Condii kɛndɛ-kɛndɛi 7:4 - BII BILA

⁴ Vana ca ko mɛɛma nɔmma miɔnndan aa kialaa cuawva nda ŋiɔn ni, vana ca man ko aa cuavaa pɛndua púvɔ́ɔ́ kom-nda ni.

Condii kɛndɛ-kɛndɛi 7:4 Iomraidhean Croise

O Kandɔɔ 15:2

Mí Abram ɲuna ndu aa: «Maalii Hala, yɛɛ n co yɛ ya yɔngu? Má cè ya kɔnndan! Kɛ i co hɔ́ɔ́ mɛi le, Eliesɛr fula Damas-o loonin ɲɛm nun kpow kɛ́ɔ ni.»

2Samiɛl 8:6

Mí David kɛsi masaa n'bungaa Aram o lɛŋnde Damas len nin, o kon mí Aramiia cal sumialii ndɔ, má va muloo malɔɔ ndu o ba. Nduyɛ, nɛɛ-nɛɛ ndóò kɔɛ pɛ le cɔwvo tosaa, Mɛlɛka ndóò sim ndu kɔɔli, ndóò nɔla yaamɔɔa o cɔwvo.

1Masaa 10:18

Mó cɔaw vɛlɛ kpɛŋɛ lemasa bɛndoo a ciŋun kamaa, mó yikpa ndu a sianin diandan.

1Masaa 10:22

Kani masaa Salomɔn ndóò nɔ dɛ̀ndɛ̀la bɛndula mamɛmnda fula Tarsis lan o mɛmma ihɛllan coo, dɛ̀ndɛ̀la mamɛnnda Hiram-ndan la va vɛlɛ ndu o ba. O vɔsila yaa oo vɔsila yaa bɛngu, dɛ̀ndɛ̀la fula Tarsis lan la va hunɔɔ lapiaalan ca a sianion, a volion, a ciŋun kamaa, a tɔmnda a á yovaa kɛndɛ-kɛndɛa pum.

1Masaa 22:39

Sɔɔn tɔ̀un Akab-on, dɛnnda ndóò tosa lan kpow, cɛi lemasa ndóò tangul a ciŋun kamaa-o a kobila ndóò tangul tan kpow, sɔɔn mún co n'sɛvan o sɛbɛ Dɛnnda lemasalan Israɛl nin.

1Masaa 7:2

Cɛi tase o tangul-lo ndóò nɔ diolan ni aa Cɛiyo-Bundɔɔ-Liban. Pɛngɛn yɔm sɛɛdre n va o sungbuma hiɔɔlumaa bii kaa cɛi kalaa-an ni. O va bandei dunndo kɛmɛ, buo dunndo beleŋuɛɛnu, helɔɔ dunndo beleyaa.

1Masaa 9:19

Mó mingi vɛlɛ kobila celen tangul, la ndóò manda ɲɔɔn nin-ndan kpow, lapum le ɲɛla ɲaanannda soa nan-ndan mandaa, lapum yɛ le soa mandaa. Mó tangul ɲɛ-ɲɛ ndóò yeema le tangullo Yerusalɛm, Liban a o lɛŋnde va ndu o ba bɛngu len kpede nin.

2Dɛnnda lemasalan 8:6

Mó mingi vɛlɛ Baalat tangul a kobila ndóò manda ɲɛdiaa nin-ndan kpow, kobila ndóò manda ɲɛla ɲaanannda soa nan-ndan nin-ndan a la ndóò manda soa ndɔa nin-ndan. Mí Salomɔn cɔaw vɛlɛ ɲɛ-ɲɛ ndóò nɔ o kɔl le cɔvɔɔ Yerusalɛm, o pembei Liban coo a o lɛŋnde va ndu o ba bɛngu len nin.

Condii lisai 144:12

Màá poaa naa va maa tɔlɔɔla vul mì la sandu sakpo o tasendɔ lan! Màá cuavaa naa laandua va maa sungbuma nda ŋɛmiŋɛmiaa o cɛi lemasaa nin-ndan!

Condii lisai 45:8

A kaola dɛnɛ sandaa mí kɔlvesɛiyo nɛinun nɔm. Le hee Hala nɔmndo pɔla nɔm ni, mó suu nɔm cuɛima kɔlkɛndɛan, ma hɛnan ndu hiovɔɔ caaŋaa nɔmnda coo.

Condii kɛndɛ-kɛndɛi 1:10

Kelan lanion cɛl bɔɔ kuula nɔmndan, yɔɔvama powvan ma cɛl bɔɔ bolola nɔmndan.

Condii kɛndɛ-kɛndɛi 4:1

«A naŋ bɔɔ, nɔm caan ni laandoo, a naŋ bɔɔ hɔlla! Vana ca ko hɔlta nɔmndan o kola vaan-vaan n kuumbun o lebol-lo bɛngu aa poonpoonda ni. Vana ca ko yiiŋii nɔmnde aa cuinaa kundaa co pembei Kalaad tolɔɔ a kiltan ni.

Condii kɛndɛ-kɛndɛi 4:4

Vana ca ko kɛsii nɔmnde aa cɛi coocoo masaa David tangul le ɲɛm cɔwvon kɛsio lenin-ndo ni. Kɔ̀ɔ̀la cɔwlan vàá pilɛ la co lalɛɛndua lon, lon ɲɛm cɔvun kuubaa cɔwva kpow n co ni.

Condii kɛndɛ-kɛndɛi 4:5

Vana ca ko mɛɛma nɔmma miɔnndan aa púwvɛa cuawva nda ŋiɔn ni. Vana ca ko man aa púwvɛa pɛndua co diolan o bil kɛndɛ-kɛndɔɔ nin ni.

Condii kɛndɛ-kɛndɛi 6:5

Faŋa ya hɔlta nɔmndan kɔɔli, kani tofa nɔmndo ho mingi ya ɲamaka-ɲamaka. Vana ca ko yiiŋii nɔmnde aa cuinaa kundaa co pembei Kalaad tolɔɔ a kiltan ni.

Esai 54:4

Lelan siòòŋii bii nɔm te, kani siɛmbula biinin nɔm te, yɔŋnun yoloma-yoloma le, kani a tembunin labɛɛ le. Kɛ a pɔɛɛnunnin siɛmbula bii nɔm o felengiyɛi nin-ndan, a yiyan ndɛnin a bɛ̀ɛ̀la n tambu lɔ́ɔ́ n va o vii pɔnɔɔ nin-nde lan te.

Hebreea 5:14

Kɛ nduyɛ, le kaasonnda ɲɛdiaa kàlà-kálàá co ni. Nda sínà hiyan co dɛnɛ kɛndɔɔ a o vɔɔndo tɛɛn-ndo, kani a dɛli nin.