Daniɛl 1:2 - BII BILA

² Mí Maalii mal Yehoyakim ndu o ba. Mó mal vɛlɛ Nebukanɛsar ɲɛm diandan va o Cɛi-Hala-o nin-ndon n tiŋ cuaa. Mó kɔannun a mun o lɛŋnde Sinear len nin, mó kɔ kɛsi mun o cɛi mandaa bolofaa halaa ndɔa nin.

Daniɛl 1:2 Iomraidhean Croise

O Kandɔɔ 10:10

Kobila lebolta o tosa masale ndɔlen coo lan la va Babɛl, Erɛk, Akad a Kalnee ni. O lɛŋnde Sinear len nin la va ni.

O Kandɔɔ 11:2

Mɛɛ nda faŋan a ba paalen le can-ndo, má va kɔlan, má komal dɛngbɛ bɛndu-bɛndoo pum o lɛŋnde Sinear len nin, má kila dɔ́ɔ́ngɔ́ɔ̀ lon.

2Masaa 24:1

Tuma Yehoyakim va masaa Yuda-o Nebukanɛsar masaa Babilɔn hun luɛi a cɔwvo o tàndá Yuda-o nin ni. Mí Yehoyakim luɛi ndu o ba bɛngu le vɔsilan tan yáá, kɛ mó can vɛlɛ mó simul Nebukanɛsar.

2Dɛnnda lemasalan 36:5

Yehoyakim ndóò nɔ vɔsilan bidiin a laŋuɛɛnu, mó siŋnun masaa. Mó tosa masalen vɔsilan tɔ́ a ò pilɛ Yerusalɛm. Mó tosa ɲɛ bɛnda Mɛlɛka Hala ndɔɔ o hɔl too.

2Dɛnnda lemasalan 36:7

Mó cua vɛlɛ ɲɛm baalan va o Cɛi-Mɛlɛka-o nin-ndon, mó kɔannun a mun Babilɔn. Mó kɔ kɛsi mun o cɛi lemasa ndɔɔ nin.

Ɛsdras 1:7

Mí masaa Siris ndu viam vannda má kɔ cua ɲɛm valin va lɔ́ɔ́ kon o Cɛi-Mɛlɛka-o nin-ndon, n Nebukanɛsar ndóò kɔ cua Yerusalɛm mí ndóò kɛsi mun o cɛi máán halaa ndɔa nin-ndon pɛɛn.

Esai 11:11

O palɛi ken nin, Maalii siɛndinin vɛlɛ ba ndɔɔ o diinndɔɔ le vanaa ndɔa tɔ̀a lonin-nda baŋaa, a co a saŋnannda Asiri, Esipte, Patrɔs, Etiopii, Elam, Sinear, Hamat a o tiŋnda co o mɛmma ihɛllan tɛɛn-ndan nin-nda.

Esai 42:24

Nɛ̀ɛ́-nɛ̀ tosa yɛ ma poondiaa Yakɔb ɲɛm ndɔn o ba? Nɛ̀ɛ́-nɛ̀ mal lɛ Israɛl vanaa delaa coo-a o ba? Vɛ̀ɛ̀ o co Mɛlɛka le tosa kon te? Kani hakio naa n cua a ndu ni. Vannda cɛl le kelaa o nɛila ndɔlan coo le, a yeŋ nilan o tɔŋ ndɔɔ le.

Yeremi 25:1

Vɔsi hiɔɔlundɔ Yehoyakim po Yosia-o va masalen tosaa Yuda-o yɔŋnun vɔsi tase Nebukanɛsar kandu masalen tosaa-o ni. Mí Mɛlɛka soaa o Yeremi lo a vannda Yuda kpede o kɔɔ.

Yeremi 27:16

Mí dimul vanaa-solia-lasálàá a vannda kpow aa: «Mɛlɛka dimi aa: ‹La yaŋ vanaa-tɛɛngaa-diom halaa niaa co niaa diom halaa tɛɛngullo-a nilan te. A co niaa dimullo aa o lo cobe mà cua ɲɛm-laandun Cɛi-Hala-n ndáà yɛɛ Babilɔn-ndon, mà muungu a mun. Còòlan kposon sɔɔn mun co ni.

Yeremi 28:3

Nanu a vɔsilan tan tiɔn, i co ɲɛm-laandun va le Cɛi-Hala-on mingi o fondaa ho, n masaa Nebukanɛsar ndóò soli, mó kɔannun a mun Babilɔn-ndon.

Yeremi 35:11

Kɛ telen Nebukanɛsar masaa Babilɔn del lɛŋnden coo a cɔwvo-o, mí n ca maa o va fisa mí naa n kɔɛ Yeresalɛm, haliko mi n hɛlun vanaa cɔvaa Babilɔnnda a Aramiia. O telen kon mí n kɔ cal Yerusalɛm ciee.»

Yeremi 50:2

La yondal vanaa-mangalaa-isɔɔa sɔɛi he, la heelu lɛfɛ landaa haliko ma bii bila. La yonda ndi, la vian ɲɛ-ɲɛ le! La dimi aa: «Babilɔn biinun, siɛmbulan la bii piɔmaa ndɔa, mì siòòŋii bɛnduei bii halaa ndɔa fondoa. Siɛmbulan la bii Bɛl, a toɲa, Merodak vi diallon.

Yeremi 51:44

Mɛlɛka dimi aa: ‹I co Bɛl piɔm Babilɔnnda simul, mì tosa mò tufu ɲɛ o co miolɔɔ-o. Vanaa-mangalaa-isɔɔa ve lɛnin ifili-filiei lon te. Kpakio Babilɔn komba.

Daniɛl 5:13

O kon, má hun a Daniɛl o masaa lo. Mí masaa ɲuna ndu aa: «Nɔm co Daniɛl fula o vanaa nda hin o biyɔɔ nin-nda tɛɛn-ndo ni, a fuɲa nuu hin fulaa Yuda-a?

Daniɛl 5:18

Òó masaa! Mí Hala-Hiow-Ɲɔɔn-Kpow-vo yɔngu Nebukanɛsar fuɲa nɔm masalen, vanabɛnduyɛi, bɔɔbɔɔyɛi a biiloo.

Habakuk 1:16

Le hee, nda co yalala ndalan sálàlan solullo, mà va ansan lomɔɔ le kayala ndala lan ni, kani lan la co nda baloo yɔngoo, mà va ɲɛdiaa sɔvɛɔ dioo ni.

Sakari 5:11

Mó mulul-la aa: ‹O lɛŋnde Sinear len nin nda co kɔlan a ndu ni, le ndu Cɛi-Diandaa tengullo lon. Te cɛi kon cuu pɛ tangul, a kɛsi niko kambɛi kalaa lon o fonda ndɔɔ.›»

Tɔŋ miingua 32:30

Vɛɛ nɛ vanndo ndu pilɛ ndóò nɔla yɛ mì ndóò tow vannda vàá pilɛ? Vɛɛ nɛ vannda nda ŋiɔn ndáà nɔla yɛ mì ndáà tow vannda vaalan tɔ́, te pow kpova ndaa ndóò vɔngul nda le, te Mɛlɛka ndóò mel nda nda o ba le?

Masaa kialaa n'yamaa 2:14

Mí Mɛlɛka tuulu kɔl a Israɛlla, mó mal nda vanaa del vannda coo-a o ba, má del nda coo, má poondiaa ɲɛm ndan, má pisi nda yaamɔaa ndaa balu nda-a o ba, a nɔla nda simullo le.

Masaa kialaa n'yamaa 3:8

Mí Mɛlɛka tuulu kɔl a Israɛlla, mó mal nda Kusan-Riseataim masaa Mesopotamii o ba. Vɔsilan tan ŋɔmaa a va ndu o ba o cɛlen nin.

Masaa kialaa n'yamaa 4:2

Mí Mɛlɛka mal nda Yabin o ba, masa Kanannɔ va icali Hatsɔr-o. Vana va vanaa ndɔa cɔwva bollen-ndo va Sisera ni, Harosɛt-Koyim calta ndɔlan la va ni.

1Samiɛl 5:2

má kɔ luei ndu o cɛi máán Dakɔn piɔm ndáà nɔ-o nin, má kɔ kɛsi ndu Dakɔn kon ikɛi.