Daniɛl 1:4 - BII BILA

⁴ Felengia kan ndáà bɛnda mì ndáà va n'namta le, mì ndáà naŋ hɔlla, mì ndáà nɔ taasio, mì ndáà pɛ a kɔlkaloo, a dɛnɛ sinaa a á sinapɛngoo, haliko mi ndáà nɔla baalaa tosaa o cɛi lemasaa nin. Ndáà bɛnda mi ndáà pɛɛku nda sɛva Kaldea a sɔɛi ndɛi mangalɛi.

Daniɛl 1:4 Iomraidhean Croise

O Kandɔɔ 41:46

Ndóò nɔ vɔsilan beleyaa telen nda hin a ndu o Faraɔnnɔɔ lo-o, masaa Esipte pɛɛn. Mó faŋan o bɛ́ɛ̀ lemasaa nin, mó kɔa lɛŋnde Esipte len kpow balɔɔ.

2Samiɛl 14:25

O Lɛŋnde Israɛl-ten nin kpow, vana-vana ndóò tiiya hɔlla naŋɔɔ maa Absalɔm te. Kandɔɔ o bɛngu kɔllo helɔɔ háá o lebol, ndóò nɔ isɔw le.

Talelan 22:29

A ce nin vana caa vali ndɔɔ taw-vo? Le masaa o tosanin vali ndɔɔ ni, o lonin ndu tosaa maa vanaa baalaa vannda sina le-a le.

Vana Kɔlkaloo 7:19

Kɔlkaloo tiwba mò ke vana kɔlkaloo kpaayaa, mò hiow masaa n'bungaa n'van tɔ́a co masalen tosaa o kobio ndu pilɛ nin-nda.

Esai 36:11

Mí Eliakim, Sɛbna a Yoahse a dimul bolle vanaa yɔngù ndu masaa Asiri mɔiyan-nda aa: «Soo o buɛyaa nɔmnda lo o aramei nin, kani n tuɛi ndi válán, kɛ soaa o naa lo o hebrei nin te, yɔŋii vanaa co haa o kpakio coo-a tuei ɲɛ n co dimio-o.»

Yeremi 5:15

Mí Mɛlɛka dimi aa: «I co vanaa-mangalaa-isɔɔa cuu fulaa nɛɛ levil, má hun del niaa coo, niaa yungu Israɛl-lo pɛɛn. Vanaa-mangalaa-isɔɔa kpaayaa nda co ni, a masindɛa pɛɛn. Vanaa niaa sina sɔɛi ndɛi le-a, a niaa bii sɔɛi ndɛi bila le-a.

Daniɛl 2:10

Mí vanaa viamaa yavaa mulul Nebukanɛsar aa: «Masaa, o ceendo coo, vana-vana nɔla ɲɛ n co ɲunaa-o tosa le. Nduyɛ, masa oo masa, o va bɛɛ o bɛndu, mò nɔ kpaayaa taw, o ɲuna vɔ vanaa viamaa yavaa, vanaa soaa a loeon o kɔɔ-a a vanaa mangalaa súú-súù le dɛnɛ vaa nuaa tosaa le.

Daniɛl 2:2

Mó viam vannda le vanaa viamaa yavaa, vanaa soaa a loeon o kɔɔ-a, mandea a vanaa mangalaa súúlan kpow veeloo, haliko mi ndáà hun cɔm ndu lɔma o sɔl-lan. Mɛɛ nda hin, má cɔmnun ndu.

Daniɛl 3:8

O telen pilɛ kon bɛngu, mí Babilɔnnda pum kɔ lɔalu Yuifia o masaa Nebukanɛsar lo,

Daniɛl 4:7

I va o kpele nuu coo, mí ca vunduan man: Yɔm bɛndu-bɛndoo va isisi o lɛŋnden tɛɛn.

Daniɛl 5:11

Langbanɔ pilɛ co o masale nɔmnden nin, o nɔ kɔlkalu halaa diandaa nin. O paale fuɲa nɔmnden, mí n ca ndu ɲɛ-tengaa, dɛnɛ sinaa a kɔlkalu velan a kɔlkalu halaa-o nin. Lelan, mí Nebukanɛsar fuɲa nɔm kɛsi ndu bolle vanaa viamaa yavaa, vanaa soaa a loeon o kɔɔ-a, mandea a vanaa mangalaa súúlan kpow.

Daniɛl 5:7

Mó yonda coocoo kpélén aa: «La veelul-la vanaa viamaa yavaa, vanaa mangalaa a vanaa soaa a loeon o kɔɔ-a!» Mí masaa dimul vanaa kɔlkalua kan Babilɔn aa: «Vana sina pɛ sɛvaa ho, mò cɔm ya kɔlɔ ndɔɔ, a vownin ndu volɔɔla báà kalala lemasalan, mà vow vɛlɛ yɔlɔn n'sianion ndu o labolo. I yɔngunin ndu fonda yàándɔɔ o masale nilen nin.»

Daniɛl 9:1

«O vɔsi tase Darius, po Sɛrsɛs fula Medii-o sul masaa o lɛŋnde Babilɔn-nden coo-o,

Sakari 2:4

Mí ɲuna aa: ‹Yɛɛ nɛ nda nda co yɛ hunɔɔ tosa?› Mó mulul-la aa: ‹Sumnda ha hin le vanaa-mangalaa-isɔaa kundu tàndá Yuda-o a leela ndalan, mà puusiaa vanndacieea-a vueinɔnndo a le leela ndala lan yimio ni.›

Dɛnnda kiilaa 7:20

O telen kon nda velu Moise ni, ó va salama kɛndɔɔ Hala o hɔl-lo. Paangon mún yáá, a va ndu mandaa o fuɲa ndɔ lo cɛinin.

Dɛnnda kiilaa 7:22

O kon mí Moise pɛɛku dɛnɛ sinaa Esiptea kpow, mó siŋnun vana kpaayaa o sɔɔn ndɔn a o dɛnnda ndɔlan nin.

Efɛsea 5:27

Kani ndu pila ndóò yeema mì ndóò ce kunda vanaa laalannda o diandaa, o biilu ndɔ bɛndoo nin, o ve a isɔw le, o ve a sɔŋ te, o ve o ɲɔfɔliaa le, te kon te tambii súú oo súù.

Masaa kialaa n'yamaa 8:18

O kon kɔɔli, mí Sedeɔn ɲuna niko Seba nda Salmunna aa: «Vɛɛ nɛ vanaa niaa diw Tabɔr-a va yɛ súú?» Má muli aa: «Niaa ndaa velanndo pila niaa velan ni, vanáà ce pɛ nda aa cuavaa lemasaa ni.»