2Samiɛl 8:6 - BII BILA

⁶ Mí David kɛsi masaa n'bungaa Aram o lɛŋnde Damas len nin, o kon mí Aramiia cal sumialii ndɔ, má va muloo malɔɔ ndu o ba. Nduyɛ, nɛɛ-nɛɛ ndóò kɔɛ pɛ le cɔwvo tosaa, Mɛlɛka ndóò sim ndu kɔɔli, ndóò nɔla yaamɔɔa o cɔwvo.

2Samiɛl 8:6 Iomraidhean Croise

2Samiɛl 10:19

Mɛɛ masaa va Hadadesɛr o ba bɛngu kpow-va ce maa Israɛlla nɔla nda, má vow landon, má cii sɔngɔɔ nda Israɛlla. O kon, má cal nda o ba bɛngu. Lelan, Aramiia tɔɔndan ndɛ lɔ́ɔ́-lɔ́ɔ̀ le Amɔnnda malaa o cɔwvo le.

2Samiɛl 23:14

David va nɛɛ ndɔa ndóò vennun kan-nda, mí kunda vanaa cɔvaa Filistia pum kɔ bii Bɛtlɛhɛm.

2Samiɛl 3:18

Lelan, la suili ndu niko masaa, kani nuaa Mɛlɛka soo a ndu o kɔɔ ni aa: ‹O vana nuu David nin ya keinin ni mì ciindiaa vanaa nia, Israɛlla pɛɛn, mì baŋa nda Filistia a yaamɔaa ndaa kpow o ba.›»

2Samiɛl 5:10

Mí David hiaw laci a yoomuan sɔlaa taw, kani Mɛlɛka, Hala-Nɔ-Kpaayaa-Kpow-vo va ndu ikɛi.

2Samiɛl 7:9

Nɛɛ-nɛɛ nɔm óò kɔɛ pɛ, i va nɔm ikɛi. Mí diw yaamɔaa nɔmnda kpow nɔm laci. Mí siinguu nɔm vana tɔ́ɔ́ bɛndoo, maa vanaa tɔ́ɔ́ bɛndua co o lɛŋnden coo-a.

2Samiɛl 8:14

Mó suili masaa n'bungaa o lɛŋnde Edɔm-nden kpow nin. Mí Edɔmnnda siŋnun cɛa ndɔa. Nduyɛ, nɛɛ-nɛɛ David ndóò kɔɛ pɛ le cɔwvo tosaa, Mɛlɛka ndóò sim ndu laci ndóò nɔla yaamɔɔa o cɔwvo.

2Samiɛl 8:2

Mó nɔla vɛlɛ Moabua, mó yɛɛmbuu nda lɛŋ, mó tuu nda a yoolen le nda diwvo. Mó tuu yoolen lediin le kan diwvo, mó tuu vɛlɛ yoolen lepilɛ le kan mɛiyo yoomu. O kon, mí Moabua siŋnun cɛa le David, má va muloo malɔɔ ndu o ba.

2Samiɛl 8:7

Mí David hialu kɔ̀ɔ̀la cɔwla n'sianila vanaa cɔvaa Hadadesɛr-a ndáà nɔ lan, mó kɔannun a lan Yerusalɛm.

2Masaa 1:1

O piɔ́m Akab-o kɔɔli, mí Moabua piasa Israɛlla o ba.

2Masaa 14:28

Dɛnnda tɔ̀la Yeroboam-ndan kpow, ɲɛ-ɲɛ o tosa, dialun ndɔn fulan o cɔwlan nin a mɛɛ o looku Damas a Hamat hiɔlɔɔ mó mingi lan o masalen Israɛl bɛngu yɛ, kon kpow co o sɛvaa o sɛbɛ Dɛnnda lemasalan Israɛl nin.

2Masaa 18:7

Lelan, mí Mɛlɛka va ndu Esekia ikɛi, mí kpekula ndɔlan kpow la va diondɔɔ. Mó simul masaa Asiri, mó kɛɛ le vaa ndu o ba bɛngu.

2Masaa 3:4

Mesa, masa va Moab-o ndóò nɔ cɔlua taw. Vɔsi oo vɔsi saa téndéa vaalan kɛmɛ a saa kóndóa vaalan kɛmɛ a yiiŋii ndɛi ndóò mal muloo masaa Israɛl o ba ni.

1Dɛnnda lemasalan 18:13

Mó kɛsi masaa n'bungaa Edɔmnda coo, mí Edɔmnda kpow a luɛi David o ba bɛngu. Mɛlɛka va David mandaa nɛɛ-nɛɛ o va kɔlan.

2Dɛnnda lemasalan 17:2

Mó kɛsi kundala vanaa cɔwva o kobila mayoomula va o tàndá Yuda-o nin-ndan kpow nin. Mó kɛsi vɛlɛ vanaa cɔwva o lɛŋnde len nin a o kobila Asa fuɲa ndɔ ndóò hɛlu polale Efraim-nden o ba lan nin.

Condii lisai 140:7

Kɛ mí dimul Mɛlɛka aa: «Nɔm co Hala nuu ni. Tuei piɛile ya co a cɛɛŋɔnndo nɔm o lani len!

Condii lisai 60:10

Fɛngɛ ya pulun nin-ndo co Moab ni. Edɔm co nɛɛ ya viaw samta nuu-a ni. Lɛŋnde Filistii len ya yonda yonda cɔwvo kɔɔli ni.»

Talelan 21:31

Vana nɔlà mì vana toosiaa soa ɲɛkɛndɛi le paale cɔwlen, kɛ Mɛlɛka tosa ni mì vana nɔla yaamɔɔa o cɔwvo.

1Samiɛl 13:3

Paale pilɛ, mí Yonatan dii masa ibunga Filistia, ó va icali Kibea-o. Mí Filistia tuɛi sɔɛi ken. Mí Saul viam vannda má hɔŋ buloo o lɛŋnden nin kpow, mó va dimio aa: «Fɔ mì Hebreea tuei sɔɛi he.»

1Samiɛl 14:1

Paale pilɛ, mí Yonatan po Saul-lo dimul langbanɔ va ɲɛm ndɔn cɔwvon cuaa-o aa: «Hun mì n kɔɛ háá nɛɛ Filistia co icali cumullo leeloo nda-a.» Kɛ Yonatan dimul fuɲa ndɔ sɔɛi ken te.

1Samiɛl 14:15

Mí siòònde bii Filistia tɔ̀a lo o dɔ́ɔ́ngɔ́ kon nin-nda a Filistia tɔ̀a va o tàndà kon nin-nda kpede. Mí siòònde bii a va cumullo-a, mí siòònde bii vɛlɛ kuubaa ndaa cɔwva taw. Handɔɔ o kon kpow coo, mí lɛŋnden le ɲiiya, mí kɔltan la laasian vannda kpede a dɛnɛ bɛndu Hala tosa kon-ndo.

1Samiɛl 14:6

Mí Yonatan dimul langbanɔ va ndu kon ɲɛm cɔwvon cuello-o aa: «Hun mì n sɔɔnguu vanaa dii haa tooma le-a macɛlu kpɛɛlun, bɔɔle mì Mɛlɛka mala naa mì n nɔla nda. Kani n va sɛ́lɛ́, n va sɛ́lɛ́ le, Mɛlɛka dimi pɛ le naa baŋaa, o baŋa naa.»