Daniɛl 2:2 - BII BILA

² Mó viam vannda le vanaa viamaa yavaa, vanaa soaa a loeon o kɔɔ-a, mandea a vanaa mangalaa súúlan kpow veeloo, haliko mi ndáà hun cɔm ndu lɔma o sɔl-lan. Mɛɛ nda hin, má cɔmnun ndu.

Daniɛl 2:2 Iomraidhean Croise

O Kandɔɔ 41:8

Idiiyo, mó va buulanndo taw, mó veelu vanaa viamaa yavaa a vanaa kɔlkalua Esipte kpow, mó tombolal nda lɔma sala tiɔmma o sɔl man-ndan. Kɛ vana pilɛ bɛɛ nɔ́lá ndu kɔlɔ lɔma sɔlaama man tɛɛsiallo le.

Ɛstɛr 1:13

Le hee, mí masaa ɲuna silaa o vanaa kɔlkalua sina sɔɔn tɔŋndon-nda lo, kani lende sɔɔn masaa mun dimin vanaa sina tɔŋndo-a a vanaa dimi sɔɔn sandan-nda tɛɛn ni.

Fulaa 7:11

Mɛɛ Faraɔnnɔɔ ce dɛnɛ kon, mí ndu bɛɛ veelu vanaa ndɔa mangalaa. Mɛɛ nda hin, mí nda bɛɛ tosa lende a kpaaya nda mangalaa.

Esai 19:3

Yiyan Esiptea laasiannin nda tɛɛn. I laasiaanin sɔɔn lelɛŋun ndan. A kɔanin ma kɔ sooluu piɔmnda, ma kɔ viom yavalan o mandea lo, o vanaa suukan a vanvílɛ́iya-a lo a o vanaa dimi siɔdii lacio-a lo.

Esai 8:19

Taa dimul niaa pɛ aa: ‹La kɔ ɲuna vanaa suukan a vanvílɛ́iya-a, vanaa viamaa yavaa, vanaa soaa tootoo a ciŋndon sɔsaa-a, mà dimi aa hala vannda nɔ pɛ o co hala kon te nda piɛi le, o va bɛɛ aa o vanvílɛ́iya lo nda soaa le dɛnɛ kɛndɛ vanaa co yoomu-a ni›, la mulul nda aa:

Daniɛl 1:20

Lɔ́ɔ́-lɔ́ɔ̀ masaa ndóò ɲuuniaa nda pɛ o sɔɔn dɛnɛ sinan a o sɔɔn kɔlkalon coo, ndóò ce maa ndáà hiow vanaa mangalaa a vanaa viamaa yavaa va o lɛŋnde ndɔlen nin-nda kpow bɛmbɛ tɔ́.

Daniɛl 1:4

Felengia kan ndáà bɛnda mì ndáà va n'namta le, mì ndáà naŋ hɔlla, mì ndáà nɔ taasio, mì ndáà pɛ a kɔlkaloo, a dɛnɛ sinaa a á sinapɛngoo, haliko mi ndáà nɔla baalaa tosaa o cɛi lemasaa nin. Ndáà bɛnda mi ndáà pɛɛku nda sɛva Kaldea a sɔɛi ndɛi mangalɛi.

Daniɛl 2:10

Mí vanaa viamaa yavaa mulul Nebukanɛsar aa: «Masaa, o ceendo coo, vana-vana nɔla ɲɛ n co ɲunaa-o tosa le. Nduyɛ, masa oo masa, o va bɛɛ o bɛndu, mò nɔ kpaayaa taw, o ɲuna vɔ vanaa viamaa yavaa, vanaa soaa a loeon o kɔɔ-a a vanaa mangalaa súú-súù le dɛnɛ vaa nuaa tosaa le.

Daniɛl 2:27

Mí Daniɛl muli aa: «Masaa, dɛnɛ n yeema le sinaa-o, vanaa kɔlkalua, vanaa soaa a loeon o kɔɔ-a, mandea a vanaa mangalaa súúlan kpow a nɔla nɔm ndu tɛɛsial te.

Daniɛl 3:8

O telen pilɛ kon bɛngu, mí Babilɔnnda pum kɔ lɔalu Yuifia o masaa Nebukanɛsar lo,

Daniɛl 4:3

Mí yɔngu diomndo le ya vanaa kɔlkalua o lɛŋnde Babilɔn-nden nin kpow cuuo, haliko mi ndáà cɔm ya kɔlɔ lɔma yáà sɔl man-ndan.

Daniɛl 4:6

Mí dimul ndu aa: ‹Bɛlsasar, bolle vanaa mangalaa, i sina maa a nɔ kɔlkalu halaa diandaa nin, nduyɛ dɛnɛ viannan súú-súù kindu a nɔm te. Tofa vɔ lɔma ya sɔl-lan, cɔm ya kɔlɔ ndɔɔ.

Daniɛl 5:7

Mó yonda coocoo kpélén aa: «La veelul-la vanaa viamaa yavaa, vanaa mangalaa a vanaa soaa a loeon o kɔɔ-a!» Mí masaa dimul vanaa kɔlkalua kan Babilɔn aa: «Vana sina pɛ sɛvaa ho, mò cɔm ya kɔlɔ ndɔɔ, a vownin ndu volɔɔla báà kalala lemasalan, mà vow vɛlɛ yɔlɔn n'sianion ndu o labolo. I yɔngunin ndu fonda yàándɔɔ o masale nilen nin.»

1Samiɛl 6:2

O mɛɛlulan, mí Filistia ɲuna vanaa-solia-lasálàá a vanaa viamaa yavaa aa: «Vɛ̀ɛ̀ naa n tosa yɛ kpeekpei le kesu kpema Mɛlɛka-o ho? La cɔm naa mɛɛ naa n bɛnda le ndu mingio o fonda ndɔɔ yɛ.»