Condii kɛndɛ-kɛndɛi 7:1 - BII BILA

¹ «Muungu nanu mbɔ̀, muungu nanu, Sulamite! Muungu nanu, muungu nanu mì n mɛɛndan nɔm! Yɛɛ niaa nɔ yɛ o Sulamite tofaa nin, maa yola condun miun o lepilɔɔ?

Condii kɛndɛ-kɛndɛi 7:1 Iomraidhean Croise

O Kandɔɔ 32:3

Mɛɛ o ce nda, mó yonda aa: «Nanu dɔ́ɔ́ngɔ́ Hala-o co ni.» Mó ke fonda kon diolan aa: Mahanaim (kon co dimio ni aa «Dɔ́ɔ́ngɔ́la tiɔnndan»).

Condii lisai 45:13

Vannda Tir cuunin nɔm ɲɔɔn, vanaa bolofaa cuunin nɔm ɲɛm kɛndɔn le nɔm hɛnanndo.

Fulaa 28:15

«Ma dimul vanaa caa baala labaa taw-va, mà toosiaa doma-lapow-iyamaa a powta báà kàlàlan. Mà toosiaa mɛɛ nda toosiaa doma ifalenndo yɛ, mà tosa ndu a kɛila n'sianilan, a kɛila nda yin a kaan-ndan, a kɛila siaŋala sɔɔtɔtɔlan, a kɛila siaŋala vólotótolan a á kola keese nda lɔ a kɛila kpeendaalan-ndo.

Fulaa 28:42

Ma sondul nda vɛlɛ lɛmbɛla lebɛngulan a kola keesoo, mì la va bandei kandɔɔ o caŋnda háá o lɔlulan, yɔŋii nda va tumnda fondo.

Fulaa 35:35

Mó yɔngu nda dɛnɛ sinaa le baalalan kpow tosaa, le ɲɛlan caa siɔlɔɔ a le tuuliaalan caa, le kolaa lɔu a kɛila nda yin a kaan-ndan, a kɛila siaŋala sɔɔtɔtɔlan a á kɛila siaŋala vólotótolan a le kola keesoo caa lɔu, le baalalan kpow tosaa a le ɲɛlan caa tuuvo.»

Condii kɛndɛ-kɛndɛi 7:2

Éé nɔm cua lemasaa, pelun nɔmndon naŋ bɔɔ o samtalan nin! Vana ca ko vonga nɔmndo aa yɔɔva labolo vana cɔavaa mayɔɔvaa cɔw a laba-o ni.

Daniɛl 2:32

Bolle piɔm kon le va le toosiaa a sianin diandan. Takpa ndɔɔ a congúla ndɔlan la va latoosiaa a volin humbon. Dembe ndɔɔ a lɔlula ndɔlan la va a daɲan.

Luke 15:22

Kɛ mí fuɲaa dimul vanaa ndɔa baalaa aa: ‹La hun a doma kɛndɛ-kɛndɔɔ cɔ́-cɔ́, mì la vow ndu. La vow ndu kelɛi o isu, mì la vow ndu samtalan.

2Korɛntea 6:18

I vanin Fuɲa nia, mì niaa va poaa niaa a cuavaa nia.» Mɛlɛka nɔ kpaayaa kpow-vo dimi lende ni.

Efɛsea 6:15

La vownun dialun fulan maa lasamta le kɔlan vannda Yoongu kɛndɛ yɔngu vana kɔlɲuloo-o tiiyallo.

Filipea 1:27

Kɛ la kela mɛɛ Yoongu kɛndɛ Krista-o co yɛ. O kon, i kɔ o niaa lo, i kɔa le, i co tueyɔɔ maa la co yili o yiyan pilɔɔ nin, mì la va Yoongu kɛndɔɔ cɛwcɛwvo a laalan pilɔɔ.

Kolɔsea 2:19

A lo a yiinan a Krista le, o co bollen-ndo. Nduyɛ, ndu Krista kon kpeekpei co tosaa ni mì kɔɔle tɔ̀len kpow le va baloo sɔlaa, mì le va le yiw-yiwaalen o boondon, mì la va hindɔɔ mɛɛ Hala yeema yɛ.