8 Lelan, siɛmbula bii nɔm le seile Maalii naa timbio vannda o hɔl te, siɛmbula bii nɔm vɛlɛ a ya co hoo o kaasoo-o le. Kɛ cɛl mì n sanga latulu le Yoongu Kɛndɔɔ o kpaaya Hala-o bɛngu.
Niaa sina dɛnɛ sandaa-a, niaa vanaa nɔ tɔŋ nuu o lakɔl-la, la yaŋ ya nilan! La buulan le vannda niaa bɛ̀ɛ̀lan tɛɛmbuuo le, la ɲííyà a isiòòn le vanaa kan niaa yeowlan te.
Kani vana tosa pɛ siɛmbulan le ya a le sɔɔn nun dimio vanndacieea co haa vaalio ho tɛɛn, a sina haa Hala le-a, a co haa hakilan tosaa-a, Po vanacieo bɛɛ tosanin siɛmbulan a vana kon telen o hunnin o biilu Fuɲa ndɔ-o nin a mɛlɛkaa ndɔa diandaa-o.»
Kani vana-vana siɛmbulan la bii pɛ le ya a le sɔɔn nun, siɛmbulan la biinin Po vanacieo le vana kon telen o hunnin o biilu ndɔɔ nin, o biilu Fuɲa ndɔ-o nin a o biilu mɛlɛkaa nin-ndo.
N candun Hala! Ó nɔ kpaayaa le niaa yoomuan lueiyo o laalanndo nin-ndo, maa mɛɛ Yoongu kɛndɛ ya cuu niaa-o a sɔɛi Yeesu Krista ya tiiyal niaa-e co yɛ, a mɛɛ sɔɛi vianaŋii naa n sɔla Hala o ba-e i co yɛ. O Yoongu kɛndɛ kon nin Hala co kaamaa co o viannanndo kabi masindɛ-o cɔmndo ni.
Lelan, ɲɛ ya co niaa dimul mì tiiyal niaa o Maalii nin-ndo co hoo ni: la va lɛ kelaa maa vanaa sínà Hala le-a le, a del yiyannda yɔngu nda ɲɛ-ɲɛ le lan kɔɔli-a pɛɛn,
O bɛnda mì yiyan lende le niaa kpow, kani dɛnnda niaalan la co ya o kɔl. Kani o va telen ya co hau o kaasoo-o, o va telen ya va o pelon coo le yoongu kɛndɔɔ-o a telen ya va ndu keiyo yondaa nɛɛ-nɛɛ ka a kpaayaa-o, mɛɛ niaa co kpow, mí la sɔɔnguu mí la sɔla dɛnɛ kɛndɔɔ a ya latulu.
I ya co kiltan kɔɔli-e co le ndu sinaa ni, mì sina kpaaya tindi ndu fulaa vanvílɛ́iya tɛɛn-ndo. O ya yeema-o co sangaa latulu a ndu, mì vel ndu o piɔ́m ndɔɔ nin ni,
Sunsun, i naŋ kɔl le sangala ya sɔla le niaa lan. Kani i co sangala tɔ̀la Krista mɛi le sɔlaa lan sɔlaa o dialun nun nin o fonda dialun ndɔn, vanaa laalannda pɛɛn.
Nduyɛ, la sínà maa lɔ́ɔ́ naa n va naa niaa-o, n va niaa dimullo maa mɛɛ mì vannda ndáà tol naa yɛlen. Nduyɛ sɔɛi ken tiiya nuaa ni, mɛɛ niaa pila sínà ndi ɲɛkɛndɛi yɛ.
Kɛndɛi ken i cuu nihau cɔmnɔn a fula Yeesu Krista Vana Ciindiaa naa fula, mó cɔmnun-ndo. Yeesu sɔla kpaayaa piɔ́mndo coo, mó soli yoomu fɛɛn-fɛɛndo ceen kpendekele a Yoongu Kɛndɔɔ o kɔɔ-o.
Lelan ya co vɛlɛ sangalan ndan biuvɔnndo ni. Kɛ siɛmbula co ya le, kani i sínà vana ya tiindan-ndo, i nɔ vɛlɛ kɔlkɛsiaa maa o nɔ kpaayaa le ɲɛ o yɔngu ya-o mandaa háá paale o kialunin yamɛi len.
Mɛlɛka mala ya ni, mó luei ya yoomuan, o kon mó tosa mí tiiyal vannda Yoongu Kɛndɔɔ mɛɛ o co faw yɛ, mí vanaa sina Hala le-a kpow a tuɛi. O kon mí Mɛlɛka baŋa ya, a dii ya le.
Kɛ nɔm nɔm, va vana taasio o dɛnndan nin kpow, mà biwnun sangalan, mà tiiyal vannda Yoongu Kɛndɔɔ, mà tosa vali n nɔ le tosaa-o maa vana baala Mɛlɛka-o.
«Ya co Nsaŋ ni, puapilɛ niaa co o dɛnɛ palaa pilɔɔ nin, o masale pilɛlen nin a o biuvɔn pilɔɔ nin a niaa o Yeesu nin-ndo. Le sɔɛi Hala-e a le seile Yeesu len, i va o ɲaanɔnndo nin o lɛŋnde co o mɛnndan tɛɛn-nden nin Patmɔs .
Mí del ndu o pelon bɛngu le ndu biiloo, kɛ mó dimul-la aa: «Ɛ-ɛ, tosa lende le! Vana baalaa maa nɔm, a puapilɛ nɔm lo o toɲa Yeesu-o coo-o ya co ni. Hala n bɛnda ma baŋ vulan o labɛngunin ni!» Seile Yeesu len le co kɔl vanaa-tɛɛngaa-diom Hala-a ni.