Aasee 1:4 - BII BILA

⁴ «Vɛ̀ɛ̀ telenndo tiiya le niaa pila, mì la vannun o cɛila sɔvɛla kɛndɛ-kɛndɛlan nin, mì Cɛi nuu vá o piɔlɛiyo?»

Aasee 1:4 Iomraidhean Croise

2Samiɛl 7:2

Paale pilɛ, mí masa kon dimul Natan vana-tɛɛngaa-diom Hala-o aa: «Tofa vɔ, ya i co icali o cɛi tangulun a yɔmii sɛɛdrei-yo nin, mì kesu kpema Mɛlɛka-o ndu va o cɛi-kola-toandaa nin.»

2Masaa 5:26

Kɛ mí Elise dimul ndu aa: «Kɔl nuu va lon telen langbanɔɔ pum va tolɔɔ o ɲɛ ɲaanan ndɔ soa nan-ndo coo le nɔm bɔŋaa-o. Vɛ̀ɛ̀ telen biyaa lavolɔɔ a telen biyaa n'volio co hoo ni? Sisa a sɔla volion le nakɔla olivieelan a nakɔla n'rɛsɛnndan piondɔɔ a mun, le cɔlua pɔmbɔa a cɔlua bɛndua piondɔɔ a mun a le cɛa piaandua a cɛa laandua piondɔɔ a mun.

Condii lisai 102:14

Ɲííye biinin nɔm a vannda Siɔn, kani telenndo co hoo ni, le nda kɛndɛi tosallo, a toɲa, telenndo tiiya.

Condii lisai 74:7

A mal Cɛi nɔm diandaa yin, à komba calta nɔmndan lɛŋ, má nɔɔliaa nɛɛ diola nɔmndan la co kan piɔlnɔnndo-a.

Vana Kɔlkaloo 3:3

Telenndo co le diyɔɔ, telenndo co le singio, telenndo co le puusiaa, telenndo co le tangullo.

Yeremi 22:14

O co dimio aa: ‹I co cɛi bɛndoo baŋɔɔ, mì cɛila leninndan la va fɛkɛi.› A bii pɛ, a soli diola pɔmbɔlan, a kɛɛmiaa cii ndɔɛi a yɔmii sɛɛdre, a yin ndi yinɔɔ siaŋaa.

Yeremi 26:18

«O telen Esekia va masalen tosaa Yuda-o, vana-tɛɛngaa-diom Hala-o pum va, diolan Misee, fulaa Moresɛt. Mí ndóò dimul vannda Yuda kpow aa: O Mɛlɛka-Nɔ-Kpaayaa-Kpow-vo dimi-o co hoo ni aa: ‹Siɔn vaanunnin maa iciɛɛ, Yerusalɛm siŋnunnin bémbélan kposon, mì bɔɔla n'yɔɔlan la vil o pembii Cɛi-Hala-o co coo-e coo.›

Yeremi 26:6

Te la tui le, i tɛɛmbuunin Cɛi-Hala-o ho mɛɛ ya tɛɛmbuu hoo Silo yɛ. Mì siinguu Yerusalɛm tɔɔmasele mɛnaa vanaa-mangalaa-isɔɔa kpow tɛɛn.›»

Yeremi 33:10

Diom Mɛlɛka dimi-o co hoo ni aa: «Niaa vannda Yuda, la co dimio aa: ‹Lɛŋnden nden le vesa, vanaciee co lɛ lenin te, visia co lɛ lenin te.›» A toɲa, vanndacieea a visia co lɛ o tàndá Yuda-o a o nɛila Yerusalɛm-ndan coo le. Kɛ nduyɛ, vana hun tuɛinin vɛlɛ

Yeremi 33:12

Diom Mɛlɛka-Nɔ-Kpaayaa-Kpow-vo dimi vɛlɛ-o co hoo ni aa: «Hèélan la hun vanin vɛlɛ le vanaa mandaa n'cɔlua cɔlua ndaa yambɔɔ pɛngio o lɛŋnde len nin a o kobila ndɔlan nin kpow. Lɛŋnde len le co fondo, n'vanndaciee co lenin te, n'cɔlu vɛlɛ le.

Yeremi 52:13

Mó loam Cɛi-Hala-o, cɛi masaa, a cɛila va o kobio nin-ndan, taama-taama la simlacia.

Cɛɛŋɔnnda Yeremi lan 2:7

Mí Mɛlɛka kɛɛ fonda-loamaa-lasálàá ndɔɔ, mí cɛi-kola-toandaa ndɔ diandaa nɛinun ndu. Mó mal kpakila cɛila lemasalan Siɔn yaamɔɔa o ba. Mí yoondiaalan la va sɔɛi o Cɛi-Mɛlɛka-o nin, maa o paale kafo coo.

Cɛɛŋɔnnda Yeremi lan 4:1

«Kpòkóó! Vɛ̀ɛ̀ sianin sɔvɛɔn mun n looku yɛ sɔvaa, sianin diandan mun pɛɛn? Powta diandaalan la cuu saŋnɔn o sɔngila nɛila pɔmbɔlan kpow.

Esekiɛl 24:21

Dimul cuavaa Israɛlla aa nuaa Maalii Hala dimi ni aa: ‹Tofa vɔ, i co fonda diandaa nɔɔliaa, o co kon tosaa, mì la va lisanndo a yoomuan-ndo, o hɔlta niaalan la co kon mɛɛndanndo a kɔlkɛndɔɔ-o, cɛi ni yoomula niaalan la tiindan kon-ndo pɛɛn. Poaa niaa a cuavaa niaa laandua niaa mɛinin-nda a sɔlanin piɔ́mndan o mɔɔn cɔwvon bɛngu.

Tɔŋ lasálàá 19:25

Kandɔɔ nin o vɔsi ŋuɛɛnundɔɔ, la nɔla mì la kɛndu kɔmnde len le niaa pila, mì la de. Te la tosa pɛ lende, tɔlɔɔla niaalan la kom kɔmnden pila, la vangalan. Ya co Mɛlɛka ni, Hala niaa pɛɛn.

Misee 3:12

Le dɛnnda niaala lan, Siɔn vaanunnin maa iciɛɛ, Yerusalɛm siŋnunnin bémbélan kposon, mì pembii Cɛi-Hala-o i siŋnun yondoo.»

Aasee 1:3

O kon, mí sɔɛi Mɛlɛka-e tɛɛngulun nda a sondo Hasee va vana-tɛɛngaa-diom Hala-o-o aa:

Aasee 1:5

Sisa, Mɛlɛka-Nɔ-Kpaayaa-Kpow-vo dimi aa: ‹Niaa pila yiyan-ndɔ ɲɛ co niaa tosalanndo-o.

Aasee 1:9

La va yiyanndo maa niáà sɔlanin taw, kɛ la tofa vɔ ɲɛ-pɔmbɔ niaa sɔla-o. O pɔmbɔ niaa fula vɛlɛ kon o ba ciee-o, mí hul ndu, mó sɛŋin niaa o ba kpede. Le yɛɛ nɛ ken tosan yɛ lende? Ya Mɛlɛka-Nɔ-Kpaayaa-Kpow-vo ɲuna nuaa ni. Ken tosan fondo le, le tùú niaa mal Cɛi nuu o piɔlɛiyo, mí vana-vana landu hɔlla o cɛi ndɔ ndu pilaa coo-o.

Matie 6:33

La nuwviaa vɔ fɔlɔn masale Hala len a dɛnɛ sandaa ndɔɔ. O kon, ɲɛm mun kpow n hendulun niaa lecoo.

Filipea 2:21

kani vana-vana co tɔnɔ ndɔ ndu pila-o nuwviaa, a co buulan le dɛnɛ Yeesu Krista-o le.