Daniɛl 1:1 - BII BILA

¹ O vɔsi yàándɔɔ nin, o masale Yehoyakim va masaa o tàndá Yuda-o coo len bɛngu, mí Nebukanɛsar va masaa Babilɔn-ndo hinul Yerusalɛm, mó tiila ndu.

Daniɛl 1:1 Iomraidhean Croise

2Masaa 23:36

Yehoyakim ndóò nɔ vɔsilan bidiin a laŋuɛɛnu mó siŋnun masaa. Mó tosa masalen vɔsilan tɔ́ a ò pilɛ. Yerusalɛm calta ndɔlan la va ni. Sebuda cua Pedaya fula Ruma-o va kala ndɔ ni.

2Masaa 24:13

Mí Nebukanɛsar cua bolofaa va o Cɛi-Mɛlɛka-o nin a o cɛi lemasaa nin-ndo kpow, mó mulin mó pesipesi ɲɛm-laandun solia lasálàn n'sianin Salomɔn masaa Israɛl ndóò toosiaa, mí ndóò kɛsi o Cɛi-Mɛlɛka-o nin-ndon kpow mɛɛ Mɛlɛka ndóò dimi yɛ.

Esai 39:7

Vannda biinin poaa nɔmnda, a fula nɔm o ipulu-a a n velu-a, mà siinguu nda vanaa baalaa o masaa Babilɔn-ndo cɛinin!»

Yeremi 25:1

Vɔsi hiɔɔlundɔ Yehoyakim po Yosia-o va masalen tosaa Yuda-o yɔŋnun vɔsi tase Nebukanɛsar kandu masalen tosaa-o ni. Mí Mɛlɛka soaa o Yeremi lo a vannda Yuda kpede o kɔɔ.

Yeremi 35:1

O telen Yehoyakim po Yosia masaa Yuda va masalen tosaa-o, mí Mɛlɛka soaa o Yeremi lo, mó dimul ndu aa:

Yeremi 35:11

Kɛ telen Nebukanɛsar masaa Babilɔn del lɛŋnden coo a cɔwvo-o, mí n ca maa o va fisa mí naa n kɔɛ Yeresalɛm, haliko mi n hɛlun vanaa cɔvaa Babilɔnnda a Aramiia. O telen kon mí n kɔ cal Yerusalɛm ciee.»

Yeremi 36:1

O vɔsi hiɔɔlundɔ Yohoyakim, po Yosia-o va masalen tosaa Yuda-o, mí Mɛlɛka dimul Yeremi aa:

Yeremi 45:1

O vɔsi hiɔɔlundɔ Yehoyakim po Yosia-o va masalen tosaa Yuda-o, mí Baruk po Neriya-o va sɔɔn Yeremi va ndu dimullo-on sɛvaa. Mí Yeremi dimul ndu aa:

Yeremi 50:1

Diom Mɛlɛka dimi le kobio Babilɔn a le lɛŋnde Babilɔn-nden kpede a sondo Yeremi vana-tɛɛngaa-diom Hala-o co hoo ni.

Yeremi 52:12

Vɔsi Nebukanɛsar suili vɔsilan tɔ́ a laŋɔmahiɔɔlu-o, paangii ŋuɛɛnundɔɛi va malɔ tɔ́, mí Nebusaradan luɛi Yerusalɛm ciee. Ndu va bolle vanaa kandaa masaa Babilɔn ni, o va vana pilɛ o vanaa masaa Babilɔn ndóò laalan taw-va tɛɛn.

Yeremi 52:28

Mɛɛ vanaa Nebukanɛsar bii Yuda, mó kɔɛ a nda o cɛlen nin-nda va sɛ́lɛ́ yɛ co hoo ni: O vɔsi ŋɔmmɛwndɔɔ nin, vàála yaa n'van bidiin a vanaa yaa (3 023).

Daniɛl 5:13

O kon, má hun a Daniɛl o masaa lo. Mí masaa ɲuna ndu aa: «Nɔm co Daniɛl fula o vanaa nda hin o biyɔɔ nin-nda tɛɛn-ndo ni, a fuɲa nuu hin fulaa Yuda-a?