2Samiɛl 9:6 - BII BILA

⁶ Mefibosɛt, po Yonatan-ndo, po imama Saul-lo tiiyaa o David lo, mó del lɛŋ o kuumbuan o kɔl coo masaa o hɔl. Mí David ɲuna ndu aa: «Nɔm co Mefibosɛt ni?» Mó muli aa: «Ya co vana nɔm baala kon ni.»

2Samiɛl 9:6 Iomraidhean Croise

O Kandɔɔ 18:2

Mɛɛ o tofa, mó ca langbaa nda yáá isisi tiŋ lándán. Mó can ɲaali o cɛi-kola-toandaa ndɔɔ dio, mó kɔa nda demullo a kiltan. Mɛɛ o tiiya, mó baŋ vulan,

O Kandɔɔ 33:3

Mí ndu pila hiaw nda laci. O tundun lɛŋ bɛmbɛ leŋɔmmɛw malan o tiiya Esau bɛ ndɔ ikɛi.

2Samiɛl 1:7

Ndóò mulinndo, mó ca ya, o kon mó veelu ya. Mí cɛl aa: ‹Yoo masaa!›

2Samiɛl 16:4

O kon mí masaa dimul Siba aa: «I yɔngu nɔm ɲɛm Mefibosɛt-on kpow.» Mí Siba dimul ndu aa: «Mɛɛ balika masaa le ya dɛnɛ kɛndɔɔ ho tosallo.»

2Samiɛl 21:7

Kɛ David yɔngu Mefibosɛt, po Yonatan-ndo, po imama Saul-lo le, kani ndáà cii nin kpema icanyaa yii o diola Mɛlɛka lan nda Yonatan po Saul-lo.

2Samiɛl 4:4

Yonatan po Saul-lo ndóò nɔ poo diolan Mefibosɛt, vana bɛvɛiyo o va ni, peelun ndɔn miunndon kpow mun óò tambu ndu ni. Ndóò nɔ vɔ vɔsilan tan ŋuɛɛnu kínɛí, mí yoongoo fula Yisreɛl maa Saul nda Yonatan a vi. Mí vanalanɔ va ndu biyɔɔ-o cua ndu a kiltan le ɲaanɔnndo. Kɛ o lo keleŋaa mí poombɔɔ hialun ndu, mó del, mó siŋnun vana bɛvɛiyo.

2Samiɛl 9:5

Mí masaa David viam kiilaa le kɔlan ndu cuaa nɛɛ o va o Makir, po Amiɛl-lo cɛinin Lo-Debar-a.

1Dɛnnda lemasalan 8:34

Po Yonatan-ndo yɔŋnun Meribaal ni. Meribaal kon va fuɲaa Mika ni.

1Dɛnnda lemasalan 9:40

Po Yonatan-ndo yɔŋnun Meribaal ni. Mí Meribaal vialu Misee.

1Samiɛl 20:41

Tuma poombɔɔ muungun-ndo, mí David koma fula nɛɛ o va o viannan o powvo kɔɔli a ba too-a, mó baŋ vulan Yonatan o labɛngunin háá bɛmbɔɔ leyáá. Má kɔɔmian a caŋndo taw nda ŋiɔn, kɛ David hiow caŋ.

1Samiɛl 25:23

Abikail cɔu dɔ́ɔ́ David, mó toal o sofɛlɛ ndɔɔ coo, mó baŋ vulan David laci, mó tundun David o labɛngunin,