Condii kɛndɛ-kɛndɛi 7:9 - BII BILA

⁹ Lelan ya dimi ni aa: ‹I co helɔɔ o vawvo coo mì kɔ piilian tamaron koaman› Màá mɛɛma nɔmndan ma va maa kpɔ̀nyɔ̀la n'rɛsɛn, mì hoeyii co fulaa nɔm o milin-nde i naŋ cun maa cun kɛndɛ kɔmnde yɔm pomiee.

Condii kɛndɛ-kɛndɛi 7:9 Iomraidhean Croise

Talelan 16:24

Maa vaa malɛ sɔɔn kɛndɔn co ni, n yeela o bololan nin, n co maa kooma singiaa le paalan.

Talelan 23:31

Tofà mɔiyan le mɛɛ ma naŋ o tofaa mì ma va hiiyo solio o taalaa nin yɛ le. Ma caa hiovɔɔ vana o labolo,

Condii kɛndɛ-kɛndɛi 2:14

Éé poonpoon ni laandu nɔ vɛɛnnden o tɛɛngon nin o powta kpovalan tɛɛn-ndo, ó co o viannanndo nɛɛ feke-fekea-o. Cɔm ya hɔlaa nɔmnda, tosa mì tuei diom nɔmndo. Kani a naŋ bɔɔ diomndo, a naŋ bɔɔ vɛlɛ hɔlla.›»

Condii kɛndɛ-kɛndɛi 5:16

Sondo ndɔɔ yeela bɔɔ o vɔɛiyo, o hɛnan ya taw o tofaa. Lende vanapɔnɔ ya kaola hoo-o co ni, lende caan ni kon co ni, mbɔ̀ alɛ, felengia laandua Yerusalɛm!»

Condii kɛndɛ-kɛndɛi 5:2

I va o malɔ, kɛ kɔl nuu va lahɔl. Diom vanapɔnɔ ya kaola-o co dioo lɔɔ nuaa ni. Ndu co dimio nuaa ni aa: ‹Kumbil-la dioo, yemanndo, caan ni laandoo, poonpoon nuu, tivɔnndo caan ni, kumbil-la dioo mbɔ̀! Kani mɔ́mndo kumbu ya bollen mɔku-mɔku, yiiŋii nii yiwnannde lindan lingili a pɔɔpɔɔma deli icɔl-lan.›

Rɔmnda 13:11

La cua sɔɛi he bala tiɔn mì la sina maa telen naa n co hoo-o, telen niaa bɛnda le tiondɔɔ o lɔan-ndo tiiya, kani sunsun cindaa sɔɔnguu niaa macɛlu hiovɔɔ telen naa n laalan-ndo.

Efɛsea 4:29

Sɔɔn vɔɔnndon bɛnda mì n va niaa fulaa o lasondo le. Sɔɔn kɛndɔn kínɛí n fula niaa o lasondo ni, n nɛŋi mako-on, n luei caanda yoomuan-ndon, haliko mi vanaa co niaa nilan yaŋɔɔa sɔla dɛnɛ kɛndɔɔ lenin.

Kolɔsea 4:6

Sɔɔn nian bɛnda mì n va lɔ́ɔ́-lɔ́ɔ̀ sɔɔn cuu vana dɛnɛ kɛndɛ-on, mì n yeela o tueyɔɔ, haliko mi la sínà mɛɛ niaa bɛnda le vana-vana mulullo yɛ.

Hebreea 13:15

N solulun Hala sálàlan o ndu sangalaa nin, condon ndu solullo o diola Yeesulan pɛɛn.

Dɛnnda cɔɔmuanndan 14:13

O kon mí tuɛi diomndo pum fulaa o halataala aa: «Sɛva aa: ‹Dɛnɛ kɛndɔɔ co kandɔn sisa le vanaa vi o Maalii nin-nda!› Kɔl-Diandaa dimi aa: ‹Dɛnɛ kɛndɔɔ co le nda. A sɔlanin pɛngio le baala nda co-o, kani dɛnnda kɛndɛla nda co tosaa lan ka kɔanin nda kɔɔli ni.›»