2Samiɛl 8:3 - BII BILA

³ Tuma Hadadesɛr, po Rehɔb va masaa Soba-o, ndóò yeema le kɔlan tàndà va o peo Efrate leeloo-o hiɔlɔɔ-o, mí David nɔla vɛlɛ kon.

2Samiɛl 8:3 Iomraidhean Croise

O Kandɔɔ 15:18

Paale len Mɛlɛka yiilu Abram kpemaa ni, mó dimul ndu aa: «I yii kpemaa maa i yɔngunin cuavaa nɔmaa imamaa lɛŋnden nden. Kandɔnndo a pee pɔmbɔɔ Esipte, kɔ bii a pee bɛndoo Efrate,

2Samiɛl 10:15

Aramiia cɔu maa Israɛlla nɔla nda, má cuungiaa vanaa ndaa cɔwva kpow.

2Samiɛl 10:16

Mí Hadadesɛr viam kiilaa le Aramiaa va o peo Efrate leeloo-a veeloo. Mí nda hun, má tiiya Helam. Sobak va simlacinɔ vanaa cɔvaa Hadadesɛr-a va nda bollen ni.

2Samiɛl 10:19

Mɛɛ masaa va Hadadesɛr o ba bɛngu kpow-va ce maa Israɛlla nɔla nda, má vow landon, má cii sɔngɔɔ nda Israɛlla. O kon, má cal nda o ba bɛngu. Lelan, Aramiia tɔɔndan ndɛ lɔ́ɔ́-lɔ́ɔ̀ le Amɔnnda malaa o cɔwvo le.

2Samiɛl 10:6

Mí Amɔnnda sina maa a nɛinun David le dɛnɛ nda tosa kon-ndo. Le hee, má cua vanaa cɔwva vaalan bidiin o Aramiia Bɛt-Rehɔb a o Aramiia Soba tɛɛn, má cua vɛlɛ vanaa cɔwva vàá pilɛ masaa Maaka o ba, má cua vɛlɛ vannda vaalan tɔ́ a latiɔn o vannda Tob tɛɛn.

2Samiɛl 23:36

Yikeal po Natan fula Soba-o, Bani Kadnɔ,

1Dɛnnda lemasalan 18:3

Tuma Hadadesɛr va masaa Soba-o, o masalen ndɔlen léè tiiya háá Hamat-o va kɔlan a masale ndɔlen pɛngɛlaa o tàndá co Efrate leeloo-o coo-o, mí David cɔlɔba vɛlɛ kon, mó nɔla ndu.

2Dɛnnda lemasalan 8:3

O kon kɔɔli, mí Salomɔn kɔ del kobio Hamat-Soba coo a cɔwvo, mó bii ndu.

Condii lisai 60:1

Condii David-e, í fula o condun simlacinɔ vanaa n'condua nin-nde. A ɲɛ-caa nɔ diolan aa «Bil pɔmbɔ leseiyo»-o o soli ndi ni.

Condii lisai 72:8

O tosanin masalen kandɔɔ o mɛmma ihɛllan kpengei pilɛ, kɔlan tiiyaa háá kpengei pilɛi, kandɔɔ vɛlɛ o peo Efrate leeloo, kɔlan tiiyaa háá o lɛŋnden mɛɛlulan.

Fulaa 23:31

I handunin pɛɛngula lɛŋnde niaalen cɔnɔnndo a mɛmma ihɛlma makpɛ̀ndɛ̀an, kɔ bii a mɛmma ihɛlma Filistia, kandɔnndo vɛlɛ a lɛŋnde veselɛilen Sinai, kɔ bii a pee bɛndoo Efrate. Kani i malnin vanaa co o tàndà kon nin-nda niaa o ba, mì la tow nda polon.

Tɔŋ miingua 11:24

Fonda oo fonda niaa pila pɛ pelei, niaa nɔnin fonda kon ni. Lɛŋnde niaalen le cannin a lɛŋnde veselɛilen, mì le kɔ tiiya háá Liban, le cannin vɛlɛ a pee bɛndoo Efrate, mì le kɔ tiiya háá o mɛmma ihɛllan Mediteranee.

1Samiɛl 14:47

Saul sulɔɔ masa o lɛŋnde Israɛl-ten coo, mó cɔlɔba yaamɔaa va o tàndà kon nin-nda: Moabua, Amɔnnda, Edɔmnda, masaa yɛ́-yɛ́a Soba a Filistia. Nɛɛ-nɛɛ ndóò mulin pɛ a cɔwvo, ndóò nɔla vanaa va lon-nda.