Condii kɛndɛ-kɛndɛi 3:2 - BII BILA

² Lelan, i cannin mì kela nuwviaa o kobio nin, mì kela o lɔ́ɔ́lan nin a o nɛilan coo, i nuwviaanin vanapɔnɔ kɔl nuu kaola-o. I co ndu nuwviaa taw, kɛ i co ndu saalɔn te.

Condii kɛndɛ-kɛndɛi 3:2 Iomraidhean Croise

Efɛsea 5:14

Hiovɔɔ o kon coo, ɲɛ-ɲɛ fula pɛ ceen kpendekele, ndu siŋnun ɲɛ-tengaa. Lelan o co o sɛvaa ni aa: «Tiondu, nɔm vana co hoo o lɔan-ndo, cɔn mà fula vanvílɛ́iya tɛɛn, mì Krista tosa, mì ɲɛ-tengaa va niaa diondɔɔ coo.»

1Korɛntea 15:34

La tosa dɛnɛ sandaa, la tosa lahaki le, kani a pum a sínà Hala le, i ya co hee dimio-e co dɛnɛ lasiɛmbu le niaa.

Rɔmnda 13:11

La cua sɔɛi he bala tiɔn mì la sina maa telen naa n co hoo-o, telen niaa bɛnda le tiondɔɔ o lɔan-ndo tiiya, kani sunsun cindaa sɔɔnguu niaa macɛlu hiovɔɔ telen naa n laalan-ndo.

Nsaŋ 1:6

Mí Hala viam vanndo pum, vana kon diolan Nsaŋ.

Yeremi 5:1

«La balu o nɛilan Yerusalɛm coo, mì la mɛɛndian, mì la ɲuuniaa, mì la nuwviaa o bɛ́ɛ̀lan kpow. Te la saalun pɛ vanndo, hali o pilɛ kpé, o sandu-o, o yeema dɛnɛ sandaa-o, o kon, i mal Yerusalɛm haki.»

Esai 64:7

Nduyɛ nɔm Mɛlɛka, nɔm co fuɲa naa ni, naa naa, puulu cɔavaa n'kpɛɛnɔɔ naa n co ni, nɔm co vana cɔw naa-o ni, naa kpow, vali bala nɔmndan la tosa-o naa n co ni.

Condii kɛndɛ-kɛndɛi 5:5

O kon, mí can le kɔlan ndu dioo kumbillo, mí mir nɔ cun kɛndɔɔ-o va cɔnɔnndo ya o laba, mó va delio tue-tue, mó can ya o n'su, mó va delio o sɔkɔle kindaa dio len coo.

Talelan 8:34

Dɛnɛ kɛndɔɔ co le vanaa yaŋ ya nilan, mà sim o dio nuu lepala-lepala, mà cumul dio cɛi nuu-a ni.

Condii kɛndɛ-kɛndɛi 3:3

Mí bɔŋan a kpalilaa cumulaa balu cumullo icɔl e kobio mɛɛndanndo-a, mí ɲuna nda aa: ‹La cil-la nihau vanapɔnɔ kɔl nuu kaola-o?›

Condii kɛndɛ-kɛndɛi 1:7

Éé nɔm kɔl nuu kaola hoo-o! Cɔm ya nɛɛ n co lakɔ saa nɔmnda yɔɔ diólan-nda, ma cɔm ya nɛɛ n co lakɔ nda yambɔɔ pɛngio a paale kalalen-nda, yɔŋii ya kɔ va laasianndo o cɔlua caaŋaa nɔmnda ikɛi.»