Condii kɛndɛ-kɛndɛi 4:3 - BII BILA

³ Vana ca ko cɔcɔn nɔmndon aa kɛi siaŋa sɔɔtɔtɔɔ ni. Sondo nɔmndo naŋ bɔɔ mbɔ̀! Vana ca ko kuula nɔmndan ningilaa o kola vaan-vaan n kuumbun o lebol-lo bɛngu aakrenadeon ni.

Condii kɛndɛ-kɛndɛi 4:3 Iomraidhean Croise

O Kandɔɔ 32:10

O kon kɔɔli, mí Yakɔb piɛi aa: «Éé Hala Abraham fuɲa ni mamaa! Hala Isaak fuɲa ni-o! Nɔm dimul-la ni aa ya muungu vanaa nia o ibuŋ o lɛŋnde nilen nin, má tosal-la dɛnɛ kɛndɔɔ.

Ɛsdras 9:6

Mí dimul ndu aa: ‹Éé Hala nuu! Siɛmbulan la bii ya taw, hali hɔlla bɛɛ i nɔla heeloo le nɔm tofaa le, Hala nuu! Kani yɔŋnda vɔɔnnda naalan la lo kuiyo tei mì la hiaw naa ba, hakila naalan la lo dengelanndo háá mì la tiiya o halataala.

Condii lisai 119:13

I co tɔŋnda fula nɔm o sondo lan kpow dimio.

Condii lisai 37:30

Sɔɔn kɔlkalon vana sandaa biiŋuu sondoo coo ni, sɔɔn sandan diɛɛmule ndɔlen le dimi ni.

Condii lisai 45:2

Kɔllo co ya yusaa nin le sɔɔn kɛndɔn dimio, i co dimio aa: Le masaa dɛnnda nilan la co ni. Màá diɛɛmule nilen le siŋnun maa kpɛ̀kile vana sɛvaa kɔlkaloo!

Talelan 10:13

Dɛnɛ sinaa co vana kɔlkaloo o sondo. Kɛ vana pe lebol too ndu, sionnden le faŋan ndu o kɔɔ le.

Talelan 31:26

A kɔlkaloo pila o soaa ni, o caa bɔɔ silalan yɔngoo.

Condii kɛndɛ-kɛndɛi 1:5

Cuaambɔa laandua Yerusalɛm sei, o tiŋi ya co ni, kɛ i naŋ taw. I co o tiŋi ŋɛlɛngi-ŋɛlɛngi maa cɛila-kolala-toandaalan Kedar, i naŋ maa cɛila pɔmbɔla Salomɔn-ndan.

Condii kɛndɛ-kɛndɛi 4:11

Òó nɔm vanalanɔ ya co cuaa o nɔu nin-ndo! Cɔcɔn nɔmndon, lɛan ma fula lon ni. Lɛan a nɔnɔan ma co o diɛɛmule nɔmnden coo ni. Vana tuɛi ko volɔɔla nɔmnda cuɛinanndan cunndo aa lasikɔlɔ cun kɛndɛ yɔmnde Liban ni.

Condii kɛndɛ-kɛndɛi 5:13

Vana ca ko kuula ndɔlan aa fonda nda tɔl bil kɛndɛ-kɛndɔɔ-o ni. Vana ca ko cɔcɔn ndɔn aa bil nɔ yandɔɔ kɛndɛ-kɛndɔɔ-o ni, nɛɛ mir co talaa-a.

Condii kɛndɛ-kɛndɛi 5:16

Sondo ndɔɔ yeela bɔɔ o vɔɛiyo, o hɛnan ya taw o tofaa. Lende vanapɔnɔ ya kaola hoo-o co ni, lende caan ni kon co ni, mbɔ̀ alɛ, felengia laandua Yerusalɛm!»

Condii kɛndɛ-kɛndɛi 6:7

Vana ca ko kuula nɔmndan ningilaa o kola vaan-vaan n kuumbun o lebol-lo bɛngu aakrenadeon ni.

Condii kɛndɛ-kɛndɛi 7:9

Lelan ya dimi ni aa: ‹I co helɔɔ o vawvo coo mì kɔ piilian tamaron koaman› Màá mɛɛma nɔmndan ma va maa kpɔ̀nyɔ̀la n'rɛsɛn, mì hoeyii co fulaa nɔm o milin-nde i naŋ cun maa cun kɛndɛ kɔmnde yɔm pomiee.

Esekiɛl 16:63

Kon tosanin haliko ma yiyan a ɲɛ tosan paandu-o, mì siɛmbulan la bii nɔm, bako bɛɛ a suu lɛnin te. Kɛ ya, i malnin nɔm haki le dɛnnda vɔɔnnda n tosa lan kpow. Ya Maalii, ya co Mɛlɛka-o soo nuaa ni.»

Tɔŋ lasálàá 14:4

o dimi aa le dindin ndɔɔ, a bɛnda mà hin a yovaa kiyɛiya nda ŋiɔn, yovaa dendu Mɛlɛka o hɔl-la pɛɛn, a pɛngɛi yɔm sɛɛdre, a kola nda yin yinɔɔ siaŋa vólotótoo-o a bil hisɔp.

Tɔŋ lasálàá 14:6

O kon, o cua yow lo o kiyɛiyo-o, pɛngɛi yɔm sɛɛdre, kola nda yin yinɔɔ siaŋa vólotótoo-o a bil hisɔp, o pɔɔla ɲɛm mun a yow kiyɛiyo latulu o kooma yow nda kelu bololan o kpɛɛnɛi mɛmma peean ma co nin-nde coo-o.

Kundalan 19:6

O kon kɔɔli, vana-solia-lasálàá cua yɔm sɛɛdre, bil hisɔp, kɛi nda yin yinɔɔ siaŋaa vólotótoo-o, o vuu ɲɛm mun o yin nɛɛ nawvo co ŋɔu-va.

Kundalan 4:8

Kon cuu pɛ, a pɛngɛla kola nda yin yinɔɔ siaŋa vólotótoo-o o ɲɛm mun coo, a kumbu niko kon kpow a kola nda toosiaa a yáwla kálà-kálàlan lapum-ndo. O kon, a sɔɔ yɔmnde le tabali kalaa cuaa.

Matie 12:35

Sɔɔn kɛndɛn co vanaciee kɛndɔɔ o kɔl-lon, mun o soli ceen ni, sɔɔn vɔɔŋun co vanaciee vɔɔndo o kɔl-lon, mun koni ndu bɛɛ soli ceen ni.

Luke 4:22

Mí nda kpow a naŋ kɔl, má dɔawnun kɔndɔfili a sɔɔn kɛndɛn va ndu fulaa o sondo-on, má ɲuna aa: «Vɛ̀ɛ̀ o co po Yosɛf-o le?»

Efɛsea 4:29

Sɔɔn vɔɔnndon bɛnda mì n va niaa fulaa o lasondo le. Sɔɔn kɛndɔn kínɛí n fula niaa o lasondo ni, n nɛŋi mako-on, n luei caanda yoomuan-ndon, haliko mi vanaa co niaa nilan yaŋɔɔa sɔla dɛnɛ kɛndɔɔ lenin.

Kolɔsea 4:6

Sɔɔn nian bɛnda mì n va lɔ́ɔ́-lɔ́ɔ̀ sɔɔn cuu vana dɛnɛ kɛndɛ-on, mì n yeela o tueyɔɔ, haliko mi la sínà mɛɛ niaa bɛnda le vana-vana mulullo yɛ.

Hebreea 9:19

Mɛɛ mì Moise ndóò dimi fɔlɔn tɔŋndan mɛɛ la co kpede vannda kpow o hɔl. O kon mí ndóò cua kooma navaa téndéa a ma cuinaa toovia, a mɛnndan, mó fasaŋa man o sɛbɛ latɔŋndo coo a vannda kpow coo a lɛvii hisɔp a á kola keese siaŋa vólotótoo.

Yosue 2:18

lɔ́ɔ́ naa n tiiyanin o lɛŋnde nɔmnden nin-ndo, a yii yoole kolale siaŋalen o dio-pɔmbɔ n co naa hoo tuisio-o, o kon kɔɔli a mɔɔsiaa fuɲa nɔm, kala nɔm, puapilɛa nɔmnda a yungu nɔmndo kpow o nɔm ndo cɛinin.