2Timote 4:3 - BII BILA

³ Kani telen pum co hunɔɔ tiiya, kaannde kpeekpeile Mɛlɛka len le hɛnannin vannda le, kɛ nda pila vanin yeemɛi le ɲɛ hɛnannin nda-o tueyɔɔ o pɛɛkoo.

2Timote 4:3 Iomraidhean Croise

1Masaa 18:22

Mí Elii soaa vɛlɛ, mó dimul vannda aa: «Ya ya, ya pilɛ kpé lo o vanaa-tɛɛngaa-diom Mɛlɛka-a tɛɛn ni. Vanaa-tɛɛngaa-diom Baal-la yɛ nda co n'van kɛmɛ lehiɔɔlu a beleŋuɛɛnu.

1Masaa 22:18

O kon mí masa Israɛlla dimul Yosafat aa: «Vɛ̀ɛ̀ i dimul nɔm te? O dimul-la sɔɛi kɛndɛ lɔ́ɔ́-lɔ́ɔ̀ le, fɔ sɔɔn vɔɔnndon.»

1Masaa 22:8

Mí masa Israɛlla mulul ndu aa: «Vana-tɛɛngaa-diom Hala-o pum co nanu le Mɛlɛka ɲunaa, kɛ i yeema ndu le, kani o dimul-la sɔɔn kɛndɛ lɔ́ɔ́-lɔ́ɔ̀ le, fɔ sɔɔn vɔɔnndon kínɛí, Misee po Yimla-o pɛɛn.» Kɛ mí Yosafat deŋul ndu aa: «Masa suu nuaa le!»

Fulaa 32:33

Mí Mɛlɛka mulul Moise aa: «Vana tosa hakio a ya-o, ndu ya ɲùmi diolan o sɛbɛ ni cindaa nin ni.

Esai 28:12

Ndóò dimul vanaa kan ni aa: «Fondaa ho fonda pɛngiaa o co ni, la mal vanaa sanga-a mà pɛngi nanu, fonda vana vannun o nila ɲulu nin-ndo co hoo ni. Kɛ a cɛl le ndu nilan yaŋɔɔ le.

Esai 30:10

A co vanaa ca siɔdii lacio-a dimullo aa: «La tofa ɲɛ-ɲɛ le dɛ!» A co vanaa-tɛɛngaa-diom Hala-a dimullo aa: «La dimul naa toɲaa o diom Hala-o tɛɛnguuo nin te, la dimul naa sɔɔn lisa naa-on, la tɛɛngul naa vunduma lacòòvan!

Yeremi 18:18

O kon mí vannda pum a dimi aa: «La hun mì n yiinun Yeremi dúmbú! Kani vanaa-solia-lasálàá venin naa lepɛŋ le naa pɛɛkoo le, kaasoŋaa kɔlkalua venin naa lepɛŋ le naa silala kɛndɛlan yɔngoo le, vanaa-tɛɛngaa-diom Hala-a bɛɛ venin naa lepɛŋ le naa sɔɛi Hala-e tɛɛngullo le. N kɔnnun mì n kɔ hɛɛndun ndu sɔɔn coo. N yaŋnun nilan o sɔɔn o vanin dimio-on te!»

Yeremi 27:9

Lelan niaa, la yaŋ vanaa-tɛɛngaa-diom Hala-a niaa lani le, la yaŋ vanaa niaa dimi siɔdii lacio-a, vanaa tɛɛsiaa lɔma sɔlaan-nda, vanaa sina loeon kɔlɔ-a a vanaa mangalaa nilan te. Nda kpede a co niaa dimullo aa la delnin masaa Babilɔn o ba le.

Yeremi 29:8

O Mɛlɛka-Nɔ-Kpaayaa-Kpow-vo, Hala Israɛl-lo dimi-o co hoo ni aa: «La cɛl mì vanaa-tɛɛngaa-diom Hala-a co niaa tɛɛn-nda, vanaa dimi siɔdii lacio-a hiŋ niaa hɔlla le. La lúɛì lɔma niaa co sɔllo-an yii le.

Yeremi 5:31

Vanaa-tɛɛngaa-diom Hala-a co sɔɛi o diola hala fondoo, vanaa-solia-lasálàá nda co tɔnɔ ndaa nuwviaa tuŋ. Ɲɛ hɛnan yɛ vanaa niaa-o co kon ni. Kɛ nduyɛ o mɛɛlulan, vɛɛ niaa yɔŋ yɛnin?›»

Misee 2:11

Vanaa caa còòlan bɛɛndiaa, má va lan keiyo saŋɔɔ o hoeiye nin-nda cɛn pɛ a dimul nda aa: ‹La co hunɔɔ mɔiyan sɔla, mɔima nɛyaa-nɛyan pɛɛn.› Vanaa-tɛɛngaa-diom Hala-a vaa lende a bɛnda le vannda ha ni.»

Luke 20:19

Fɔ́ɔ́fɔ̀, mí vanaa sɛvaa latɔŋnda a bolii vanaa-solia-lasálàá can nɛilan nuwviaa le ndu biyɔɔ. Kani má bii bila maa le nda ndóò dimi tale kon ni. Kɛ mí siòònde bii nda a vannda.

Luke 6:26

Dangaa co le niaa, te vannda kpow a va pɛ sɔɔn nian kɛndɔn dimio, kani lende fuɲaa ndaa mamaa va dimio a vanaa-tɛɛngaa-diom Hala-a lacòòvaa ni.»

Nsaŋ 8:45

Ya niko, le tùú ya co toɲaa dimio-o niaa co ya kɛɔ laalanndo ni.

Dɛnnda kiilaa 17:21

Nduyɛ, sɔɔn sɛnɛiyon kínɛí vanaa va Atɛn-nda kpow a mialaa va lon-nda ndáà kei dimio ni, te kon te yaŋnɔnndo.

1Korɛntea 2:1

Puapilɛa nia, lɔ́ɔ́ ya kɔɛ o niaa lo le niaa Yoongu kɛndɔɔ tiiyallo-o, i dimul niaa isɔɔ oo isɔɔ o sɔɔn bɛndu nin te, te kon te a kɔlkalu bɛndu le.

1Korɛntea 2:4

Sɔɛi nii a pɛɛku nuu ve fula o kɔlkalu ivanacieeya nin a o sɔɔn bii vana kɔllo-on nin te. Kɛ kpaaya Hala Kɔl-Diandaa tosa ni mí kon yɔŋnun,

Kalatea 4:16

Mò va maa le toɲa ya co niaa dimullo-o ya siŋnun yaamɔɔ niaa ni?

1Timote 1:10

le vanaa tosaa dɛnnda nɔɔlɛiya a vanaa co laasianndo-a, le vanaa co yulale n'cɛlen-nda, le vanaa co còòlan dimio-a, le vanaa co mɛɛniannda lacòòvalan-nda a le vanaa-vanaa co pɛɛku toɲaa simullo.

2Timote 1:13

Loonun sɔɔn toɲan n tuei ya o sondo-on, va tɔɔmaseloo o laalanndo a o kaola n nɔ le Yeesu Krista-o nin.

Yude 1:18

A va dimio aa: «O telenndo ho mɛɛlulan, vanaa mam vannda-a cannin balɔɔ a yeemɛi ndɛi vɔɔnde.»