Aasee 1:8 - BII BILA

⁸ Le hee, la hel o pembon coo, mì la kɔ hun a yɔmnde, mì la mingi Cɛi nuu tangul. O kon, i naŋnin kɔl le biilu nuu sɔlaa lenin, ya Mɛlɛka dimi lende ni.

Aasee 1:8 Iomraidhean Croise

1Masaa 6:1

Israɛlla fulaa o cɛlen nin Esipte, má tosa vɔsilan kɛmɛ lehiɔɔlu a belaŋɔmaa, Salomɔn ndóò nɔ nin vɔsilan tan hiɔɔlu o masale ndɔlen nin, o paangii diinndɔɛi nin, i ndáà veelu aa paangii Siv-e, mí Salomɔn kandu Cɛi-Hala-o tangullo.

1Masaa 9:3

Mó dimul ndu aa: «I cɛl piɛile tɛɛlannde n piɛi ya len, i dindi Cɛi n tengul-la hoo le diola nilan vaa piɔlnɔnndo lenin le lɔ́ɔ́-lɔ́ɔ̀-o, i nɔnin vɛlɛ hɔlla a kɔllo lecoo lɔ́ɔ́-lɔ́ɔ̀.

1Dɛnnda lemasalan 22:19

La handu niko kɔlta niaalan a yiyannda niaalan kpow Mɛlɛka Hala niaa coo. La cɔn mì la tangul Fonda-Diandaa Mɛlɛka Hala-o. O cɛi kon nin niaa lueinin kesu kpema Mɛlɛka-o a ɲɛm baalan siŋnun teengen le ndu Mɛlɛka-on ni, o niaa tangulnin kon o diola ndɔla lan-ndo.»

2Dɛnnda lemasalan 7:16

I hɛli Cɛiyo ho mí dindi ndu le ya Mɛlɛka, haliko mi diola nilan la va piɔlnɔnndo lenin le fɛɛn a fɛɛn. Hɔlte nilen a kɔl nuu vanin nanu le lɔ́ɔ́-lɔ́ɔ̀.

Ɛsdras 3:7

Má ke vanaa sialaa lapowva a vanaa cuaa layindɔa volion, má yɔngu vɛlɛ Sidɔnnda a vannda Tir ɲɛm dian, má yɔngu nda ɲɛ-ɲɛ vana kol, má yɔngu nda cuɛiyan, haliko mi ndáà cua yɔmii sɛɛdrei Liban, mì ndáà hin a ndi o mɛmma ihɛllan coo háá Yopé. Siris masa Pɛrsea vem nda kon kpede tosaa ni.

Ɛsdras 6:4

Mà kɛsi powta sialaalan polan man yáá a pɛngɛn celulan sɛnɛiyon polalen lepilɛ. Vɔngu kon kpow fulanin o kesu lemasaa nin.

Fulaa 29:43

Lon ya vanin bɔŋanndo a Israɛlla ni, biilu nuu co fonda kon dindi.

Esai 60:13

Naŋɔɔ Liban-ndo hunnin o nɔm ndo, yɔmii siprɛs, ɔrme a buis hunnin kpow, le nɛɛ cɛi-kola-toandaa diandaa nuu co-a nɛŋio. Nduyɛ, i siinguunin fonda pelun nun co coo-o fonda biilaa.

Esai 60:7

Cɔlua Kedar kpow cuungiannin o nɔm ndo, saa kóndóa Nebayɔt a vanin nɔm o ba bɛngu, a yɔngunnin le sálà loamaa solio o fonda-loamaa-lasálà nuu coo, a hɛnannin ya, i yɔngunin cɛi ni ivanabɛnduyaa naŋɔɔ taw.

Esai 66:11

haliko mi la vɔɛi mɛɛle ndɔle ɲɔɔlu vana len, mì la pim ca, haliko mi la sɔɔsiaa biilu ndɔ peelan bɛndu-bɛndoo, mì la tuei ndu yeela tɛfulu.

Aasee 1:7

I co niaa ndi cɔɔlu dimul, ya Mɛlɛka-Nɔ-Kpaayaa-Kpow-vo: Niaa pila yiyan-ndɔ ɲɛ co niaa tosalanndo-o.

Aasee 2:7

I hiiluunin vanaa-mangalaa-isɔɔa kpede, mì bolofaa ndaa kpow hin nanu, mì pei Cɛiyo ho a biiloo. Ya Mɛlɛka-Nɔ-Kpaayaa-Kpow-vo dimi lende ni.

Aasee 2:9

Biilu Cɛiyo ho hiawnin biilu Cɛi tasoo, Mɛlɛka-Nɔ-Kpaayaa-Kpow-vo dimi lende ni. I kenin niaa kɔlɲuloo o fonda kon. Diom ya Mɛlɛka-Nɔ-Kpaayaa-Kpow-vo soo-o co kon ni.›»