Aasee 2:4 - BII BILA

⁴ Lelan, nɔm Sorobabɛl, luei yoomuan. Ya Mɛlɛka soaa nuaa ni. Nɔm Yosue bolle vanaa-solia-lasálàá, po Yehosadak-o bɛɛ, luei yoomuan. Niaa vanaa tɔ̀a lɛŋnden nin kpow, la lueinun yoomuan. Ya Mɛlɛka soaa nuaa ni. La tosa baalaa, Kani i co niaa ikɛi. Ya Mɛlɛka-Nɔ-Kpaayaa-Kpow-vo o soaa nuaa ni.

Aasee 2:4 Iomraidhean Croise

2Samiɛl 5:10

Mí David hiaw laci a yoomuan sɔlaa taw, kani Mɛlɛka, Hala-Nɔ-Kpaayaa-Kpow-vo va ndu ikɛi.

1Dɛnnda lemasalan 22:13

Taa bii pɛ silalan a tɔŋnda Mɛlɛka yɔngu Moise le Israɛlla lan, mà kela lecoo, mɛɛ dɛnnda nɔmndan kpow la naŋnin. Lueí yoomuan ma sim yili. Siòòŋii bii nɔm te, ɲiiya le.

1Dɛnnda lemasalan 28:20

O kon, mí David dimul Salomɔn po ndɔ aa: «Lueí yoomuan, sim yili ma tosa baalaa. Yɔŋ isiòòn te, vu n'dial te. Kani Mɛlɛka Hala nuu co nɔm ikɛi. Háá mi baala Cɛi ndɔɔ kpow cuu, o melnin nɔm te, o faŋannin nɔm ikɛi le.

Ɛsdras 10:18

O polama vanaa-solia-lasálàá nin, vanaa ndáà yil laandaa mangalaa isɔɔa o nɔ̀lan-nda va haa ni: o polale Yosue po Yosadak-o len coo a o polama puapilɛa ndɔa coo, má saalun Maseya, Eliesɛr, Yarib a Kedalia,

Ɛsdras 5:2

O kon, mí Sorobabɛl po Sealtiɛl-lo nda Yosue po Yosadak-o a mingi vallo kandɔɔ, má muungu vɛlɛ Cɛi-Hala-o tangullo Yerusalɛm. Vanaa-tɛɛngaa-diom Hala-a va nda ikɛi, a va nda malaa.

Fulaa 3:12

Mí Hala mulul ndu aa: «I vanin nɔm ikɛi. Tofa vɔ tɔɔmaseloo le sinaa maa ya Hala vem nɔm ni: taa soli pɛ vanaa kan o lɛŋnde Esipte len nin, la hun tosa kaannden o pembei he coo niaa ndaa kpow le ya biiloo.»

Aasee 1:13

O kon mí Hasee, kiilanɔ Mɛlɛka kon tɛɛngul vɛlɛ vannda diom Mɛlɛka sɔɔ ndu o sondo-o aa: «Ì co niaa ikɛi. Diom ya Mɛlɛka soo-o co kon ni.»

Sakari 4:6

Mó mulul-la aa: ‹Diom Mɛlɛka dimul Sorobabɛl-lo co hoo ni aa: ‹O co a kpaaya le o co a mayoomu le niaa tosanin dɛnɛ kon te, kɛ a Kɔl nuu. Ya Mɛlɛka-Nɔ-Kpaayaa-Kpow-vo dimi lende e ni.›

Sakari 8:9

Ya Mɛlɛka-Nɔ-Kpaayaa-Kpow-vo soaa nuaa ni: La lueí yoomuan, niaa co hau sɔɔn vanaa-tɛɛngaa-diom Hala-a dimi lɔ́ɔ́ kon-ndon tueyɔɔ-a. Lɔ́ɔ́ Cɛi-Mɛlɛka-Nɔ-Kpaayaa-Kpow-vo-o kilan tumndo-o nda dimi mun ni, lɔ́ɔ́ nda kandu Cɛi-Hala-o mingio tangullo-o pɛɛn.

Marke 16:20

Má kɔannun a sɔɛi Hala-e dimio nɛɛ-nɛɛ ka. Yeesu va latulu a nda o baala kon nin, mó va nda kpaayaa keo le dɛnnda kaamaalan tosaa. Cɔmndo va kon ni maa toɲaa kaandennda va dimio ni.]

Dɛnnda kiilaa 7:9

Puapilɛa Yosɛf-a a va ndu Yosɛf paŋalaa, má pisi ndu haliko mo va cɛɔ Esipte. Kɛ Hala va ndu ikɛi.

1Korɛntea 16:13

La pɔɛɛnun te, la sim yili o laalanndo nin, la luei yoomuan a kpaayaa.

Efɛsea 6:10

Le sɔɛi siowvo, la luei yoomuan o Maalii nin a o kpaaya ndɔ bɛndu-bɛndoo nin.

Tɔŋ miingua 31:23

O kon kɔɔli, mí Mɛlɛka soaa o Yosue po Nun-ndo lo, mó dimul ndu aa: «Lueinun yoomuan ma sim yili. Kani nɔm co lakɔ Israɛlla luei o lɛŋnde ya yiilu nda kpemaa mí mɛnan-nden nin ni. Ya pila vanin nɔm ikɛi.»

2Timote 2:1

Nɔm yɛ niko, po nuu, luei yoomuan le kɛndɛi naa n sɔla Yeesu Krista o ba-e.

2Timote 4:17

Mɛlɛka mala ya ni, mó luei ya yoomuan, o kon mó tosa mí tiiyal vannda Yoongu Kɛndɔɔ mɛɛ o co faw yɛ, mí vanaa sina Hala le-a kpow a tuɛi. O kon mí Mɛlɛka baŋa ya, a dii ya le.

Yosue 1:6

Lueinun yoomuan ma sim yili, kani nɔm tosanin ni mì vannda ha sɔla lɛŋnde ya yiilu fuɲaa ndaa kpemaa le nda len yɔngoo kɛ́ɔ len.

Yosue 1:9

Ya le dimul nɔm te áá lueinun yoomuan ma sim yili? Siòòŋii bii nɔm te, vu n'dial te, kani nɛɛ-nɛɛ n kɔɛ pɛ, ya Mɛlɛka Hala nɔmndo, i vanin nɔm ikɛi.»

Masaa kialaa n'yamaa 2:18

Masa kialaa n'yama oo masa kialaa n'yama Mɛlɛka ndóò simi pɛ nda laci, háá mí masa kialaa n'yama kon ndóò vi, Mɛlɛka va ndu ikɛi le nda baŋaa yaamɔaa ndaa o ba. Kani ɲííye va Mɛlɛka a nda le koŋul nda va o bɛpɛla yaamɔaa ndaa va nda tuisio coo-o bɛngu-o.

1Samiɛl 16:18

Mí buɛiyo pilɛ cua sɔɛi, mó dimi aa: «I sina langbanɔɔ pum, po Yisai Bɛtlɛhɛmnɔ-o, vana ɲɛ-caa kɛndɛ-kɛndɛ o co ni, vana dialun kalaa a kuubanɔ cɔwvo o co vɛlɛ ni. O caa sɔɛi, o naŋ hɔlla, hiovɔɔ o kon coo, Mɛlɛka co ndu ikɛi.»