Aasee 1:5 - BII BILA

⁵ Sisa, Mɛlɛka-Nɔ-Kpaayaa-Kpow-vo dimi aa: ‹Niaa pila yiyan-ndɔ ɲɛ co niaa tosalanndo-o.

Aasee 1:5 Iomraidhean Croise

Condii lisai 48:13

La balu vɔ Siɔn mì la kela lenin, mì la cɔm cɛila cumulaa coocoola co lenin-ndan.

Fulaa 7:23

Mó mulin, mó luɛinun o ndu lo cɛinin, o ci bɛɛ sɔɛi ken maa isɔɔ le.

Fulaa 9:21

Kɛ vanaa siòòŋii bii a sɔɛi Mɛlɛka-i ken te-a, mí nda mɛi buɛyaa ndaa a cɔlua ndaa yondoo nin.

Cɛɛŋɔnnda Yeremi lan 3:40

N mɛɛndian ndɔ kelala naalan, n dɔwnun-ndɔ lan taasi, o kon, mì n muungun Mɛlɛka o ibuŋ.

Esekiɛl 18:28

Te o kumbi pɛ hɔltan mò mulul dɛnnda vɔɔnnda o va tosaa lan kɔɔ, o lonin yoomu lekɛ́ndɛi, o vinin te.

Esekiɛl 40:4

Mí langbanɔ kon dimul-la aa: «Po vanacieo sei, tofa mà mɛɛndan ɲɛkɛndɛi, mà yaŋ nilan yékén. Handu hɔlla o dɛnnda ya co nɔm cɔm-ndan kpede coo, mà dɔw lan taasi. Kani le lan tofaa a lan mɛɛndanndo nda hin a nɔm nanu ni. A cii pɛ cɔ, a kɔ downun cuavaa Israɛlla kona, a tɛɛsial nda ɲɛ-ɲɛ n co hunɔɔ cɔ a lehɔl.

Daniɛl 10:12

Mó dimul-la aa: ‹Siòòŋii bíì nɔm te, Daniɛl, kani kabi paale tasele n yiyan le sɔɔn co yɔŋnɔnndo-on sinaa a le tuisinndo tootoo Hala o hɔl-ten, mí Hala tuɛi nɔm diom. Lelan ya hin o nɔm ndo ni.

Daniɛl 6:14

O kon, má dimul masaa aa: «Kɛ Daniɛl, vana hin ho o biyɔɔ nin fulaa Yuda-o, o nɔ lebɛɛ a nɔm te. O nɔ vɛlɛ kpeku a tɔŋ n yii-o le. Kani bɛmbɛ leyáá o piɛi Hala ndɔɔ o paalen nin ni.»

Aasee 1:4

«Vɛ̀ɛ̀ telenndo tiiya le niaa pila, mì la vannun o cɛila sɔvɛla kɛndɛ-kɛndɛlan nin, mì Cɛi nuu vá o piɔlɛiyo?»

Aasee 1:6

La co saŋɔɔ taw, kɛ la co ɲɛ bɔɔ kovɔɔ le. La co dioo, kɛ la co pum te. La co kolɔɔ, kɛ ma co niaa biyɔɔ le. La co volɔɔlan cuɛinɔnndo, kɛ la co niaa hangul heelu le. Sala vana baalaa co sɔlaa-o co luɛyɔɔ o bɔlɔ buliɛiyo nin.

Aasee 1:7

I co niaa ndi cɔɔlu dimul, ya Mɛlɛka-Nɔ-Kpaayaa-Kpow-vo: Niaa pila yiyan-ndɔ ɲɛ co niaa tosalanndo-o.

Luke 15:17

O kon, mó kandu yiyanndo, mó dimin o kɔl nin aa: ‹Vanaa baalaa co fuɲa nuu o ba taw, a co ɲɛdiaa dioo, a co cii le, mì ya ya i va vuo a yiaan nanu nuaa!

2Korɛntea 13:5

Niaa pila yaasiaa vɔ kɔlta niaalan ɲɛkɛndɛi, le sinaa te la nɔ pɛ laalanndo. Niaa pila solin kɔlɔ. Vɛ̀ɛ̀ la co sínà le maa Yeesu Krista co niaa nin? Te la cee kɔlɔ solin te, fɔ le kon.

Kalatea 6:4

Kɛ vana-vana mɛɛndian kela ndɔɔ ɲɛkɛndɛi. Te ndu pila ce yɛ pɛ maa o nɔ dí mò sangalan, mɛɛ ndu pila sangalan, kɛ o va le tuvanndo a caanda le.