2Timote 2:2 - BII BILA

² Ɲɛ n tuei ya dimio seiya taw o hɔl-lo, pɛɛku vanaa n laalan-nda ndu, a tiwnin ba mà pɛɛku vɛlɛ vanaa celen ndu-a.

2Timote 2:2 Iomraidhean Croise

Ɛsdras 7:10

A toɲa, Ɛsdras ndóò yɔngun a kɔl ndɔɔ kpow le tɔŋ Mɛlɛka-o pɛiyo a le kelaa lecoo, o va vɛlɛ cuavaa Israɛlla tɔŋndan a dɛnɛ sandaa pɛɛkoo.

Ɛsdras 7:25

Nɔm Ɛsdras yɛ, mɛɛ kɔlkalu Hala nɔmndo co yɛ, kɔlkalu co nɔm o ba-o pɛɛn, hɛli vanaa kialaa n'yamaa a vanaa toosiaa n'sɔɔa, haliko mi kan va le yaman kiolɔɔ o tàndá co o peo Efrate leeloo a ba paalen le del-lo-o kpede nin, vanaa sina tɔŋnda Hala lan-nda pɛɛn. Le vanaa sina vɔ tɔŋnda lan te-a yɛ, a bɛnda ma pɛɛku nda lan.

Nehemi 7:2

Mí suili Hanani puapilɛ ni nda Hanania le hɔlten nɔu Yerusalɛm coo. Hanania kon va simlacinɔ cɛi vanaa cɔwva ni, Vana lo o lediom coo-o o va ni, ndóò nɔ siòòŋii Hala-e hiovɔɔ vanaa bɔɔ-bɔɔ coo.

Condii lisai 101:6

I nɔnin vanaa sandaa co o lɛŋnden nin-nda hɔlten coo, haliko ma tosa masalen ya ikɛi. Naa vanaa co kela kɛndɔɔ-a vanin baalaa latulu ni.

Talelan 13:17

Kiilanɔ vɔɔndo hun a dɛnɛ palaa ni, kɛ kiilanɔ toɲaa, ndu toosiaa o toosiaa dɛnndan ni.

Yeremi 23:28

Vana-tɛɛngaa-diom Hala sɔl pɛ lɔma ndɔ, ndu cɔm vannda lɔma o sɔl-lan! Kɛ te i yɔngu ndu pɛ yoongoo pum, o bɛnda mò tɛɛnguu ndu lende kpafii!» Vana tuu billo a kullon te. Mɛlɛka dimi lende ni.

Tɔŋ lasálàá 14:42

Kon cuu pɛ, a cua powta celen, a mingi handɔɔ o fonda powta tasela sɔŋndo pilan-ndan la va-o, a linda vɛlɛ puulu celen a mingi cɛiyo yikpa.

Malasi 2:7

Kani kɔlkalu tɔŋ Hala-o bɛnda mò va vana-solia-lasálàá o sondo ni. Ndu vannda hun ɲunaa a tɔŋndo o kɔɔ ni, kani kiila Mɛlɛka-Nɔ-Kpaayaa-Kpow-vo-o o co ni.

Kundalan 12:7

Kɛ o co ɲɛ pilɛ le o co a vana ni baalaa Moise le. Ndu ndu, vana lo o lediom coo-o o co o ya lo cɛinin kpow ni.

Matie 13:52

Mó dimul nda aa: «Lelan vana sɛvaa latɔŋ kɛ́-kɛ̀ sɔla pɛ pɛɛkoo a masale halataala len o kɔɔ, ndu vel simlacinɔ cɛi soli sɔɔn sɛnɛiyon a n'paandon o bolofaa ndɔɔ nin-ndo.»

Matie 24:25

I cii niaa ndi dimul ei!

Luke 12:42

Mí Maalii mulul ndu aa: «Ɔ́ɔ̀ niko vana baala kɔlkalu lò kon o diomnden coo-o? Ndu co ò vana ndɔ bɛndoo dimulnin le hɔlla landɔɔ cɛi ndɔɔ coo a le vanaa baalaa tɔ̀a ɲɛdiaa yɔngoo a telen bɛnda-o-o ni.

1Korɛntea 4:2

Nduyɛ vana yɔngu ɲɔɔ le mandaa-o bɛnda mò va vana lo o lediom coo-o.

2Korɛntea 2:14

Kɛ n melnun Hala balika, kani o co cɛlɔɔ mì n va dɛnndan tiwvo ba lɔ́ɔ́-lɔ́ɔ̀ o diola Krista lan. O co vɛlɛ tosaa mì n va sɔɛi Krista-e vannda cɔmndo nɛɛ-nɛɛ ka maa mɛɛ lasikɔlɔ cun kɛndɔɔ tiw ba-ba fee nuaa yɛ.

2Korɛntea 3:5

N tiwva mi dimi le maa naa pila co vallo ho tosaa ni, kɛ Hala o ba o co fulaa ni.

Kolɔsea 1:7

Epafras caan naa naa n co vallo latulu-o pɛɛku niaa, ó co vallo le niaa maa vana baala Krista-o.

1Timote 1:12

I mel Maalii naa Yeesu Krista balika, ó luei ya yoomuan le baala ndɔɔ tosaa-o. I mel ndu balika le laalan o laalan ya, mó hɛli ya le baala ndɔɔ tosaa-o.

1Timote 1:18

Po nuu Timote, i co nɔm sɔɔn mun pɛɛkoo mɛɛ sɔɔn siɔdii laci-on n dimin paandu a nɔm o kɔɔ yɛ, haliko ma cɔlɔba cɔlɔba kɛndɔɔ,

1Timote 4:14

Kialun ke Hala ke nɔm-ndo yii le, o n sɔla lɔ́ɔ́ vanaa-tɛɛngaa-diom Hala-a a vanaa bɛndua vanaa Hala-a a handu nɔm balan coo-o.

1Timote 4:6

Taa yɔngu pɛ puapilɛa silalan ndan, mɛɛ a vanin vana baala kɛndɛ Yeesu Krista-o. A dɔawnunnin balo a sɔɔn laalanndon a á pɛɛku toɲaa, o n del kɔɔli ma lo lecoo-o.

1Timote 5:22

Keleŋa baa handɔɔ vanndo coo le, luei balan o yɔŋ vɔɔn caanda nin te. Nɔm pila mandan mà va o diandaa.

1Timote 6:12

Cɔlɔba cɔlɔba toɲaa a laalanndo. Kafalan cinda lɔ́ɔ́-lɔ́ɔ̀, kani le ndu n sɔla veeloo telen n cɔm laalan nɔmndo seiya taw o hɔl-lo ni.

2Timote 3:10

Kɛ nɔm Timote, a bii pɛɛkula nilan bila, a sínà niinu nuu, a sínà dɛnnda ya tuwnun o kɔltan, laalan nuu, biuvɔn nuu, kaola nuu, a mɛɛ ya sim yili o tiindan nuu coo yɛ,

2Timote 3:14

Nɔm nɔm, sɔɔn n pɛi má laalan mun-ndon, lo mun biyɔɔ tuŋ. A sínà vana n pɛɛku mun o ba-o,

Hebreea 2:17

Lelan, mɛɛ mí ndóò vel puapilɛa ndɔa, haliko mi ndóò siŋnun bolle vanaa-solia-lasálàá, vana ikɛndɔɔ a vana lo o lediom coo o baala Hala-o nin-ndo, haliko mo sɔla malɔɔ lahakio le vannda kpow.

1Samiɛl 2:35

O kon kɔɔli, i hɛlinin vana-solia-lasálà sandaa biinin diom nuu-o, ó tosanin hɛnan nuu-o pɛɛn. I yɔngunin ndu poaa, mí poaa kan siŋnun vanaa-solia-lasálàá masa ya hɛlinin-ndo ikɛi le fɛɛn a fɛɛn.