2Samiɛl 9:1 - BII BILA

¹ Paale pilɛ, mí David dimi aa: «Vɛ̀ɛ̀ vana pum lo vɔ yoomu o polale Saul-ten nin? I yeema mi peelu diomnde nilen a ndu le Yonatan.»

2Samiɛl 9:1 Iomraidhean Croise

2Samiɛl 1:26

Mɔnɛi luɛi ya o kɔl di, le nɔm Yonatan caan ni. Yáà kaola nɔm bɔɔ! Kaola nɔmndo yáà hiow yeela tueyɔɔ a kaola vanlaandua.

2Samiɛl 21:7

Kɛ David yɔngu Mefibosɛt, po Yonatan-ndo, po imama Saul-lo le, kani ndáà cii nin kpema icanyaa yii o diola Mɛlɛka lan nda Yonatan po Saul-lo.

2Samiɛl 9:7

Mí David dimul ndu aa: «Siòòŋii bii nɔm te. I yeema mi peelu diomnde nilen a nɔm le Yonatan fuɲa nɔm. I co nɔm lɛŋii Saul fuɲa nɔm mama-e mingul kpow. A vanin vɛlɛ lɔ́ɔ́-lɔ́ɔ̀ ɲɛdiaa dioo naa ŋiɔn latulu.»

1Masaa 2:7

Pɔɛɛnun le poaa Barsilai fula Kalaad-o-a kɛndɛi mingullo le, cɛl nda mà va ɲɛdiaa nɔmndo dioo. Kani lende koni nda bɛɛ mala ya telen ya va Absalɔm puapilɛ nɔm ɲaanɔnndo-o ni.

Talelan 27:10

Mal caan nɔm te, mal vɛlɛ caaŋoo fuɲa nɔm te. Kɔa o bɛ nɔm ndo, te kon te o pɔmbɔ nɔm ndo paale dɛnɔɔ co nɔm pala len te, kani vana niaa cɛɛlian caltan-ndo co fisa a bɛ nɔm, te kon te a pɔmbɔ nɔm co levil-lo.

Matie 10:42

Mì dimul niaa toɲaa, vana-vana ke pɛ cuaambɔa ha o pilɛ hali mɛmma ɲuluan taala kólaa ca le tùú o co kaandennɔ nuu-o, vana kon folanin vɔ̀ngɔ̀ ndɔɔ le.»

Matie 25:40

O kon masaa mululnin nda aa: ‹Mì dimul niaa toɲaa, telen oo telen niaa va o hiow dɔɔnanndo o puapilɛa nia ha tɛɛn-ndo dɛnnda lan tosallo, ya niaa va tosal kon lende ni.›

Marke 9:41

Vana-vana ke pɛ niaa mɛmma kolan taala kólaa ca o diola nilan le tùú niaa co vanaa Krista-a o, mì dimul niaa toɲaa, vana kon ndu folanin vɔ̀ngɔ̀ ndɔɔ le.

1Piɛr 3:8

O mɛɛlulan, la nɔ yiyan pilɔɔ a ɲííye. Kaolaa va o piaa niaa o lakɔl le puapilɛa niaa, la nɔ kɛndɛi a tuisinndo.

1Samiɛl 20:42

O kon kɔɔli, mí Yonatan dimul David aa: «Kɔnnun a kɔlɲulu fɛɛ. Loonun a kpemaa icanya naa yii naa ŋiɔn-ndo, mí n dimi aa ‹Màá Mɛlɛka mala naa mi n lo o diomnden coo naa ŋiɔn, mì kpema kalaa koma lo vɛlɛ poaa naa imamaa tɛɛn le lɔ́ɔ́-lɔ́ɔ̀!›»