2Timote 1:12 - BII BILA

¹² Lelan ya co vɛlɛ sangalan ndan biuvɔnndo ni. Kɛ siɛmbula co ya le, kani i sínà vana ya tiindan-ndo, i nɔ vɛlɛ kɔlkɛsiaa maa o nɔ kpaayaa le ɲɛ o yɔngu ya-o mandaa háá paale o kialunin yamɛi len.

2Timote 1:12 Iomraidhean Croise

Condii lisai 25:2

Hala nuu, nɔm ya handu laalan nuu coo ni, cɛl mì siɛmbulan la bii ya le. Màá yaamɔaa nia nɔla ya mà dɔwnun ɲaale le!

Condii lisai 31:5

Soli ya o yaŋɔɔle nda hendul-la len nin, kani nɔm co vana kándà ya-o ni.

Condii lisai 56:9

Nɔm Hala, a co cɔmndo mɛɛ ya sɔndan bɛmbɔɔ kpɛ́ɛ́ yɛ. Haw mɛmɛma nian o bɔlɔ yáw-cuin nɔmndo nin. Vɛ̀ɛ̀ a cii man sɛva o sɛbɔɔ nin te?

Condii lisai 9:10

Mɛlɛka co kpakio le vanaa nda co saangiaa-a ni, kpaki nda viannun nin telen dɛnɛ palaa-o.

Esai 12:2

A toɲa, Hala co baŋan nuu ni, lelan ndu ya kɛsi laalan nuu kpede coo ni, siòòŋii biinin ya a ɲɛ-ɲɛ le. Kani Mɛlɛka co yoomuma niaan a vana ya co lisaa a condon-ndo ni, ndu co cinda nuu ni.›

Esai 50:7

Kɛ Maalii Hala co ya malaa, lelan i tembu labɛɛ le, le kɔlɔ kon ya veesiaa hɔlaa niaa ni, kani i sina maa siɛmbula biinin ya mì cuu labɛɛ le.

Esai 54:4

Lelan siòòŋii bii nɔm te, kani siɛmbula biinin nɔm te, yɔŋnun yoloma-yoloma le, kani a tembunin labɛɛ le. Kɛ a pɔɛɛnunnin siɛmbula bii nɔm o felengiyɛi nin-ndan, a yiyan ndɛnin a bɛ̀ɛ̀la n tambu lɔ́ɔ́ n va o vii pɔnɔɔ nin-nde lan te.

Nahum 1:7

Mɛlɛka naŋ bɔɔ! Ndu co nɛɛ viannanda o palɛi dɛnɛ palai nin ni. O nɔ hɔlten vanaa viannun ndu o ba bɛngu-a kpede coo,

Matie 12:21

O kon vanaa-mangalaa-isɔɔa kpede a sɔlanin tiindanndo o diola ndɔlan.»

Matie 24:36

«Le paale len a le telen kon, vana-vana sina le, mɛlɛkaa co o halataala-a sina le, Po vanacieo sina le, fɔ Fuɲa nuu ndu pilɛ kpé sina ni.

Matie 7:22

Vanaa bɔɔ-bɔɔ a dimulnin ya paale len aa: ‹Maalii, vɛ̀ɛ̀ o co o diola nɔmndan te naa n tɛɛngul vannda sɔɔn Hala-on te? Vɛ̀ɛ̀ o co o diola nɔmndan te naa n tow ɲinaa vɔɔnda, mí n tosa dɛnnda kaamaalan taw le?›»

Luke 10:12

Mì dimul niaa, paale len, yamɛi Hala kilulnin Sodɔm-nde vanin fisa a i kilulunnin vanaa co o kobi kon nin-nda-e.»

Luke 23:46

Mí Yeesu yonda kpélén aa: «Pua, i mingi nɔm kɔl nuu o ba.» Ciiyo diom kon dimio, mó malnun kɔl.

Nsaŋ 17:15

I co nɔm piɛi mà faŋa nda o ceendo coo le, kɛ mà manda nda le Vana vɔɔndo.

Nsaŋ 6:44

Vana-vana nɔla hunɔɔ o ya lo le, fɔ mì Pua sim vana kon laci, i tindinin ndu fulaa vanvílɛ́iya tɛɛn o paale mɛɛlaa len.

Dɛnnda kiilaa 13:46

O kon, mí Pol nda Barnabas dimul nda a tiindanndo kpendekele aa: «Ndóò bɛnda mì naa n dimul niaa fɔlɔn sɔɛi Hala-e. Kɛ le mɛɛ niaa co ndi kɛɔ, mì niaa pila va cɔnɔnndo maa la co vanaa bɛnda mì la sɔla yoomu fɛɛn-fɛɛn te yɛ, n co mulin o vanaa co N'Yuifi le-a lo.

Dɛnnda kiilaa 13:50

Kɛ mí Yuifia luei vanlaandua lebɛaa nɔ siòòŋii Hala-e-a a vanpiaandua va vannda simndan laci o kobi kon nin-nda sɔɔn nin. Má luɛi Pol nda Barnabas yɛlen tollo, má toaw nda o bungɛi ken nin.

Dɛnnda kiilaa 21:13

Kɛ mó muli aa: «Le yɛɛ nɛ niaa co yɛ caŋndo mì la va ya kɔllo tɛɛmbuuo? Kani o co le ya yiiyo daama le ya co o bɛɛndianndo le, kɛ haliko mi sɔla vɛlɛ piɔ́mndo Yerusalɛm o diola Maalii Yeesu lan.»

Dɛnnda kiilaa 7:59

Telen nda va ndu viiyo a powtan-ndo, mí Etiɛn piɛi Hala aa: «Maalii Yeesu, bii kɔl nuu.»

Dɛnnda kiilaa 9:16

Ya pila cɔmnin ndu sanga kɛ́-kɛ̀ o co hunɔɔ sɔla o diola nilan.»

Rɔmnda 1:16

Siɛmbula co ya le vannda Yoongu kɛndɔɔ tiiyallo le, kani kpaaya Hala ciindiaa vannda-o co kon ni, kandɔɔ a Yuifia kɔ bii niko a vanaa co N'Yuifi le-a.

Rɔmnda 9:33

maa mɛɛ i co i sɛvaa yɛ aa: «Má cè ya pow boŋaa kɛsio Siɔn! Pow kpova mal vana-o. Kɛ vana laalan pɛ ndu, o luusian te.»

1Korɛntea 1:8

Mɛlɛka hiawnin laci a niaa kpaayaa keo háá o mɛɛlulan, haliko mi la va vanaa yaalan te-a paale Maalii naa Yeesu hunnin-nden te.

1Korɛntea 3:13

Kɛ dɛnnda vana-vana la fulanin ceen o paale yamɛi kiolunin-nden. Kani paale len, Mɛlɛka cɔɔmunin-ndan mì la fula ceen mɛɛ yinnden le dindi ɲɔɔ nuaa yɛ.

Filipea 1:20

Nduyɛ, i yeema mì kon tosan, ɲɛ ya handu kɔllo coo taw-vo co kon ni, siɛmbula biinin ya le ɲɛ-ɲɛ le. Kɛ sunsun a le fɛɛn a fɛɛn, i nɔ kɔlkɛsiaa maa Krista sɔlanin sangalaa o dialun nun nin, i va yoomu, i vu.

Filipea 3:10

I ya co kiltan kɔɔli-e co le ndu sinaa ni, mì sina kpaaya tindi ndu fulaa vanvílɛ́iya tɛɛn-ndo. O ya yeema-o co sangaa latulu a ndu, mì vel ndu o piɔ́m ndɔɔ nin ni,

Filipea 3:21

Ndu mangalanin kɔɔle naale dɛnɛ palaalen ni, mò mingi len maa kɔɔle ndɔle biilaa len, a kpaaya bɛndu o nɔ le ɲɛ-ɲɛ fee lueinɔnndo ndu o ba bɛngu-o.

Filipea 3:8

Dɛnndan kpow la co macoaa ya o hɔl maa delɔɔ, le naŋɔɔ bɛndu ya ce o Maalii nuu Yeesu Krista sinaa nin-ndo. Le ndu, mí cɛl, mí ɲɛ-ɲɛ hialun ya, mí ca ɲɛm mun kpow maa bil nda viow o sállo coo-o, haliko tuŋ i sɔla Krista,

1Tesalonikea 2:16

A va kindinndo mì ndáà kuuna naa vanaa co N'Yuifi le-a sɔɛi Hala-e tiiyallo, yɔŋii ndáà sɔla cindaa. Lende nda lo hakilan dengelaa o hakilan coo ni. Kɛ mí kɔltuw Hala-o toal nda coo o mɛɛlulan.

1Tesalonikea 5:4

Kɛ puapilɛa naa, niaa niaa, la co o maɲum nin te, paale len le voolunin niaa maa mɛɛ vuiyo voolu vana nuaa yɛ le.

1Timote 6:20

Nɔm Timote vana hɛnan ya-o, manda ke n sɔla-o ɲɛkɛndɛi. Kpakpala sɛɛngiannda fondola yɔngu vana laalan te lan, mà mal sɔɔn fondon vannda veelu aa dɛnɛ sinaa-on.

2Timote 1:14

Manda ɲɛ kɛndɛ yɔngun nɔm le mandaa-o, Kɔl-Diandaa co naa nin-ndo co nɔm mala mì manda ndu.

2Timote 1:16

Màá Mɛlɛka tuinun yungu Onesifɔr-o iɲíí, kani o co ya ɲɔɔloo cuɛi-cuɛi, siɛmbula co ndu vɛlɛ biyɔɔ le co ya co o yɔlɔn-ndo le.

2Timote 1:18

Màá Maalii tosa mì Mɛlɛka tuinun ndu iɲíí o paale kialaa iyamalen. Nɔm pila sínà mɛɛ o mala ya taw Efɛs yɛ.

2Timote 1:8

Lelan, siɛmbula bii nɔm le seile Maalii naa timbio vannda o hɔl te, siɛmbula bii nɔm vɛlɛ a ya co hoo o kaasoo-o le. Kɛ cɛl mì n sanga latulu le Yoongu Kɛndɔɔ o kpaaya Hala-o bɛngu.

2Timote 2:9

Le Yoongu Kɛndɛ kon ya co sangaa sɔlaa nuaa ni, mì va vɛlɛ o yɔlɔn maa vana tɛɛmbuu dɛnɛ pum-ndo. Kɛ sɔɛi Hala-e co i yiyaa le.

2Timote 4:8

Nduyɛ, Mɛlɛka cii vɔ̀ngɔ̀ nuu manda. Ndu Mɛlɛka sandaa kialu yamɛi-yo yɔngunin ya ndu paale o kialunin vannda iyama len. O co ya kínɛí le o yɔngunin ndu le, kɛ vanaa cumnin hunɔɔ ndɔɔ a kaolaa-a kpow o yɔngunin ndu ni.

Tite 3:8

Sɔɛi toɲɛi co hee ni. I yeema ma tiinda pelei lecoo ɲɛkɛndɛi, haliko mi vanaa laalan Hala-a yɔngun nda pila, mà va dɛnnda kɛndɛlan tosaa. Dɛnnda naŋ mì la co vannda tɔnɔɔ lueiloo lan.

Hebreea 12:2

N tofan Yeesu tuŋ. Ndu o ba laalanndo kandun ni, ndu o ba o mɛɛlu ni. Mó cɛl le vuo o yɔm singafilaa coo, o ci siɛmbula lan ɲɛ-ɲɛ le. Kani o va ɲaale o va hunɔɔ sɔla-o cɔu, nduyɛ sunsun o co icali Hala o ba kɛndɔɔ coo.

Hebreea 2:18

A toɲa, Yeesu pila sanga taw, mó sɔla dɛɛniaa. Lelan o tiwba mo mala vanaa co o dɛɛniaa nin-nda.

Hebreea 7:25

Lelan, Yeesu nɔ kpaayaa le vanaa tiindan ndu le sɔɔnguuo Hala ikɛi-ya ciindiaa le fɛɛn a fɛɛn. Kani o co yoomu le lɔ́ɔ́-lɔ́ɔ̀, o tiwba mo va lɔ́ɔ́-lɔ́ɔ̀ Hala ɲɔɔloo le nda.

1Piɛr 1:5

le niaa co a mandaa o kpaaya Hala-o nin a laalanndo-a, le cinda co nin le cɔmnɔnndo ceen o telennda mɛɛlaalan-ndo.

1Piɛr 4:16

kɛ te vanndo sanga pɛ le tùú o co vana Krista-o-o, siɛmbula bii ndu le ken te. Ɲɛ o bɛnda le tosaa-o co Hala biiloo le diola lan ni.

1Piɛr 4:19

Lelan, vanaa co sangaa sɔlaa o hɛnan Hala-o tosaa-a nin-nda nda mɛi kɔlta ndalan vana cɔw ɲɔɔn-ndo o ba, o faŋan o diomnde ndɔlen coo loo, mà hiow laci a dɛnɛ kɛndɔɔ tosaa.

Yude 1:24

Biiloo co le Vana nɔla niaa kandaa la del too, haliko mi la hun fula ndu o hɔl a ɲaaloo, la sɔla yaalaa loo,