Condii kɛndɛ-kɛndɛi 2:3 - BII BILA

³ «Mɛɛ yɔm pomiee co yɔmnde tɛɛn o bundɔɔ nin yɛ, lende koni vana ya kaola hoo-o co felengia piaandua tɛɛn ni. Ɲɔɔ hɛnan ya le calle o vundule ndɔlen bɛngu, kɔmnde ndɔlen le yeela ya o sondo taw.

Condii kɛndɛ-kɛndɛi 2:3 Iomraidhean Croise

Condii lisai 45:2

Kɔllo co ya yusaa nin le sɔɔn kɛndɔn dimio, i co dimio aa: Le masaa dɛnnda nilan la co ni. Màá diɛɛmule nilen le siŋnun maa kpɛ̀kile vana sɛvaa kɔlkaloo!

Condii lisai 45:3

Nɔm hiow vanndacieea kpow naŋɔɔ ni, sɔɔn sɔvɛɔn kínɛí n fulà nɔm o sondo ni. Lelan Mɛlɛka dɔw nɔm duaa ni le fɛɛn a fɛɛn.

Condii lisai 57:1

Condii David-e, í fula o condun simlacinɔ vanaa n'condua nin-nde. A ɲɛ-caa nɔ diolan aa: «Tɛ́ɛ́mbùù le»-o o soli ndi ni. Telen David hɛlun Saul o buululan nin mó ɲaanun-ndo o soli condei he ni aa:

Condii lisai 89:6

Éé Hala, màá mɛlɛkaa a mel nɔm balika o halataala le dɛnnda kɛndɛla n tosa lan a le lo n lo o lediom coo-o!

Condii lisai 91:1

Vana kila pɛ caltan o vunduma Ó-Hiow-Ɲɔɔn-Kpow-vo-an bɛngu, mɛɛ ndu sɔlanin pɛngio o vunduma Vana-Kpaayaa-Kpow bɛngu.

Condii kɛndɛ-kɛndɛi 1:16

A naŋ bɔɔ hɔlla, nɔm caan ni piaandoo, mbɔ̀ a naŋ bɔɔ! Maa bil puiyaa kpele naa hinia co ni.

Condii kɛndɛ-kɛndɛi 2:5

La míngí ya yoomuan o n'dial a fùlúfùlù rɛsɛŋun toaŋaa. La lueí ya yoomuan a pɔmii koamɛi. Kani i co a nàà kaolaa.

Condii kɛndɛ-kɛndɛi 4:13

Tɛiyun nɔmndon co nakɔla krenadieela nɔ kɔmnde kɛndɛ-kɛndɛlen ndan ni. Yɔmii henee a yɔmii naar-e co lenin,

Condii kɛndɛ-kɛndɛi 4:16

Hoeyii fula a ba luaŋ-ndo-e, cɔn! Hoeyii fula a ba too-e, hɔŋ! La hɔŋ o nakɔ nuu coo haliko mi cun ndɔ kɛndɔɔ tiw kpow. Màá vanapɔnɔ ya kaola hoo-o luɛi o nakɔ ndɔɔ nin, mò de kɔmnde yeelɛilen!»

Condii kɛndɛ-kɛndɛi 5:16

Sondo ndɔɔ yeela bɔɔ o vɔɛiyo, o hɛnan ya taw o tofaa. Lende vanapɔnɔ ya kaola hoo-o co ni, lende caan ni kon co ni, mbɔ̀ alɛ, felengia laandua Yerusalɛm!»

Condii kɛndɛ-kɛndɛi 7:13

O kon paalen le sɛ dɔ́ɔ́ pɛ, n kɔɛnnun o nakɔla n'rɛsɛnndan nin. N canin te rɛsɛnndon co yandɔɔ, te n co talunndan solio, te peengelan la kandu fulaa o yandɔɔ, te krenadiee bɛɛ co yandɔɔ. Lon ya kenin nɔm kaola nuu ni.

Condii kɛndɛ-kɛndɛi 8:11

Salomɔn ndóò nɔ nakɔ n'rɛsɛnndo Baal-Hamɔn, mó sɔaa nakɔ kon kpalilaa cumulaa o ba. O nda tɛɛn, vana-vana va ndu volin latámán vàá pilɛ cuuo le rɛsɛŋun ndɔn.

Condii kɛndɛ-kɛndɛi 8:12

Ya ya, le ya nakɔ n'rɛsɛn nuu co ni. Ya pila co ndu mandaa ni. Nɔm Salomɔn, nɔm nɔ volin latámán vàá pilɛ, kpalilaa cumulaa nɔ volin latámán kɛmɛ lediin.

Condii kɛndɛ-kɛndɛi 8:5

Vanalanɔ kuɛɛ co yɛ hoo fulaa o lɛŋnde veselɛilen nin, mò va hunɔɔ vanapɔnɔ o kaola-o o sɛɛŋanndo? O yɔm pomiee bɛngu ya tindi nɔm ni, nɛɛ kala nɔm cua foli nɔmndo-a. Lon o cua foli nɔmndo ni, lon o velu nɔm ni.

Esai 25:4

Kani nɔm yɔŋnun nɛɛ viannannda le vanaa nɔ mayoomu le-a ni. Nɔm yɔŋnun nɛɛ viannannda le vanaa bala fondoa va o mɔnɛi nin-nda ni. Nɔm yɔŋnun nɛɛ viannannda le hoeyii fùkù-fùkùi va hɔŋndo-e ni, nɔm yɔŋnun vunduan le hangul lepalaa vionnɔnndo ni. Bau hoeyii kɔltuvii fula vanaa kɔlvesɛiya o milin-nde, maa hoeyii fùkù-fùkùi co kundɔnndo o kpakio-e i co ni,

Esai 32:2

O nda tɛɛn, vana-vana vanin maa nɛɛ yifannda le hoeyii hɔŋɛi a nɛɛ viannannda le hoeyii fùkù-fùkùei, a vanin maa pee mɛmma volo-voloo o fonda vesɛiyo coo, maa vunduma pow kpovaa bɛndoo o lɛŋnde veselɛilen nin.

Esai 4:2

O telen kon nin, yɛyii Mɛlɛka-e naŋnin mì i sɔla biiloo, kɔmnde lɛŋnden nden le vanin volio a naŋɔɔ, hee co va dɛnɛ kɛndɔɔ ni le Israɛlla hialunnin ma lo yoomu-a.

Esai 4:6

Ipala, kùùlen le vanin nɛɛ yifannda o vunduan le hangullo ni, le vionnɔnndo lebɛngu le hoeyii fùkù-fùkùei a le piɔɔ.

Esekiɛl 47:12

Yɔmii koamɛi súú-súù ka i vulnin o pee pɔmbɔ kon coo, o kɔngɔla ndɔla tiɔnndan kpede coo. Pei yɔmii ken i ɲɔfɔliaanin te, kɔmnde ndalen bɛɛ le cuunin lecoo le. Ipaangu oo ipaangu yɔmii ken vanin tàlonndan solio, kani o cɛi-kola-toandaa diandaa nin mɛmma pee pɔmbɔ kon ma vanin cɔnɔnndo ni. Kɔmnde yɔmii ken le vanin le baloo dɔwnɔnndo, pei ndɛi ndi vanin le nààlan cɛwvo.»

Yɔɛl 1:12

Nakɔla n'rɛsɛnndan la vesan sɛ́ɛ́n, voosoei ɲɔfɔliaa. Krenadiei, vawvan, pomiee a yɔmnde yondoo nin kpow i vesa. Kɔlkɛndɔɔ ɲum vanndacieea tɛɛn.»

Hebreea 12:2

N tofan Yeesu tuŋ. Ndu o ba laalanndo kandun ni, ndu o ba o mɛɛlu ni. Mó cɛl le vuo o yɔm singafilaa coo, o ci siɛmbula lan ɲɛ-ɲɛ le. Kani o va ɲaale o va hunɔɔ sɔla-o cɔu, nduyɛ sunsun o co icali Hala o ba kɛndɔɔ coo.

Masaa kialaa n'yamaa 9:15

Mí bɔ̀ɔ̀ n'yɔɔ muli aa: ‹Te la yeema pɛ le ya kɛsio masaa lekɛ́ndɛi niaa coo, mɛɛ la hun luɛi o vunduma nian bɛngu. Te la tosa kon te, yinnden le co fula o yɔɔn nun nin mì le lom yɔmii sɛɛdrii co Liban-nde.›»