2Timote 1:9 - BII BILA

⁹ Ndu Hala ciindiaa naa ni, mó veelu naa veelu diandaa, haliko mi n va vanaa ndɔa, o co le dɛnnda naala kɛndɛlan te, kɛ le tùú ndu pila tuu, mó tosal naa kɛndɛi o Yeesu Krista nin kabi o tasendɔ-o.

2Timote 1:9 Iomraidhean Croise

Matie 1:21

O co hunɔɔ hɔ́ɔ́ piaandoo violɔɔ, mà ke ndu diolan aa Yeesu, kani ndu ciindiaanin vanaa ndɔa ni, mò soli nda o hakila ndalan nin.»

Luke 10:21

O telen kon, mí Yeesu dɔawnun ɲaale a kpaaya Kɔl-Diandaa, mó dimi aa: «I mel nɔm balika, Pua, Mɛlɛka co o halataala a o lɛŋnden coo-o, kani a vin vanaa kɔlkalua a vanaa sinaa dɛnɛa dɛnndan ndan, má cɔm cuaambɔa. Lende i co ni Pua, hɛnan nɔmndo n tosa nuaa ni.

Nsaŋ 17:24

Pua, i yeema mì vanaa n ke ya-a bɛɛ va naa ndaa latulu nɛɛ ya co-a, haliko ma mɛɛndian biilu nuu, o n ke ya-o pɛɛn, kani lɔ́ɔ́ pá mì ceendo cɔawnun, nɔm óò kaola nin ya.

Nsaŋ 17:9

Le nda ya co nɔm piɛiyo ni. O co le ceendo le ya co piɛilen te, kɛ le vanaa n ke ya-a, kani le nɔm nda co ni.

Nsaŋ 6:37

Vanaa kɛ́-kɛ̀ Pua ke ya pɛ, nda hunnin o ya lo, i solinin vɛlɛ vana hin o ya lo-o o dio le,

Dɛnnda kiilaa 15:18

o cɔm vannda tuula ndɔlan kabi sindɛ-o pɛɛn.

Dɛnnda kiilaa 2:47

A va Hala biiloo, mí ɲɔɔ va vannda kpow hɛnanndo a nda. Ɛ̀ɛ̀ nduyɛ, lepalaa-lepala Maalii va vanaa va ciindaa sɔlaa-a handɔɔ o kunda ndaa coo.

Rɔmnda 11:14

I nɔ kɔlkɛsiaa maa te i dimi pɛ lende, ken co kɔl paŋalaa luei vanaa naa n co súú pilɔɔ-a nin, o kon mì vanaa pum a sɔla cindaa.

Rɔmnda 11:29

Kani ke Hala-o a veelu ndɔɔ mangalan te.

Rɔmnda 16:25

N candun Hala! Ó nɔ kpaayaa le niaa yoomuan lueiyo o laalanndo nin-ndo, maa mɛɛ Yoongu kɛndɛ ya cuu niaa-o a sɔɛi Yeesu Krista ya tiiyal niaa-e co yɛ, a mɛɛ sɔɛi vianaŋii naa n sɔla Hala o ba-e i co yɛ. O Yoongu kɛndɛ kon nin Hala co kaamaa co o viannanndo kabi masindɛ-o cɔmndo ni.

Rɔmnda 3:20

Lelan, vana-vana sɔlanin di Hala o hɔl le tɔŋndo biyɔɔ le, kani tɔŋndo tosa ni mì hakio sinan.

Rɔmnda 9:11

cɛlɛkpɛa kan ndáà vilun-ndɔ le, aa tosa vɔ dɛnɛ kɛndɛ, te kon te dɛnɛ vɔɔn te, mí i dimulun Rebeka aa: «Kaasonɔɔ tosalnin o pɔmbɔɔ baalaa.» O dimi kon haliko mi tuu Hala ndóò tuu-o ndóò peelun, o co le dɛnndan te, kɛ le hɛnan vana hɛli-o.

Rɔmnda 9:24

Naa n co yɛ kpɛɛnɛn mun ni, o tasoo, naa o veelu fulaa Yuifia tɛɛn-nda, kɛ kɔ bii niko a vanaa fula vanaa-mangalaa-isɔɔa celen tɛɛn-nda.

1Korɛntea 1:18

Kani sɔɛi Krista vi o yɔm singafilaa coo-e, diɔmnde i co le vanaa co kɔlan o ɲɛ palaa fɛɛn-fɛɛndo nin-nda ni, kɛ le naa vanaa sɔla cindaa-a, kpaaya Hala-o i co ni.

Efɛsea 1:11

O yiinan naa n yiinan a Krista-o, mí naa bɛɛ n sɔla hɛlio. Mɛlɛka ndóò cii nin dɛnɛ kon tosa le naa mɛɛ o tuu yɛ. Mɛlɛka kon pɛɛn, ó tosa dɛnndan kpow mɛɛ hɛnan ndɔɔ co yɛ-o.

Efɛsea 1:9

O cɔm naa sɔɛi vianaŋii ndóò yeema le tosaa-e, sɔɛi vianaŋii kɛndɛ-kɛndɛ ndóò tuu le tosaa o Krista nin-nde.

Efɛsea 2:5

mó mingi naa yoomu naa Krista-a, naa n va nin a vílɛ́iya le tɛɛmbuula naalan-nda. Le kɛndɛi Hala-e niaa sɔla cindaa ni.

Efɛsea 3:11

Ɲɛ ndu Hala tuu kabi o kandɔnndo le tosaa-o, mó peelu ndu o Maalii naa Yeesu Krista nin.

Filipea 3:14

i co kiltan le tiiyaa o mɛɛlulan, le ɲɛ ya co kiltan kɔɔli-o sɔlaa, sala baala Hala ke ya o Yeesu Krista nin-ndo pɛɛn.

1Tesalonikea 4:7

Kani Hala veelu naa le kela o dɛnɛ nɔɔlɛi nin te, kɛ le kelaa o dindinndo nin.

1Timote 1:1

Ya Pol kiilanɔ Yeesu Krista-o, o Hala Vana naa Ciindiaa nda Yeesu Krista Vana naa n tiindan-ndo vem-ndo, ya co sɛbɔɔ ho sɛvaa ni.

2Timote 1:1

Ya Pol siŋnun kiila Yeesu Krista-o o hɛnan Hala-o nin a mɛɛ kpema cindaa co o Yeesu Krista nin yɛ-o.

Tite 1:2

mà sɔla kɔlkɛsiaa le yoomu fɛɛn-fɛɛndo sɔlaa. Hala, o dimi lacòòva loo dimi sɔɛi yoomu kalaa kabi paandu ni.

Hebreea 3:1

Lelan puapilɛa nia vanaa laalannda, niaa Hala veelu-a, la tofa Yeesu, ndu Hala vem le vaa bolle vanaa-solia-lasálàá ni, o naa n co sɔɛi ndɔɛi dimio-o.

1Piɛr 1:20

Mó sɔla hɛlio lɔ́ɔ́ pá mí ceendo cɔawnun, mó fula ceen vakpa o palɛi mɛɛlɛi he le dɛnɛ niaa kɛndɔɔ.

1Piɛr 2:9

Kɛ niaa, vanaa Hala hɛli-a niaa co ni, vanaa-solia-lasálàá lemasaa, kunda diandaa, haliko mi la yonda dɛnnda kɛndɛla vana soli niaa o ɲumndan nin, mó cuu niaa o ɲɛ-tengaa ndɔ sɔvɛɔ-o nin-ndo lan.

Dɛnnda cɔɔmuanndan 13:8

Vanndacieea co o lɛŋnden coo-a kpow a baŋnin ndu vulan o labɛngunin, vanaa diola ndalan láà sɛvan kabi o ceendo kilaa o sɛbɛ cindaa saa téndé nda dii-o nin te-a pɛɛn!

Dɛnnda cɔɔmuanndan 17:8

Visi n ce hoo-o va paandu, kɛ o co lɛ le. O co helɔɔ mò fula o soondo nin, mò kɔɛnnun o ɲánndávàà. Mì vanaa co o lɛŋnden coo, diola ndalan la sɛvan o sɛbɛ yoomaa nin kabi o ceendo kandɔnndo le-a dɔwnun kɔndɔfili le visi kalaa cɔu, kani o va paandu yoomu, kɛ o co lɛ le, o kon kɔɔli mì fula vɛlɛ.