2Samiɛl 8:4 - BII BILA

⁴ Mí David bii vanaa ɲaanun o soa coo-a n'van vàá pilɛ a kɛmɛ leŋɔmmɛw a vanaa cɔvaa celen vaalan bidiin o vanaa cɔvaa Hadadesɛr-a tɛɛn. Mó bii soa ndáà bɛɛndiaa le cɔwvo-a kɛmɛ, mó manda kan le ndu pila. O kon kɔɔli, mó kili soa tɔ̀a kpow tɔndikɔɔlion.

2Samiɛl 8:4 Iomraidhean Croise

O Kandɔɔ 49:6

Màá i sɔɔnguu nda bɛɛ ikɛi o dúmbú nda yii-o coo le! Màá i yiyan bɛɛ a cuungian ndaa o kɔɔ le! Kani a diw vanndacieea a kɔl nda tuwvo, má kili navaa tovaa tɔndikɔɔlion a kɔl nda fulaa.

1Masaa 10:26

Mí Salomɔn cuungiaa ɲɛla ɲaanannda soa nan-ndan vàá pilɛ a kɛmɛ lehiɔɔlu, soa vaalan tɔ́ a latiɔn, mó manda a pum ndu ikɛi Yerusalɛm, mó yaa a pilla o kobila yɛ́-yɛ́la ndóò bɛɛndiaa le nda mandaa lan nin.

1Dɛnnda lemasalan 18:4

Mi David poonda ɲɛla ɲaanannda ndɔla soa nan-ndan vàá pilɛ, mó bii vanaa ndɔa ɲaanun o soa coo-a vàála ŋɔmmɛw a vanaa cɔvaa n'pelua ndɔa vaalan bidiin, mó mal nda o kaasoo. Mó kili soa nan ɲɛla ɲaananndan-nda kpow tɔndikɔɔlion, fɔ soa kɛmɛ daama o mɛi le ndu pila ni.

Condii lisai 20:7

I sinà nihau maa Mɛlɛka baŋa masa o pɔla-o. O lo o Cɛi ndɔ diandaa nin o halataala, mó va ndu mulullo a kpaaya ba ndɔ kɛndɔɔ.

Tɔŋ miingua 17:16

Masa niaa suilinin kon-ndo bɛnda mò nɔ soa taw le, o bɛnda mò mingi vɛlɛ Israɛlla pum Esipte le soa sɔlaa taw-taw le. Kani Mɛlɛka dimul niaa aa: ‹La muungu lɛ o nɛi kon coo le.›

Yosue 11:6

O kon mí Mɛlɛka dimul Yosue aa: «Siòòŋii bii nɔm a nda le, kani siɔdii a telen vaa nuaa kpafii, i tosanin mà deli a yɔŋulɛiya Israɛlla o ba. A kilinin soa ndaa tɔndikɔɔlion, mà lumi ɲɛla ɲaanannda ndala soa nan-ndan.»

Yosue 11:9

Mí Yosue tosa a nda mɛɛ Mɛlɛka ndóò dimul ndu yɛ, mó kili soa ndaa tɔndikɔɔlion, mó loam ɲɛla ɲaanannda ndala soa nan-ndan.