2Samiɛl 9:7 - BII BILA

⁷ Mí David dimul ndu aa: «Siòòŋii bii nɔm te. I yeema mi peelu diomnde nilen a nɔm le Yonatan fuɲa nɔm. I co nɔm lɛŋii Saul fuɲa nɔm mama-e mingul kpow. A vanin vɛlɛ lɔ́ɔ́-lɔ́ɔ̀ ɲɛdiaa dioo naa ŋiɔn latulu.»

2Samiɛl 9:7 Iomraidhean Croise

O Kandɔɔ 43:18

Mí siòònde bii nda le yɔɔ nda yɛɛ nda o yiya o Yosɛf lo cɛinin-ndo, má dimulan aa: «Le volin naa n saalun lɔ́ɔ́ kon o bɔlɔla naalan nin-ndon nda hin a naa nanu nuaa ni. A co naa delɔɔ coo mà siinguu naa cɛa, mà puu naa sofɛlɛa naa o laba.»

O Kandɔɔ 43:23

Mí langbanɔ kon dimul nda aa: «Siòòŋii bii niaa le. Hala niaa, Hala fuɲa niaa co biiloo-o vow ɲɛ-sɔlaa o bɔlɔla niaalan nin ni. Le volin niaan yɛ, mí ndáà yɔngu ya mun.» O kon kɔɔli, mó soli Simeɔn o kaasoo, mó yoo nda ndu.

2Samiɛl 12:8

Ya yɔngu nɔm yungu vana nɔm bɛndoo ni, mí sɔaa laandaa ndɔa nɔm o ba, mí suili nɔm masaa Israɛlla a Yudaa coo. Te kon kpow ndóò tiw nɔm te, yáà tiwba mì yáà cɔɔlu vɛlɛ nɔm ɲɛm celen hendul lecoo.

2Samiɛl 19:28

Kɛ mí buɛi nuu kɔ ɲiinduu ya còòlan coo, mó lɔalu ya o nɔm ndo. Kɛ o va bɛɛ lende, nɔm, maa mɛlɛkanɔ Hala-o n co ni. Lelan, tosa mɛɛ ɲɔɔ hɛnan nɔm yɛ.

2Samiɛl 19:29

Kani naa yungu fuɲa nuu kpow, vanaa ndáà bɛnda le piɔ́mndo sɔlaa nɔm vana bɛndoo o ba-a naa n co ni. Kɛ a kon kpede, má siinguu ya vana pilɛ o vanaa dia ɲɛdiaa niaa ndaa latulu-a tɛɛn. Ɔ́ɔ̀ kɛndɛi celen ya ɲunanin vɛlɛ nɔm le ya tosallo-e?»

2Samiɛl 19:33

Barsilai ndóò yuuva nin taw, vɔsilan belaŋɔmaa ndóò nɔ ni. Ndu va masaa David baloo yɔngoo telen David kalaa va Mahanaim-ndo ni, kani ndóò nɔ bolofaa taw.

2Samiɛl 21:7

Kɛ David yɔngu Mefibosɛt, po Yonatan-ndo, po imama Saul-lo le, kani ndáà cii nin kpema icanyaa yii o diola Mɛlɛka lan nda Yonatan po Saul-lo.

2Samiɛl 9:1

Paale pilɛ, mí David dimi aa: «Vɛ̀ɛ̀ vana pum lo vɔ yoomu o polale Saul-ten nin? I yeema mi peelu diomnde nilen a ndu le Yonatan.»

2Samiɛl 9:10

Nɔm pila, poaa nɔmnda a buɛyaa nɔmnda, niaa bɛnda le vallo tosaa o yondala lan coo ni, mì la yoo ndu ɲɛm niaa vanin kovɔɔ-on le po vana nɔm bɛndoo baloo dɔvɔɔ. Kɛ naa Mefibosɛt vanin lɔ́ɔ́-lɔ́ɔ̀ dioo latulu ni.» Siba ndóò nɔ poaa tɔ́ a à ŋuɛɛnu a buɛiya bibiin.

2Samiɛl 9:11

Mí Siba dimul masaa aa: «Ɲɛ-ɲɛ vana ni bɛndoo, o co masaa-o dimi, buɛi nɔmndo co kon kpow tosa.» O kon maa mɛɛ David ndóò dimi yɛ, mí Mefibosɛt va niko dioo latulu nda masaa David, maa po ndɔ.

2Samiɛl 9:13

Mí Mefibosɛt kɔ cal Yerusalɛm, kani nda masaa va ɲɛdiaa dioo latulu ni. Vana bɛvɛiyo o va ni, pelun miunndon kpow mún tambu ni.

2Samiɛl 9:3

Mí masaa ɲuna ndu vɛlɛ aa: «Vɛ̀ɛ̀ vana pilɛ bɛɛ lo lɛ yoomu fulaa o polale Saul-ten nin te? I yeema mi tosal ndu dɛnɛ kɛndɛ Hala-o.» Mi Siba mulul masaa aa: «Po Yonatan-ndo pilɛ co vɔ icali, vana bɛvɛiyo o co ni.»

1Masaa 2:7

Pɔɛɛnun le poaa Barsilai fula Kalaad-o-a kɛndɛi mingullo le, cɛl nda mà va ɲɛdiaa nɔmndo dioo. Kani lende koni nda bɛɛ mala ya telen ya va Absalɔm puapilɛ nɔm ɲaanɔnndo-o ni.

2Masaa 25:29

Mó soli ndu volɔɔla kaasolan lekɔɔ. Yehoyakin vi lende, nda masaa va ɲɛdiaa dioo latulu ni.

Condii lisai 41:9

«Ɲɛ palaa vɔɔndo tol ndu coo nuaa ni. Má cè ndu ihini, o cen ndɛnin te.»

Yeremi 52:33

O cɛl lɛ lɔ́ɔ́-lɔ́ɔ̀ mì Yoakɛn vownun volɔɔla kaasolan te. Handɔɔ o kon coo, nda masaa tuŋ vannun nin dioo ni.

Sakari 7:9

Nuaa Mɛlɛka-Nɔ-Kpaayaa-Kpow-vo soo ni mó dimi aa: La kiolu yaman o sandei nin. La vá vanaa kɛndɛa niaa pila tɛɛn, mì la tuinan ɲííye vellaa-velle.

Matie 6:11

Yɔngu naa n diaa lepalaa-lepala-o le paalen nden hau.

Luke 22:30

haliko mi la de, mi la kol naa niaa latulu o masale nilen nin. La calnin vɛlɛ o kpɛŋɛla lemasalan nin le yamɛi polama tɔ́ a mamiɔmma Israɛlla kiolɔɔ.»

Dɛnnda cɔɔmuanndan 3:20

Tofa vɔ, i co isisi o dio, i co dioo lɔɔ. Te vanndo tuei pɛ diom nuu, mò kumbi dioo, i luɛinin ndu coo, mì n de ɲɛdiaa naa ndu latulu.

1Samiɛl 12:24

Niaa yɛ, o bɛnda mì la nɔ siòòŋii Mɛlɛka-e, mì la biilu ndu a kɔlta niaalan kpow, kani niaa pila ce dɛnnda kaamaala o tosa niaa o hɔl-tan.

1Samiɛl 20:15

Hali lɔ́ɔ́ Mɛlɛka ciinin yaamɔaa nɔmnda diw a pilɛn-pilɛnnda o lɛŋnden kpow coo-o, hiow laci a lou o diomnde nɔmnden coo a yungu nuu.»

1Samiɛl 22:23

Lelan kɔa lɛhau nɛɛ-nɛɛ le, lo nanu. Siòòŋii bii vɛlɛ nɔm le ɲɛ-ɲɛ le. Yaamɔɔ pilɔɔ kpé co naa tovɔɔ ni, cal-la ikɛi, ɲɛ-ɲɛ co nɔm yɔŋnɔn te.»