Condii kɛndɛ-kɛndɛi 1:3 - BII BILA

³ Lasikɔlɔma nɔmndan ma naŋ bɔɔ cun. Maa cuɛima cun kɛndɛma tiw cunndo kpow-van, diola nɔmndan la co ni. Lelan, cuaambɔa laandua kaola nɔm ni.

Condii kɛndɛ-kɛndɛi 1:3 Iomraidhean Croise

Condii lisai 133:2

O co ko macoaa maa cuɛima kɛndɛ-kɛndɛma nda tala o lebol mì ma toal o siɛye coo-an, o siayii Aarɔn-nde coo pɛɛn, ma co tolɔɔ o cɔcɔn doma ndɔɔ coo-an.

Condii lisai 45:14

Cua masaa co a biiloo o cɛi lemasaa nin, sianin nda sɔɔluu doma ndɔ bɛndoo-on co volio ŋɛlɛngi-ŋɛlɛngi.

Fulaa 33:12

Mí Moise dimul Mɛlɛka aa: «Tofa vɔ, a dimul-la aa ya kɔ a vannda ha, kɛ a cɔm ya vana n co vomɔɔ le naa liilaa-o le. Nduyɛ nɔm pila dimul-la ni maa a hɛli ya má ca ya ɲia taw.

Fulaa 33:19

Mí Mɛlɛka mulul ndu aa: «I co nɔm naŋɔɔ nuu kei o hɔl, mì veelu diola nilan nɔm o hɔl, diola lan la co ni aa ‹Mɛlɛka›. Kani vana ya yeema pɛ le kɛndɛi tosallo, i tosal ndu kɛndɛi. Vana ya yeema pɛ le ɲííye tuinɔnndo, i tuinun ndu iɲíí.»

Talelan 27:9

Cuɛima cun kɛndɛan a lasikɔlɔɔ nɛŋi vana kɔllo, kɛ mamɔɔla icanyalan la co fisa a lasikɔlɔ báà kala bɛndoo.

Vana Kɔlkaloo 7:1

«Diola kɛndɛlan nɔu co fisa a cuɛima cun kɛndɛan suinɔnndo, paale piɔ́mnden le co fisa a paale vialannden.

Condii kɛndɛ-kɛndɛi 3:6

Nɛ̀ɛ́-nɛ̀ co yɛ ho fulaa o lɛŋnde veselɛilen nin mò va heeloo nanu maa tindile ikum? Ó suunun hoo cuɛima cun kɛndɛan, mò cucun ansan a ɲɛm cun kɛndɛn vanaa toosiaa cuɛima cun kɛndɛa coo-o pɛɛn.

Condii kɛndɛ-kɛndɛi 4:10

Kaola nɔmndo yeela bɔɔ, yemanndo, nɔm ya co cuaa o nɔu nin-ndo. Nɔm vana ya co cuaa o nɔu nin-ndo sei! Kaola nɔmndo naŋ bɔɔ. Tɛ̀fɛ̀lɛ̀kɛ̀lɛ̀ɛ̀ nɔmndo hiow naŋɔɔ a mɔiyan, hoeyii nɔmnde hiow cunndo naŋɔɔ a ɲɛm cun kɛndɔn kpow.

Condii kɛndɛ-kɛndɛi 5:13

Vana ca ko kuula ndɔlan aa fonda nda tɔl bil kɛndɛ-kɛndɔɔ-o ni. Vana ca ko cɔcɔn ndɔn aa bil nɔ yandɔɔ kɛndɛ-kɛndɔɔ-o ni, nɛɛ mir co talaa-a.

Condii kɛndɛ-kɛndɛi 5:5

O kon, mí can le kɔlan ndu dioo kumbillo, mí mir nɔ cun kɛndɔɔ-o va cɔnɔnndo ya o laba, mó va delio tue-tue, mó can ya o n'su, mó va delio o sɔkɔle kindaa dio len coo.

Condii kɛndɛ-kɛndɛi 6:8

Laandaa masaa co belaŋɔmmɛw, sámáá ndɔa co belaŋɔmaa a cuaambɔa laanduasɛ́lɔ́ɔ́ taw, vana cii nda cɔm te.

Esai 61:3

Le vanaa co o mɔnɛi nin Siɔn-nda (malaa), le nda lɔngɔlianndo o loolio nin faŋaa kuee, mì yɔngu nda mɔsil isalamayaa, le dɛnɛ palaa faŋaa nda coo, mì yɔngu nda cuɛima suunanma kɔlkɛndɛan, mì faŋa nda kɔl imɔnɔɔ coo, mì yɔngu nda ɲɛ cuɛinan sɔvɛɔ, yɔŋii nda va o kɔl tambɛiyo nin. O kon a veelunin nda aa vanaa tɔlnun pi o dɛnɛ sandaa nin-nda, tɔlɔɔ Mɛlɛka-o, o ó tɔl le biilu ndɔɔ cɔmndo-o.»

Matie 25:1

Mí Yeesu dimi aa: «Masale halataala len le vanin ko kpen a felengia laandua n'van tɔ́, á cua fitinala ndalan, má fula le kɔlan vana yil lanɔɔ sɛnɛi-yo bɔŋaa-a.

Nsaŋ 12:3

Mí Mari cua siani cuɛima báà kálà-kálàn mapum ma va nin-ndo, mó taaliaa man Yeesu o n'pelu. O kon kɔɔli, mó yiikpiaa ndu pelon a yiiŋii ndɔɛi. Mí cɛiyo pia cá a cun kɛndɛ cuɛima man.

2Korɛntea 11:2

I kaola niaa mì va paŋalaa le niaa, Hala o ba kon co fulaa ni. Kani i dɔw niaa fulu le vanapɔnɔɔ ndu pilɛ kpé, Krista pɛɛn, haliko mi la kɔ fula ndu o hɔl maa felengi sina vɔ dɛnɛ vanapɔnɔ loo, o dendu Mɛlɛka o hɔl-lo pɛɛn.

Filipea 4:18

I sɔla ɲɛm niaa yɔŋ ya-on kpow, mí n hiw kuiyo ya o ba. I pɛ, Epafrodite langa yɔngu ya ɲɛm niaa yɔŋ ya-on, n co macoaa maa lasikɔlɔ cun kɛndɛ, sálà hɛnan Hala-o.

Dɛnnda cɔɔmuanndan 14:4

Nda yɔŋnun vanaa nɔɔlian a vanlaandua le-a ni, kani a síná dɛnɛ vanalanɔ le. A co kɔlan Saa téndóó kɔɔli nɛɛ-nɛɛ ka-a. Kan sɔla baŋaa vanndacieea tɛɛn ni, nda yɔŋnun vanaa tasea le hɛlio sɔlaa le Hala a le Saa téndóó ni.