Aasee 1:2 - BII BILA

² «Nuaa Mɛlɛka-Nɔ-Kpaayaa-Kpow-vo dimi ni aa: ‹Vannda ha co dimio aa telenndo tiiya vɔ le, telenndo le Cɛi-Mɛlɛka-o mingio tangullo.›»

Aasee 1:2 Iomraidhean Croise

2Masaa 12:7

Kɛ háá o vɔsi bidiin a o yàándɔɔ o masale Yoas len nin, vanaa-solia-lasálàá ndáà toosiaa vɔ ɲɛ-ɲɛ o Cɛi-Hala-o nin te.

Ɛsdras 4:23

Mɛɛ sɛbɛ masaa Artasɛrsɛs sɛva-o dimin dɔ́ɔ́ Rehum, Simsai a caaŋaa ndaa o hɔl, má kɔa cɔ́-cɔ́ Yerusalɛm, má komal Yuifia, má kuuna nda tangul kon a paa-kala.

Nehemi 4:10

Kandɔɔ telen kon, mí piɔw vanaa nia baalaa kundalan tan tiɔn: kunda tasoo va baalaa, mì kunda diinndɔɔ ndu sim a volɔɔla cɔwlan o ba: báltan, kɔ̀ɔ̀la cɔwlan, kpaasiaalan a domala cɔwlan o ba. Vanaa bɛndua kpow a va Yudaa simndan kɔɔli.

Talelan 22:13

Vana siɛlɛiyo cɛn pɛ o dimi aa: «Yàlàá co o bɛ́ɛ̀, yɔŋii o dii ya o nɛi déŋ!»

Talelan 29:25

Vana yɔŋ pɛ siòònde a vanndacieea mɛɛ yaŋɔɔlen le co ndu laci. Kɛ vana tiindan pɛ Mɛlɛka, ndu sɔla kandaa.

Vana Kɔlkaloo 11:4

Vana-vana lo pɛ hoeiye tofaa, mɛɛ ndu veenin iciɛɛ le. Vana-vana lo pɛ piɔɔ helaa tofaa, mɛɛ ndu kuwnin te.

Vana Kɔlkaloo 3:3

Telenndo co le diyɔɔ, telenndo co le singio, telenndo co le puusiaa, telenndo co le tangullo.

Vana Kɔlkaloo 9:10

Ɲɛ-ɲɛ ba nɔmndo nɔla pɛ tosaa, tosa ndu a yoomuma nɔmndan kpow. Bau nɛɛ n kɔanin ciee-piɔ́m-nda, vana tiwba ɲɛ-ɲɛ tosa lon te, vana tiwba yiyanndo lon te, kɔlkalu co lon te, dɛnɛ sinaa co lon te.

Aasee 1:1

O vɔsi diinndɔɔ nin o masale Darius le bɛngu, paale taselen o paangii ŋɔmpumndɔɛi nin, mí Mɛlɛka soaa o Hasee lo, o va vana-tɛɛngaa-diom Hala-o-o. Mó dimul ndu le yoongoo tɛɛnguuo o masa ibungaa Yuda lo, Sorobabɛl po Sealtiɛl-lo pɛɛn, a o Yosue lo, o va bolle vanaa-solia-lasálàá-o, po Yehosadak-o o va ni. Yoongu kon yɔŋnun hoo ni:

Aasee 1:3

O kon, mí sɔɛi Mɛlɛka-e tɛɛngulun nda a sondo Hasee va vana-tɛɛngaa-diom Hala-o-o aa:

Kundalan 13:31

Kɛ mí vanaa nda kɔɛ suansuaannden latulu-a va dimio aa: «N nɔ́là vanaa co kan o lɛŋnde len nin-nda le, kani a hiow naa yoomuan.»