbɔɔ. O aramei nin a o sɛva Aramiia nin ndáà sɛva ndu ni.

Nehemi 2:3

O kon mí mulul masaa aa: ‹Masaa, màá va yoomu le fɛɛn a fɛɛn! Kɛ vɛ̀ɛ̀ ya kɛɛ yɛnin kɔllo itambu? Kobi sɛila fuɲaa nia imamaa la co nin-ndo tambu, yinnden le lom koŋnda ndɔlan.›

Esai 36:11

Mí Eliakim, Sɛbna a Yoahse a dimul bolle vanaa yɔngù ndu masaa Asiri mɔiyan-nda aa: «Soo o buɛyaa nɔmnda lo o aramei nin, kani n tuɛi ndi válán, kɛ soaa o naa lo o hebrei nin te, yɔŋii vanaa co haa o kpakio coo-a tuei ɲɛ n co dimio-o.»

Esai 44:25

I tɛɛmbuu tɔɔmaselela vanaa-tɛɛngaa-diom halaa lacòòvaa. I hiŋ vanaa dimi siɔdii lacio-a bolle. I ɲindu vanaa kɔlkalua aa makɔɔ, mí siinguu kɔlkalu ndaa diɔmnde.

Daniɛl 1:4

Felengia kan ndáà bɛnda mì ndáà va n'namta le, mì ndáà naŋ hɔlla, mì ndáà nɔ taasio, mì ndáà pɛ a kɔlkaloo, a dɛnɛ sinaa a á sinapɛngoo, haliko mi ndáà nɔla baalaa tosaa o cɛi lemasaa nin. Ndáà bɛnda mi ndáà pɛɛku nda sɛva Kaldea a sɔɛi ndɛi mangalɛi.

Daniɛl 2:7

Mí vanaa viamaa yavaa mulul vɛlɛ masaa aa: «Masaa, dimul buɛyaa nɔmnda lɔma n sɔl-lan, mì n cɔm nɔm kɔlɔ ndɔɔ.»

Daniɛl 3:9

má dimul ndu aa: «Òó masaa, màá viow yoomu fɔ́!

Daniɛl 4:19

nɔm pila ni masaa! A siŋnun vana bɛndoo a vana kpaayaa. Tɔ́ɔ́ nɔmndo tiiya háá o halataala, vanabɛnduyɛi nɔmnde tiiya háá nɛɛ lɛŋnden le mɛɛlu-a.

Daniɛl 4:7

I va o kpele nuu coo, mí ca vunduan man: Yɔm bɛndu-bɛndoo va isisi o lɛŋnden tɛɛn.

Daniɛl 4:9

Pei ndɔɛi ndíì naŋ o tofaa, ndóò kom kɔmnden pila. Ɲɛ-ɲɛ ka va baloo dɔwnɔnndo a yɔm kon. Visia va hunɔɔ pɛngio o vunduma ndɔan bɛngu, yowva va vɛɛnde tangullo o lɛvun ndɔn coo, ɲɛ-ɲɛ yoomaa va baloo dɔwnɔnndo a yɔm kon.

Daniɛl 5:10

Mɛɛ kalaa masaa tuei sɔɔn mun, mó hun o cɛi kafo kon nin, mó dimul masaa aa: «Òó masaa, màá viow yoomu fɔ́! Yiyan nɔmndo laasian te. Kɔɔle nɔmnden le mangalan te.

Daniɛl 5:8

O kon, mí vanaa kɔlkalua va o ba masaa bɛngu-a kpow a sɔɔnguu, kɛ o pilɛ bɛɛ tiwba le sɛva kon a kɔlɔ ndɔɔ masaa tɛɛsiallo le.

Daniɛl 6:21

Mɛɛ o va sɔɔnguuo o soon kon ikɛi, mó veelu Daniɛl coocoo a mɔnɛi. Mó ɲuna ndu aa: «Daniɛl! Vana baala Hala yoomaa, vɛ̀ɛ̀ Hala nɔm n co baalaa tosallo lɔ́ɔ́-lɔ́ɔ̀-o tiw pá ba nɔm baŋaa yàlàá o ba?»

Daniɛl 6:6

Mí langbaa kan dimulan aa: «N seelunnin nɛi oo nɛi le ndu lɔlɔɔ le, fɔ mì n saalun dɔ́ɔ́ o pilɛ o tɔŋnda Hala ndɔɔ nin dɛ!»

Daniɛl 6:7

Mí vanaa lebolla a masaa n'bungaa cɛlan, má kɔa o masaa Darius lo, má dimul ndu aa: «Òó masaa Darius, màá viow yoomu fɔ́!

Matie 21:9

Mí sɛ́lɛ́ bɛndu va ndu laci a ndu kɔɔli-o va kɔlan a yondaa aa: «Biiloo co le Po David-o! Biiloo co le vana co hunɔɔ o diola Mɛlɛka lan-ndo! Biiloo co le Hala o halataala!»

1Samiɛl 10:24

Mí Samiɛl dimul vannda kpow aa: «La tofa vɔ vana Mɛlɛka hɛli-o, ndu co hoo ni. O velan a vana-vana o niaa tɛɛn te.» Mí vannda kpow deŋi a ɲaaloo, má dimi aa: «Màá masaa viow yoomu!»