Aasee 1:1 - BII BILA

¹ O vɔsi diinndɔɔ nin o masale Darius le bɛngu, paale taselen o paangii ŋɔmpumndɔɛi nin, mí Mɛlɛka soaa o Hasee lo, o va vana-tɛɛngaa-diom Hala-o-o. Mó dimul ndu le yoongoo tɛɛnguuo o masa ibungaa Yuda lo, Sorobabɛl po Sealtiɛl-lo pɛɛn, a o Yosue lo, o va bolle vanaa-solia-lasálàá-o, po Yehosadak-o o va ni. Yoongu kon yɔŋnun hoo ni:

Aasee 1:1 Iomraidhean Croise

1Masaa 10:15

handɔɔ o mulu ndóò bii vanaa hun a vɔngulan o lɛŋnden nin-nda a yulaa o ba-o coo, handɔɔ niko o mulu masaa n'bungaa ndáà bii mialla o ba-o coo.

1Masaa 14:18

Má kumbu ndu, mí Israɛlla kpow a tosa biisi ndɔɔ mɛɛ Mɛlɛka ndóò dimi a sondo Ahiya, vana-tɛɛngaa-diom Hala-o yɛ.

2Masaa 14:25

Mó mingin lɛŋii va paandu le Israɛlla-e kpow o ba, cɔnɔnndo Hamat kɔlan háá o mɛmma hɛlii bɛnduan, maa mɛɛ diom Mɛlɛka Hala Israɛlla ndóò dimin a sondo vana ndɔ baalaa Yonas-o yɛ, Yonas vana-tɛɛngaa-diom Hala-o pɛɛn, po Amitai fula Kat-Hefɛr-o.

1Dɛnnda lemasalan 3:17

mí Yekonia ndáà kɔɛ o biyɔɔ nin-ndo vialu Seatiɛl,

1Dɛnnda lemasalan 3:19

Mí Pedaya vialu Sorobabɛl a Simei. Mí Sorobabɛl vialu Mesulam a Hanania, Selomit va yema nda ni.

Ɛsdras 1:8

Mí ndu Siris masa Pɛrsea viam Mitredat, ó va bolofaa mandaa-o, mó kɔ cua ɲɛm mun. Mɛɛ o cii mun cɔm, mó yɔngu Sɛsbasar va simlacinɔɔ Yuda-o mun.

Ɛsdras 10:18

O polama vanaa-solia-lasálàá nin, vanaa ndáà yil laandaa mangalaa isɔɔa o nɔ̀lan-nda va haa ni: o polale Yosue po Yosadak-o len coo a o polama puapilɛa ndɔa coo, má saalun Maseya, Eliesɛr, Yarib a Kedalia,

Ɛsdras 2:2

Vanaa sim nda laci o muungu kon nin-nda yɔŋnun haa ni: Sorobabɛl, Yosue, Nehemi, Seraya, Reelaya, Mardosee, Bilsan, Mispar, Bikvai, Rehum a Baana. Mɛɛ vanpiaandua va sɛ́lɔ́ɔ́ o cuavaa Israɛlla tɛɛn yɛ va hoo ni:

Ɛsdras 2:63

O kon mí masa ibungaa kuuna nda le ɲɛm diandan dioo háá lɔ́ɔ́ vana-solia-lasálàá ɲunanin Mɛlɛka o siondei malɔɔ a o urim a tumim tofaa nin-ndo.

Ɛsdras 3:2

Mí Yosue, po Yosadak-o can nda puapilɛa ndɔa, vanaa-solia-lasálàá pɛɛn, a Sorobabɛl po Sealtiɛl-lo nda puapilɛa ndɔa, má kandu fonda-loamaa-lasálà Hala Israɛlla cɔvɔɔ, le sálàla loamaalan solio lecoo maa mɛɛ o va o sɛvaa o tɔŋ Moise vana baala Hala-o nin yɛ.

Ɛsdras 3:8

Vɔsi diinndɔɔ o muungu vanaa va o biyɔɔ nin-nda muungu Yerusalɛm o Cɛi-Hala-o nin-ndo kɔɔli, o paangii diinndɔɛi nin o vɔsi kon nin, mí Sorobabɛl po Sealtiɛl-lo nda Yosue po Yosadak-o kandu baalaa nda puapilɛa ndaa vanaa-solia-lasálàá, leviia a vanaa fula o biyɔɔ nin má muungu Yerusalɛm-nda kpow latulu. Leviia, áà nɔ vɔsilan bidiin a ɲɛ lecoo-a, nda va vanáà bɛnda le simndan baala Cɛi-Mɛlɛka-o laci-a ni.

Ɛsdras 4:2

mí yaamɔaa kan hun o Sorobabɛl-lo a o vanaa va bolii lapangɛi-ya lo, má dimul nda aa: «N yeema mi n mala niaa Cɛi-Hala-o ho mingi tangul, kani Hala pilɛ kon koni naa n co biiloo naa niaa ni, o co lɛ hau le naa n co ndu sálàlan solullo le, kabi o paale Asarhadɔn masaa Asiri len, o cuu naa nanu-o.»

Ɛsdras 4:24

Kandɔɔ ɲinkon, baala tangulaa Cɛi-Hala kon tosan ndɛ le, mó lo lende háá o vɔsi diinndɔɔ nin o masale Darius masa Pɛrsea len bɛngu.

Ɛsdras 5:1

Paale pilɛ, mí vana-tɛɛngaa-diom Hala-o Hasee nda vana-tɛɛngaa-diom Hala-o Sakari po imama Ido-o soaa o Yuifia va o tàndá Yuda-o nin-nda lo a o Yuifia va Yerusalɛm-nda lo o diola Hala Israɛlla, Hala va nda coo-o pɛɛn.

Ɛsdras 5:3

O palɛi ken nin, mí Tatnai, ó va masa ibungaa o tàndá va o pee bɛndoo Efrate leeloo a ba paalen le del-lo coo-o, Setar-Bɔsnai a caaŋaa ndaa a hun komal nda, má ɲuna nda aa: «Nɛ̀ɛ́-nɛ̀ vem yɛ niaa le Cɛi-Hala-o ho mingio tangullo a le cii ndɔɛi mingio cɔvɔɔ?

Ɛsdras 6:14

Mí vanaa kɔlkalua Yuifia hiaw laci a tangullo, mí vali kalaa biinun bila nda o ba, kani vana-tɛɛngaa-diom Hala-o Hasee nda Sakari po Ido-o a va sɔɛi o nda lo le nda yoomuan lueiyo o silalan nin. Má siow tangullo maa mɛɛ Hala Israɛlla ndóò dimul nda yɛ. Má tosa baalaa mɛɛ tɔŋ Siris-o, tɔŋ Darius-o a tɔŋ Artasɛrsɛs masa Pɛrsea va yɛ.

Nehemi 12:1

«Diola vanaa-solia-lasálàá a leviaa fula o cɛlen nin, má muungu latulu a Sorobabɛl po Sealtiɛl-lo nda Yosue-a la co lan ni: Seraya Yeremi, Ɛsdras,

Nehemi 12:10

Yesua velu Yoyakim ni, mí Yoyakim vialu Eliasib, mí Eliasib vialu Yoyada.

Nehemi 5:14

Kandɔɔ o vɔsi bidiinndɔɔ kɔlan háá o vɔsi beleyaa a o diinndɔɔ, mí masaa Artasɛrsɛs suili ya masa ibungaa o tàndá Yuda-o coo. O vosila tɔ́ a latiɔnnda lan bɛngu, puapilɛa nia a ya pila, n di ɲɛm lemasa le.

Nehemi 7:7

Vanaa sim nda laci o muungu kon-nda yɔŋnun haa ni: Sorobabɛl, Yosue, Nehemi, Asaria, Ramia, Nahamani, Mardosee, Bilsan, Misperɛt, Bikvai, Nehum a Baana. Mɛɛ vanpiaandua Israɛlla va sɛ́lɛ́ yɛ co hoo ni:

Nehemi 8:9

Mɛɛ vannda tuei sɔɔn tɔŋndo dimi-on, mí nda kpow a del a caŋndo. Mí Nehemi masa ibungaa, Ɛsdras va vana-solia-lasálàá a vana sɛvaa latɔŋndo-o a leviaa va vannda pɛɛkulan yɔngoo-a dimul nda aa: «Paalen nden hau, paale diandaalen le co le Mɛlɛka Hala niaa ni. Lelan la va hau a hɔlaa yiyaa le, la caŋ te!»

Fulaa 4:13

Mí Moise dimul Mɛlɛka aa: «A yandi Maalii, viom vana celen n yeemanin le viomɔɔ-o.»

Aasee 1:12

Mí Sorobabɛl po Sealtiɛl-lo, Yosue bolle vanaa-solia-lasálàá, po Yehosadak-o a vanaa hin fula o biyɔɔ nin-nda kpow a bii sɔɛi Mɛlɛka Hala ndaa dimi ken-nde, ì Hasee vana-tɛɛngaa-diom Hala-o tɛɛngul nda ken-nde. Nuaa Hasee tosa ɲɛ Mɛlɛka vem ndu tosaa-o ni, mí siòònde bii vannda kpow a Mɛlɛka.

Aasee 1:14

Mí Mɛlɛka hiiluu Sorobabɛl po Sealtiɛl-lo, o va kon masa ibungaa Yuda-o a Yosue po Yehosadak va bolle vanaa-solia-lasálàá kɔltan nin, mó hiiluu vɛlɛ vanaa tɔ̀a hin fula o biyɔɔ nin-nda kpow kɔltan nin le baala kon kandɔɔ. Má kandu baalaa le Cɛi-Mɛlɛka-Nɔ-Kpaayaa-Kpow-vo, o co Hala ndaa-o mingio tangullo.

Aasee 1:15

O paale bidiin a lehiɔɔlundɔlen coo, o paangii ŋɔmpumndɔɛi nin, o vɔsi diinndɔɔ nin o masale Darius len bɛngu nda kandu baala kon ni.

Aasee 1:2

«Nuaa Mɛlɛka-Nɔ-Kpaayaa-Kpow-vo dimi ni aa: ‹Vannda ha co dimio aa telenndo tiiya vɔ le, telenndo le Cɛi-Mɛlɛka-o mingio tangullo.›»

Aasee 1:3

O kon, mí sɔɛi Mɛlɛka-e tɛɛngulun nda a sondo Hasee va vana-tɛɛngaa-diom Hala-o-o aa:

Aasee 2:10

Paangii ŋɔmahiɔɔlundɔɛi va malɔ bidiin a lehiɔɔlu, o vɔsi diinndɔɔ nin o masale Darius len bɛngu, mí sɔɛi Mɛlɛka-e dimulun Hasee vana-tɛɛngaa-diom Hala-o aa:

Aasee 2:20

O paale bidiin a lehiɔɔlundɔlen coo, o paangii ken nin, mí sɔɛi Mɛlɛka-e dimulun vɛlɛ Hasee o bɛmbɛ diinndɔɔ aa:

Aasee 2:21

«Dimul Sorobabɛl co masa ibungaa Yuda-o maa i co halataalaa a lɛŋnden hiiluu.

Aasee 2:4

Lelan, nɔm Sorobabɛl, luei yoomuan. Ya Mɛlɛka soaa nuaa ni. Nɔm Yosue bolle vanaa-solia-lasálàá, po Yehosadak-o bɛɛ, luei yoomuan. Niaa vanaa tɔ̀a lɛŋnden nin kpow, la lueinun yoomuan. Ya Mɛlɛka soaa nuaa ni. La tosa baalaa, Kani i co niaa ikɛi. Ya Mɛlɛka-Nɔ-Kpaayaa-Kpow-vo o soaa nuaa ni.

Sakari 1:1

Vɔsi Darius cii vɔsilan tan tiɔn o masalen-ndo, o paangii ŋɔmaandɔɛi nin, mí Mɛlɛka soaa o vana-tɛɛngaa-diom Hala-o, Sakari po Berekia-o, po imama Ido-o Sakari kon va ni. Mí Mɛlɛka dimul ndu aa:

Sakari 3:1

«O kon kɔɔli, mó cɔm ya Yosue, bolle vanaa-solia-lasálàá, o va isisi mɛlɛkanɔ Hala-o laci. Vana lɔalaa n'vanndo, Setana va isisi ndu o ba kɛndɔɔ coo le ndu sɔɔn hɛɛnduuvo coo.

Malasi 1:8

La co hunɔɔ a cɔlua sumɛiya, a cɔlua lenamtaa a á cɔlua co a nààlan-nda le nda ya sálàá solullo. Vɛ̀ɛ̀ la ci ken dɛnɛ vɔɔn te? Te la ke pɛ masa ibunga niaa cɔlu vaa lende, vɛ̀ɛ̀ o naŋ pá kɔl a niaa, mò candu niaa? Ya Mɛlɛka-Nɔ-Kpaayaa-Kpow-vo co niaa ɲunaa nuaa ni.

Luke 3:27

po Yohanan-ndo, Yohanan po Resa-o, Resa po Sorobabɛl-lo, Sorobabɛl po Salatiɛl-lo, Salatiɛl po Neri-o, Neri