2Timote 2:12 - BII BILA

¹² Te n biwnun pɛ, n tosanin vɛlɛ masalen naa ndaa. Te n kɛɛ pɛ ndu, ndu bɛɛ kɛɛnin naa.

2Timote 2:12 Iomraidhean Croise

Talelan 30:9

Kani te i hiw pɛ sɔlaa, i kɔɛ le nɔm pɔɛɛnɔnndo, i ɲuna dɔ́ɔ́ aa: ‹Nɛ̀ɛ́ co yɛ Mɛlɛka?› Te i hiw vɛlɛ pɛ vaa bala fondo, mì yɔŋ vuilen, i ke nɔm Hala nuu diola vɔɔnndan.

Matie 10:33

Kɛ vana-vana viinun pɛ sɔɛi nii vannda o hɔl, ya bɛɛ i vuununnin sɔɛi ndɔɛi Fuɲa ni co o halataala-o o hɔl.»

Matie 26:35

Mí Piɛr mulul ndu aa: «Hali i sɔla bɛɛ piɔ́mndo, i viinunnin sɔɛi nɔmnde le.» O kon mí kaandennda kpow dimi ɲɛ pilɛ kon.

Matie 26:75

O kon, mí Piɛr yiyan sɔɛi Yeesu ndóò dimul ndu-e aa: «Lɔ́ɔ́ pá kongillo koova, a vuununnin leyáá maa a sina ya le.» Mí Piɛr fula, mó kɔ caŋ taw.

Marke 10:33

Mó dimul nda aa: «Má cè naa helɔɔ Yerusalɛ! À kɔ malnin Po vanacieo bolii vanaa-solia-lasálàá a vanaa pɛɛkaa latɔŋnda o ba. A kialunin yamɛi ndɔɛi, mà yaala ndu le piɔ́mndo sɔlaa, mà mal ndu vanaa sina Hala le-a o ba.

Marke 8:38

Kani vana tosa pɛ siɛmbulan le ya a le sɔɔn nun dimio vanndacieea co haa vaalio ho tɛɛn, a sina haa Hala le-a, a co haa hakilan tosaa-a, Po vanacieo bɛɛ tosanin siɛmbulan a vana kon telen o hunnin o biilu Fuɲa ndɔ-o nin a mɛlɛkaa ndɔa diandaa-o.»

Luke 12:9

Kɛ vana viinun pɛ sɔɛi nii vanndacieea o hɔl, ya bɛɛ i vuununnin sɔɛi vana kon mɛlɛkaa Hala-a o hɔl.

Luke 22:29

Lelan i co niaa masalen yɔngu, maa mɛɛ Fuɲa nuu yɔngu ya yɛ,

Luke 22:30

haliko mi la de, mi la kol naa niaa latulu o masale nilen nin. La calnin vɛlɛ o kpɛŋɛla lemasalan nin le yamɛi polama tɔ́ a mamiɔmma Israɛlla kiolɔɔ.»

Luke 9:26

Kani vana-vana siɛmbulan la bii pɛ le ya a le sɔɔn nun, siɛmbulan la biinin Po vanacieo le vana kon telen o hunnin o biilu ndɔɔ nin, o biilu Fuɲa ndɔ-o nin a o biilu mɛlɛkaa nin-ndo.

Dɛnnda kiilaa 14:22

A va kaandennda yoomuan lueiyo, má va nda silaa le lou o laalan ndaa coo aa: «Mɛɛ mì n ce sangalan taw le luɛyɔɔ o Masale Hala len nin.»

Rɔmnda 5:17

I co toɲa maa piɔ́mndo cɔm kpaaya ndɔɔ le haki vanndo ndu pilɛ tosa-o. Lelan, vanaa sɔla kɛndɛi bɛnduei a dɛnɛ sandaa-a tosanin masalen Yeesu pilɛ kon o ba bɛngu o ceendo coo.

Rɔmnda 8:17

Nduyɛ, te cuavaa ndɔa naa n co ni, mɛɛ vanaa cuaa kɛ-a naa n co ni, vanaa cua kɛ Hala-o-a pɛɛn. Naa Krista-aa n cuanin ndu latulu ni, te n sanga pɛ naa ndaa latulu, haliko mi n sɔla biiloo naa ndaa latulu.

Filipea 1:28

La cɛ̀l mì yaamɔɔa vueinun niaa le. Ken cɔm ni maa o ɲánndávàà nda co kɔlan lou lende ni, kɛ le niaa, cɔmndo co kon ni maa la sɔla cindaa. Nduyɛ, Hala o ba kon fulà ni.

1Timote 5:8

Te vanndo mulul vanaa ndɔa hɔlla le, kɛ taama-taama yungu ndɔɔ, mɛɛ o mal laalanndo, vana vaa lende hiow levɔw a vana laalan too.

Yude 1:4

Kani vanaa vɔɔnda pum a sɔɔŋa niaa tɛɛn, a co dɛnɛ kɛndɛi Hala-e yɛlɛmaa le kela nda laasi-laasio cɛwcɛwvo, nduyɛ Maalii Yeesu Krista, Vana Bɛndu co Maalii-yo nda co kɛɔ lende nuaa ni. Kɛ nduyɛ, kabi sindɛ, Sɛbɛ Hala-o cii nin vanaa vaa lende yaala.

Dɛnnda cɔɔmuanndan 1:6

o siinguu naa kunda lemasaa a vanaa-solia-lasálàá le Hala Fuɲa ndɔ-o pɛɛn. Màá biiloo a kpaayaa va le ndu le fɛɛn a fɛɛn! Amiina.

Dɛnnda cɔɔmuanndan 1:9

«Ya co Nsaŋ ni, puapilɛ niaa co o dɛnɛ palaa pilɔɔ nin, o masale pilɛlen nin a o biuvɔn pilɔɔ nin a niaa o Yeesu nin-ndo. Le sɔɛi Hala-e a le seile Yeesu len, i va o ɲaanɔnndo nin o lɛŋnde co o mɛnndan tɛɛn-nden nin Patmɔs .

Dɛnnda cɔɔmuanndan 2:13

I sina nɛɛ calta nɔmndan la co-a, nɛɛ kpɛŋɛ lemasa Setana-o co-a pɛɛn. Kɛ ma lo o yiinanndo a ya ɲɛkɛndɛi. A mel laalan n laalan ya-o le, hali o palɛi Antipas-e, sei lo o lediom coo a ya-o, o nda dii o niaa lo-o, nɛɛ Setana co-a.

Dɛnnda cɔɔmuanndan 20:4

Mí ca kpɛŋɛla lemasalan, mí vannda cal lecoo. Mí dio kennun nda le yamɛi kiolɔɔ. Mí ca kɔlta vanaa nda kili bolle le seile Yeesu len a le sɔɛi Hala-e-a, a vanaa ndáà beŋ vulan visio a tuula ndɔɔ o labɛngunin te-a, a ndáà sui pondalen o itendu a o baa le-a pɛɛn. Má muungu yoomu, má tosa masalen nda Krista-a latulu le vɔsilan vàá pilɛ.

Dɛnnda cɔɔmuanndan 20:6

Dɛnɛ kɛndɔɔ co le vanaa tendul tendul tase kon, má muungu yoomu-a. Vanaa diandaa nda co ni. Piɔ́m diinndɔɔ nɔ lɛ nda kpaaya coo le. Nda vanin vanaa-solia-lasálàá le Hala a le Krista ni. A tosanin masalen nda ndaa latulu o vɔsila vaa pilɛlan bɛngu.

Dɛnnda cɔɔmuanndan 3:10

Le mɛɛ n bii sɔɛi nii má yɔŋnun vana biuvanndo yɛ, ya bɛɛ i kandanin nɔm o paale dɛnɛ palaale co hunɔɔ o ceendo kpow coo le vanndacieea o lɛŋnden coo kɔlɔɔ solio.

Dɛnnda cɔɔmuanndan 3:21

Vana nɔlanin-ndo, i kɛsinnin ndu ikɛi o kpɛŋɛ ni lemasaa coo maa mɛɛ ya nɔla, mí n kɔ cal naa Fuɲa nuu o kpɛŋɛ ndɔ lemasaa coo yɛ.

Dɛnnda cɔɔmuanndan 3:8

I sínà dɛnnda nɔmndan. Tofa vɔ, i kumbi vakpa nɔm laci, ó vana-vana nɔla kinda loo, kani a nɔ kpaaya bɔɔ le, kɛ a kon kpow, má manda sɔɛi nii, a kɛɛ diola nilan te.

Dɛnnda cɔɔmuanndan 5:10

A siinguu nda masalen a kunda vanaa-solia-lasálàá le Hala naa, nduyɛ a tosanin masalen o lɛŋnden coo.»